منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 سيره ود العُمدّه

اذهب الى الأسفل 
4 مشترك
كاتب الموضوعرسالة
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

سيره ود العُمدّه  Empty
مُساهمةموضوع: سيره ود العُمدّه    سيره ود العُمدّه  Emptyالأربعاء 25 يناير 2012, 1:53 pm

**منقول من بريدي



العمدة راجلاً عقلو راجح وعلمو غزير وبحب التعليم و القراية بالحيل. وفي شان كدي رسل ولدو (عمر) يقرا في بلاد الغرب قرايتاً تنفعو لي قدام. و الجنا ما خيب أمل أبوه تب من الناحية دي ورجع و شهادة (الهندسة) طابيها في يدو. والعمدة ما قصر ضبح الضبايح وعمل الكرامات للوليد. والجنا مشا اشتغل في (الخرتوم) في شركة كبيرة خلاس .. ومابين قراية بره و قعدة الخرتوم الجنا قعد بي وشو بهناك واستقر هناك و عملو بيتاً سمح .. وفي ديك الأيام قرر (العرس) من واحدة بتشتغل معاهو في الشركة بت عز و أكابر وعايلة معروفة كدي (ولادة راهبات .. و حبي بلاط .. وقراية أقباط) الناس الملس النضاف ديلك .. وقطع شك لازم تلقى حرف قبل الاسم بتاعم ( د / ولا م ..) يعني ناس (الفيلا مفروشة و البولو مقرشة) .. وجا البلد و (بالدس) كدي عزم ليهو كم نفر من الناس القاعدين يمشوا الخرتوم كتير و متعودين على ملاقاة الناس (الهاي) .. طبعا ما عاوز يخرب (الرصة) في العرس و يلم .. (الدوم مع حلاوة القطن) .. الله ما خلق و فرق .. اها قام الخبر اتسرب شوية وانطلق في البلد وقالوا ود العمدة عرسو بالخميس .. و ناس البلد في المجاملة يعجبوك و (ما يحتاج عزومة) .. والله يجاملوك مجاملة لمن تقول (الروووب) ومرات الروب زاتا ما بتحلك .. و قالوا كدي لا خلوا (أندروبل) طبعا محتاجة مترجم للحتة دي لا خلوا (لوري) لا خلوا (بكسي) .. أها الأعمى شال المكسر.
وقبل يومين من العرس اتحركوا و (دلاليكم) فوق شايلين الخرتوم .. و ود العمدة بقى أمام الأمر الواقع لازم يضايف السيرة و لا (سيرتو تبقى عوجة) ويصغر رقبة أبوهو مع البلد .. أها قبل الحكاية على مضض و نزل الجماعة في بيت واحد صاحبو في (الكدرو) .. (مع إنو العرس في أركويت) .. و هو متأكد أهل العروس أكان شافوا (السيرة) دي قبل العقد إحتمال كبير ينطوا .. و البنية تطير منو .. عشان كدي أحسن يخليهم أمام الأمر الواقع .. لكن (بعد العقد ...)[/size]
وجا يوم العرس و كان في (نادي الضباط) واتحركت الجموع من الكدرو .. (و الزغاريد و الدلوكة) شاقة الخرتوم كلها زي (الجايبين كاس أفريقيا) .. لحدي ما وصلوا .. و الحفلة كانت مدورة ... أها الجماعة على وصلتم كل واحد من اللوري و عكازو فوق على الباب ويعرض من بره .. الجلابية و العمة الواقعة على جنبة و السكين في الضراع .. و العرضة فوق .. والنسوان نازلات رقيص (بالرقبة) من (الأندروبل) لحدي الدايرة .. المشاط يلمع زي (الزلط الجديد) و الودع في نص الراس و التياب البرتقالية .. و الخدرا .. و السيره ود العُمدّه  99 .. (الله يخلي سوق ستة).
أها ناس العرس كلهم شافوا المنظر و (رقدوا ركن) وفي خاترهم قالوا ديل قطع شك (طالبان) .. و لا (حزب الله و أكبر) .. دخلتم خلعة من المنظر ده .. و ما إطمئنوا إلا لمن واحد حريف منهم كدي قال : والله يالعريس مفاجأة حلوة (جبت فرقة الفنون الشعبية) والله .. (نيو ستايل) و كسر للروتين.
وطبعا هم .. الله يخليهم .. مافي زول لابس جلابية حتى أبو العروس لابس (بدلة) و أم العروس لابسة (إسكيرت و بلوزة) ولا أقولكم (بنطلون جينز وفنيلة تي شيرت) و الباقين ناس (لابسين هدوم .. وفيهم لاهم لابسين لاهم ما لابسين .. وبقيتم .. ما أظنهم لابسين) .. الغريبة اللون ما زي لونا (ديل بالالوان و نحنا شمسنا ما قصرت فينا) .. الشبه مو شبهنا (هوانم قاردن سيتي و نحن حليلك يا بلد) .. الكلام مو كلامنا (ست اللهيج السكري .. و نحنا مع حروف الجر و العطف عندنا حروف الحلقوم و اللوز) .. الرقيص مو رقيصنا (يا حمامة يا رقاصة .. و نحن الكنداكة سيدي الأراكة) .. و الغنا زاتو مو غنانا (سو يا سو حبيبي حبسو .. ونحنا ناس من قومة الجهل ما بخوفوك بي اأخ) .. لكن قول الحق مرجلة هم (طاعمين بالحيل) تعاين في وش الواحدة فيهم تشوف وشك فوقه والواحدة تعجبك (تفنجط بي وراها ساي التقول سخلة) .. بس كترة الالوان تزغلل العيون ..
إتعشينا والعشاء كان حكاية .. أنا ود الخرتوم .. ما عرفتا من الأكل إلا (الرغيف) و منديل الورق .. ورجال البلد اطرطشوا تب .. معاينة في (خلق الله) و قالوا نسوانهم إن ما بنات عمهم و (قداحة) عليك أمان الله ما يبيتن معاهم .. و تعليقات في الشايفنو ده .. أها نطه (الطيب ود حمد) و قال للعمدة : أسي آجناب العمدة نحن مع الناس نقول معرسين نسوان .. عليك أمان الله ديل مفروض يكونوا أخوانا في الله .. مش نسوان .. شوف يا حضرة العمدة السماحة و الجمال و النضافة عند الناس ديل.
قام (العمدة) بكل هدوء و حكمة قال ليهو : ديل يا الطيب يا ود أخوي .. زي كباية الشاي العليها (عشرة معالق سكر) يكون طعمها حلو شديد لكن ما بتنشرب.
[/size]



سيره ود العُمدّه  01114سيره ود العُمدّه  01114سيره ود العُمدّه  01114سيره ود العُمدّه  01114













عدل سابقا من قبل نازك يوسف في الخميس 26 يناير 2012, 12:38 am عدل 1 مرات
الرجوع الى أعلى الصفحة اذهب الى الأسفل
https://halfasugar.mam9.com/u195contact
هيثم أبوالقاسم (البرقيق)
عضو ذهبي
عضو ذهبي
هيثم أبوالقاسم (البرقيق)


عدد المساهمات : 222
نقطة : 9648
تاريخ التسجيل : 27/05/2011
العمر : 51
الموقع : السعودية /الرياض
المزاج : ضارب الهم بي الفرح

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالأربعاء 25 يناير 2012, 7:24 pm

شكراً جزيلاً اخت نازك علي الإبداااااااع, كاني راكب فى لورى السيرة محدر طاقيتي, وفي قصة شبيهه بي قصة ود العمدة ممكن تسميها قصة ود المدير الساكن الخرطوم و مشا البلد يعرس بت عموا قال يغطى قدحو والعرس هناك بسيط وسهل وغير مكلف الشيلة سرير ومرتبة وابريق وطشت والمروق شديد بجيب مزيرة والعادى يحفر حفرة فى الواطة يخت فيها الزير وشيلة بى مية ميتين جنية ويدقق شوالين زرة وجركانة زيت وبصل شيلة الاكل ويعمل نفير يجو الشباب يجيبوا حطب العشر والجريد من الغابة ويبنوا ليه بيت برش وصريف ويكون البيت إنتهى لاشقة مفروشة ولا منكوشة , يتلموا الناس يلغفوا العصيدة بى السليقة وتدق الدلوكة يعرضوا ويدقوا بى السوط ويتفرتقوا والعرس انتهي, لكن قبل الزواج بي يومين حصلت وفاة عمهم فى البلد وقالوا ينقلوا العرس من البلد لى الخرطوم ما يأجلوا العرس لانوا العريس ود المدير إجازتوا محدودة وقربت تنتهى, اتلملموا ناس الحلة وجابوا العروس وجو يعملوا العرس فى الخرطوم ونفس سيناريو ود العمدة -
شكراً تانى نازك وفى انتظار المزيد من نفحات ربوع سودانا.
الرجوع الى أعلى الصفحة اذهب الى الأسفل
اقبال ابكر
عضو ذهبي
عضو ذهبي
اقبال ابكر


عدد المساهمات : 512
نقطة : 10225
تاريخ التسجيل : 31/05/2011
العمر : 37
الموقع : مصنع سكر ح
المزاج : التواضع

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالخميس 26 يناير 2012, 3:07 pm

[b]وللسرد لغته الباذخة ، التي تأخذ برياحها شراع القلب وتبحر به الى مبتغى الكاتب ومرساهـ
تسلمي موته من الضحك يازووووووووووكه وهيثم تسلموووووووووو
الرجوع الى أعلى الصفحة اذهب الى الأسفل
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالأحد 29 يناير 2012, 3:29 pm

تسلم ياالبرقيق لتعطير البوست..
ولو ماجيت من زي ديلااااا
وا اسفاااااااي وا ماااستي
ووااا ذلي...
الرجوع الى أعلى الصفحة اذهب الى الأسفل
https://halfasugar.mam9.com/u195contact
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالأحد 29 يناير 2012, 3:32 pm

اقبال ابكر كتب:
[b]وللسرد لغته الباذخة ، التي تأخذ برياحها شراع القلب وتبحر به الى مبتغى الكاتب ومرساهـ
تسلمي موته من الضحك يازووووووووووكه وهيثم تسلموووووووووو

تشكراتي يااقبال للمرور والقصه عجبتني ولطشتها
الرجوع الى أعلى الصفحة اذهب الى الأسفل
https://halfasugar.mam9.com/u195contact
عوض احمد ادريس
مشرف سابق
مشرف سابق
عوض احمد ادريس


عدد المساهمات : 1205
نقطة : 10667
تاريخ التسجيل : 07/11/2011
الموقع : امدرمان
المزاج : سودانى

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالثلاثاء 07 فبراير 2012, 1:30 am

ما هذا الابداع وهذه الروعة اختي نازك وانتي تقودينا من التعابير الملتبسة الى هذه التعابير البسيطة وانتي تكتبين عن العمدة فهذا العمدة اخذ من المكانة الكثير في ادبنا السوداني بكل انواعه من قصو وشعر ورواية فهو كان رمز للكثير من الاشياء من ظلم وجشع وقهر وفي بعض الاحيان حلم وجسارة وتضحية من اجل الاخرين
فشكرا لكي
الرجوع الى أعلى الصفحة اذهب الى الأسفل
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالأربعاء 08 فبراير 2012, 10:21 am

عوض احمد ادريس كتب:
ما هذا الابداع وهذه الروعة اختي نازك وانتي تقودينا من التعابير الملتبسة الى هذه التعابير البسيطة وانتي تكتبين عن العمدة فهذا العمدة اخذ من المكانة الكثير في ادبنا السوداني بكل انواعه من قصو وشعر ورواية فهو كان رمز للكثير من الاشياء من ظلم وجشع وقهر وفي بعض الاحيان حلم وجسارة وتضحية من اجل الاخرين
فشكرا لكي
عوض احمد ادريس بذات نفسو؟؟؟؟تشكراتي علي المرور والمشاركه اخي عوض وحمدلله علي السلامه فعلا العمده وحوشو موضوع جميل والقصة عجبتني لطشتها
الرجوع الى أعلى الصفحة اذهب الى الأسفل
https://halfasugar.mam9.com/u195contact
عوض احمد ادريس
مشرف سابق
مشرف سابق
عوض احمد ادريس


عدد المساهمات : 1205
نقطة : 10667
تاريخ التسجيل : 07/11/2011
الموقع : امدرمان
المزاج : سودانى

سيره ود العُمدّه  Empty
مُساهمةموضوع: رد: سيره ود العُمدّه    سيره ود العُمدّه  Emptyالأربعاء 22 فبراير 2012, 8:41 pm

ايتها الرائعة ان سرقة الجمال جمال فالكلمة الجميلة لها سلطانها وسيظل العمدة ملهم الكثير من الاقلام
مع خالص التقدير
الرجوع الى أعلى الصفحة اذهب الى الأسفل
 
سيره ود العُمدّه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الحكايات والخواطر-
انتقل الى: