منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 عزاء خمسة نجوم...

اذهب الى الأسفل 
5 مشترك
كاتب الموضوعرسالة
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

عزاء خمسة نجوم... Empty
مُساهمةموضوع: عزاء خمسة نجوم...   عزاء خمسة نجوم... Emptyالإثنين 19 ديسمبر 2011, 2:36 pm

قبل كم يوم قريت خبر في الجريدة ماعرفت اتفاعل معاهو كيف .. الخبر تحت عنوان تكاليف الموت تزداد غلاء في بريطانيا .. قالوا انو الجنازة بقت تكلفهم مايعادل راتب 4 شهور .. 7300 جنيه استرليني يعني تقريبا 300 الف جنيه سوداني .. وقالوا انهم عملوا دراساتهم ونصحوا الناس انهم يعملوا حسابهم من بدري عشان ماينضغطوا .. عزاء خمسة نجوم... Sm283 .. نفسي اعرف بس حيعملوا حسابهم كيف يعني .. مثلا يلموا قروش من بدري ويقولوا عشان لما فلان يموت ؟؟!! ولا ياربي الواحد فيهم بكون عارف نفسه حيموت بتين ويكلمهم قبلها بفترة كدة عشان يجهزوا نفسهم عزاء خمسة نجوم... Sm233.. استغفر الله العظيم يارب ..
المهم الخبر ده طبعا طوالي رجع بي لبلدنا الحبيب سودانا الجميل .. وخلاني افكر اعمل دعوة للبريطانيين عشان يجو يشوفوا تكاليف العرس قصدي العزاء كيف ؟؟!!
ماملاحظين معاي انه العزاء بقى يكلف زي العرس واكتر منه كمان ؟! وبقوا الناس يخشوا في ديون عشان يقدروا يغطوا مصاريف ايام العزاء .. ماشاء الله الناس بكون مجتمعين لمة وونسة وضحك واكل وشراب زي كانهم في بيت عزومة او عرس مش في بيت بكا .. وكمان صينية الاكل فيها مالذ وطاب من الاكل والمقبلات وفاتحات الشهية والمشوي والمحمر والمحشي .. وبعد شوية قهوة وشاي والمغربية شاي حليب ولقيمات .. ويجيك صوت يقول ليك فلانة دي عندها ضغط مابتشرب القهوة ولا دي عندها حموضة مابتشرب شاي اعملوا ليها عصير .. وطبعا لو انفتحت جبهة العصير الجميع داير .. وتكاليف مابتنتهي والناس تخش في ديون تقعد تحلحل فيها بالسنين ..
زمااان الناس كانت بتساعد بعض وتشيل بعض ولو حصل لزول ظرف بتلقي الناس واقفين معاهو ويختوا ليهو في الكشف عشان يتساعد بيهو وتلقى مثلا بيت فلان طلع الفطور وبيت فلان طلع الغدا وبيت فلان طلع العشا وبيت فلان طلع الشاي والقهوة وكدة .. لكن اسه اهل العزا ياكلوا نارهم براهم .. والعجيبة لو ماكانوا ناس مواجبين وبختوا للناس في كشوفاتهم خلاص الرماد يكيلهم زول بخت ليهم ماف .. مااصلوا الحكاية بقت اعمل لي واعمل ليك .. حاجة لله ماف عزاء خمسة نجوم... Sm283 .. صحيح والله الجمرة بتحرق الواطيها بس الزمن ده ..
بيوت البكيات بقت عبارة عن فرصة للتجمع والونسة دون مراعاة لشعور أهل الميت ودي حاجة انا شفتها وعاصرتها بنفسي وكنت كل مااسمع الناس تضحك انا ابكي بحرقة اكتر .. صحيح الحي ابقى من الميت لكن كمان لازم نراعي شعور الاخرين على الاقل في الايام الاولى من العزاء ..
وفعلا كدة بنطبق المثل البقول ميتة وخراب وديار ..اها رايكم شنو؟؟؟نطبع كروت الدعوة؟؟؟
الرجوع الى أعلى الصفحة اذهب الى الأسفل
https://halfasugar.mam9.com/u195contact
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

عزاء خمسة نجوم... Empty
مُساهمةموضوع: رد: عزاء خمسة نجوم...   عزاء خمسة نجوم... Emptyالإثنين 19 ديسمبر 2011, 7:36 pm

شكرا انيقا نازك ولكن لا داعى لطبع الكروت لانه ينتهى العزاء بانتهاء مراسم الدفن ولا شنووووووووووووووووووووووووو؟؟؟!!!!!!!! Sad Sad Sad Sad Sad Sad
الرجوع الى أعلى الصفحة اذهب الى الأسفل
عبد الرحمن موسي ادريس
المدير العام
المدير العام
عبد الرحمن موسي ادريس


عدد المساهمات : 1830
نقطة : 11945
تاريخ التسجيل : 19/09/2011
العمر : 66
الموقع : مصنع سكر حلفا الجديدة
المزاج : مسلم/سنى

عزاء خمسة نجوم... Empty
مُساهمةموضوع: رد عزاء 5*   عزاء خمسة نجوم... Emptyالثلاثاء 20 ديسمبر 2011, 8:48 am

تبقى مصيبة كبيرة إذا التكافل بين الناس إنتهى
الحمد لله لازلنا فى مجتمع المصنع نتكافل ونواسى
أهل الميت وبالذات فى البركس أيام الفراش الأكل
الذى يشارك به الأحباب يكفى الكل ويزيد ودائماً
نوجه أصحاب المأتم بتقليل التكلفة,وفى السنين
الأخيرة تم شبه إتفاق على إختصار المأتم فى يومين
فقط.نرجو أن لاتنتقل إلينا عدوى المآتم ذات النجمات
الخمسة والتى نسمع بها فى البنادر,لدرجة أن النساء
يتبرجن فى الملابس والزينة والحُلى والحُلل وقالوا
واحدات يتحنن حنة جديدة عشان ماشات بيت البكا
إلى أين يسير هذا المجتمع السودانى الله أعلم...
اللهم إنا نعوذ بك من البطر والرياء والنفاق....
آآآآآمين...

الرجوع الى أعلى الصفحة اذهب الى الأسفل
كمال دفع الله محمد
عضو ذهبي
عضو ذهبي
كمال دفع الله محمد


عدد المساهمات : 414
نقطة : 10030
تاريخ التسجيل : 13/05/2011
العمر : 68
الموقع : المصنع ــ القسم الكيميائي
المزاج : مســــــــــلم

عزاء خمسة نجوم... Empty
مُساهمةموضوع: رد: عزاء خمسة نجوم...   عزاء خمسة نجوم... Emptyالثلاثاء 20 ديسمبر 2011, 1:38 pm

اذا كانت المرأة تتحنن للعزاء فهذا جهل ما بعده جهل للأسف حريمنا أصبحن لا يفرقن بين ما هو ملائم لبيت (البكاء) وما هو ملائم لبيت العرس فالمناسبتين عندهن سواء ما دامت فيها لمّة ناس فتعرض وتستعرض ما لديها ولا يهمها مشاعر أهل الميت .. النساء عندنا في حوجة لدرس عصر في التعامل مع المناسبات ولكل مقام مقال
أمّا بالنسبة لتكافل الناس في المآتم فما زالت المجتمعات القروية متمسكة بتقاليد الأجداد وبالرغم من الكم الهائل من الأكل الذي يأتي به أهل القرية الاّ أنّ أهل الميت يؤجرون الطباخين وينحرون الذبائح تحسباَ لوصول عدد كبير من الضيوف
حتى أولئك الذين يعلنون أن العزاء ينتهي بنهاية الدفن يدخلون في ديون بسبب تدفق الناس عليهم ... المجاملات لن تنتهي ولن يرضى السودانيين بايقافها ولكن الاقتصاد مطلوب لكي لا تصبح ميتة وخراب ديار !!!
الرجوع الى أعلى الصفحة اذهب الى الأسفل
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

عزاء خمسة نجوم... Empty
مُساهمةموضوع: رد: عزاء خمسة نجوم...   عزاء خمسة نجوم... Emptyالجمعة 23 ديسمبر 2011, 8:33 pm

عبد الرحمن موسي ادريس كتب:
تبقى مصيبة كبيرة إذا التكافل بين الناس إنتهى
الحمد لله لازلنا فى مجتمع المصنع نتكافل ونواسى
أهل الميت وبالذات فى البركس أيام الفراش الأكل
الذى يشارك به الأحباب يكفى الكل ويزيد ودائماً
نوجه أصحاب المأتم بتقليل التكلفة,وفى السنين
الأخيرة تم شبه إتفاق على إختصار المأتم فى يومين
فقط.نرجو أن لاتنتقل إلينا عدوى المآتم ذات النجمات
الخمسة والتى نسمع بها فى البنادر,لدرجة أن النساء
يتبرجن فى الملابس والزينة والحُلى والحُلل وقالوا
واحدات يتحنن حنة جديدة عشان ماشات بيت البكا
إلى أين يسير هذا المجتمع السودانى الله أعلم...
اللهم إنا نعوذ بك من البطر والرياء والنفاق....
آآآآآمين...






والله فعلا لسه الدنيا بخير والسودان بخير

عندنا الناس الغبش واهلي في الجزيره يكون سيد العزاء
يتفرج وتقوم الناس بالواجب الاجتماعي
اي زول يجيب غداه ووفطور والشي البعجبني
شاي الصباح سادتي لسه السودان فيو خير يا جماعه
واهلنا في الريف والغبش ما زالو متمسكين بباقي القيم
ولكن توجد النقاشات وكلام الكوره ومشكله الدمازين

واكثر ما اعجبني وجود جمعيات في كل حي تقوم
باجراء اللازم للماتم وتجمع ماتبقي من خساره العزاء
وتقسم علي الاعضاء والفائض يسلم لاسره الفقيد لان العزاء
يستمر ايام
ولسه الدنيا بخير
الرجوع الى أعلى الصفحة اذهب الى الأسفل
https://halfasugar.mam9.com/u195contact
اقبال ابكر
عضو ذهبي
عضو ذهبي
اقبال ابكر


عدد المساهمات : 512
نقطة : 10225
تاريخ التسجيل : 31/05/2011
العمر : 37
الموقع : مصنع سكر ح
المزاج : التواضع

عزاء خمسة نجوم... Empty
مُساهمةموضوع: خمسه نجوم   عزاء خمسة نجوم... Emptyالسبت 24 ديسمبر 2011, 12:14 pm

حقيقه والله خمسه نجمات الماتم
الناس عارفه هي بتعمل في شنو بالنسب ياخ عبدالرحمن يعني الواحده بتمشي غبشه بتلاقي ناس الماتم هم زاتهم لابسين شيك والله بالجد انا حضرت في البندر كتيرلان انا لما بمشي بفتكر الاقي الناس العزاء لابسين مثلا عادي لا والله من اللبس لي نعلان يعني حاجه مباااااااااااااااالغه والله بتذكر مشيت عزاء لصاحبتنا فانا كنت حزينه بعد ماعزيتم بس صاحبتنا هي بدت تتونس مع الناس وتتبسم معاهم ما عايزه اقول تضحك لان ماف زول يصدقني بالجد دا الحاصل لو الزول مشي اغبش الناس تكون نايره وهو زي الكلمه الشاذه

الله يعين الجميع
الرجوع الى أعلى الصفحة اذهب الى الأسفل
 
عزاء خمسة نجوم...
الرجوع الى أعلى الصفحة 
صفحة 1 من اصل 1
 مواضيع مماثلة
-
» الآبري
» أغبى خمسة اسئلة في العالم
» خمسة ايام فى حياة كل انسان
» خمسة جُمل لاتقلها للمرأة....
» عزاء آل سيد

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات العــــــــــامة :: الحوار-
انتقل الى: