يلا اكتب يا قلم وثق بواقي الزكريات
لا تعاند وتشتكي قبل ما يحصل ممات
ونفقد الزكري الجميلة وتصبح الايام شتات
سجل مرافئ اليوم سنين قبال يفوت بينا الفوات
ما الزكري ان طال الزمن لابد تفضل في القلوب
نسقيها من ماء المني قبال يماسيها الغروب
ننساق مع الوتر الجميل نحميها من شبح الهروب
يلا اكتب ياقلم قبال تجف قبال تلاقيك الحروب
سال القلم دفق كلام نابع من الصدر الكتوم
لا صد لا رجع الحبر لا قاسي من كتر الغيوم
وانا لسة راجي النور يشع ينساب مع الافراح يدوم
والقاك يا املي الكبير محفوظة في جوة الكلام
بلقاك اروع من نجوم
والقاهو عطفك جاني دافر يانسمة الخير والسكون
يا احلي زولا عرفتها وما بنسي طرفك والعيون
كل السمح والكان زمان ياريتو تاني يعود يهون
وانضم ليك في اجمل وشاح واخلط مع حبك جنون
ما السكة طالت من سنين والبسمة راحت والحنين
والنور توالاهو الظلام
والحب سواقيهو بتدور في سكة ماليها الغمام
ياريتو قلبك يحنو لي يعطف علي يديني برضو الاهتمام
ياريت معالمك تستبين والنور يلاقيهو الجبين والحب يسافر في سلام
يا انت حبك في القليب مهجور علي وادي الجفاف
ساقاهو موية المستحيل نابت علي جدر الضفاف
مشلول من الهم الكبير ياريتو يرسي علي مطاف
واقدر افوق من محنتي قبال يضايقنا الخلاف
ياانت حبك لو وقف ما اظني ليك اقدر اجافي
وانسي كل الزكريات لحن السنين صوت القوافي
ما البينا اكبر من يروح يصبح حزن يصبح مرافئ
ولسة حافظك في غنايا ولسة وافي
واصلو السنين ماغيرت احساس هوايا ولون شفافي
وصوت هديلك لو سكت وباقي قلبك يبقي جافي
صوتي لسة متصل اجراسو تضرب شان تصافي
ولسة بكتب ليك واغني بالشعر كلمات عفافي
وكلمة واحدة بقولها ليك اخر الكلام اخر مطافي
لو قليبك لي رجع يلقي القليب صافي ومعافي
ويلا يا اروع حبيب سكنتو داري وكان حصادي بذور جفافي
وباقي ماضيك المعايا ياخي كافي وليا شافي[center]
