منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 مصيبة وحلت على شبابنا

اذهب الى الأسفل 
+4
منى احمد
رمزى عبدالقادر
ام تساب
8 مشترك
كاتب الموضوعرسالة
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

مصيبة وحلت على شبابنا  Empty
مُساهمةموضوع: مصيبة وحلت على شبابنا    مصيبة وحلت على شبابنا  Emptyالثلاثاء 21 فبراير 2012, 10:19 pm

قادتنى الصدفة هذا المساء وانا اغوص فى اليوتيوب لسماع اغنية لحدى هنا والموضوع عادى الما عادى انه استمعت لاغنية بجد والله احزنتى جدا وتكمن المصيبة فى ان هذه هى ثقافة جيل بأكمله فهل هذه هى الاغنية الشبابية ؟؟؟؟؟ام انها الهابطة ؟؟؟ام ماذا تسمى هذه الكلمات فى قاموس الشباب ،،،،،،،،،،،
البوست ده مطروح للشباب من الجنسين للادلاء بارائهم حول مفهوم الاغنية الشبابية وهل كل من تغنى باى خطرفات تدخل فى اطار الاغنية الشبابية ،،،،بعيدا عن مفهوم الاغانى الهابطة والجدل الدائر حولها ارجو ان يأتى كل من يستمع لهذه الاغنية والتى على شاكلتها ان يدلو بدلوه حول الموضوع ،،،،،،،،،،،بجد والله انا حزينة وممغوصة فى نفس الوقت وياخسارة اذن تسمع لوردى والمصطفى رحمهما الله والبلابل ولون المنقة ذات الاذن تستمع الى حرامى القلوب تلب ،،،،،،،،،،،،،،
غايتو لفحت كلماتها من عمنا قوقل والداير يشوف يمشى اليوتيوب وهناك مضطر انك تغمض عيونك قبل آذنك
قولوا يا لطييييييييييييييييييييييييييف وشاركونى النقاش




وانا في نومي بتقلب حرامي القلوب تلب
سالت روميو ورندا قفلت البرندا
واناداير اتعشي واحلي بي المريندا
واخد لي سندااااااااااااااااااااااااااااااا
ورقدتا ونعستا وسرحتا
عاينت في الحيطة في حرامي لي تلب
خشي علي براحه بقي مافي بينا مسااحه
حرامي شنو دا الراقئ الزاد للروح افراحا
دا حرامي سمح سماحه
ما عادي طبعوا هادئ

بدل يسرق قروشنا سرق قلبي المعذب
وصحيت والله بعلم وكنتا صاحي وبحلم
حلمت بي ذول بريدو ومعاهو ما اتألم
حرامي القلوب يسلم دا بحبو وبحب قربو وبخش في قلبو
والبشيل قلبي ويجري يتهني ما يتغلب
هسي كان قبضوهو بشنو حايحاكموهو
مافي قانون بحاكم الذول البريديهو يسكوهو وبمسكيهو وما بخلوهو
تجي السرقه ما فاهم في حب الناس مدرب
وانا في نومي بنقلب الحرامي لي تلب
وانا في نومي بتقلب حرامي القلوب تلب

اللهم لا نسألك رد القضاء ولكن نسألك اللطف فيه
..










الرجوع الى أعلى الصفحة اذهب الى الأسفل
رمزى عبدالقادر
عضو نشيط
عضو نشيط



عدد المساهمات : 61
نقطة : 8934
تاريخ التسجيل : 15/02/2012
العمر : 46
الموقع : مصنع السكر
المزاج : على كيفى ارقع جبتى او لا ارقعها

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالأربعاء 22 فبراير 2012, 1:15 pm

هناك الكثير من هذه البلاوى _ الغريبه انها مطلوبه فى الحفلات الخاصه بالاعراس من بعض الشباب - لعمرى انها طاعون اصاب الشباب _ يا ام تساب المجتمع السودانى يتعرض لاكبر عملية تحول ونهيار فى القيم _ كل يوم نصحو ونكتشف اختفا قيمه وموروث _ ديل قاعدين يجردوا فينابالحركه البطيئه _ اعوذ بالله
الرجوع الى أعلى الصفحة اذهب الى الأسفل





نقطة : 39620
تاريخ التسجيل : 01/01/1970

مصيبة وحلت على شبابنا  Empty
مُساهمةموضوع: ..................................   مصيبة وحلت على شبابنا  Emptyالأربعاء 22 فبراير 2012, 6:04 pm

شدني كثيراً هذا الموضوع الشيق والهام جداً من الاخت ام تساب والاخ رمزي اوافقكم الرأي ولكن يرجع االأمر الي التقليدو المحاكاة الغير هاتفة إن صح التعبير انحطاط القيم والمثل ورحع بي الامر الي بوست الاخت نازك عاطر تحياتي لها (دوبلاج بي مزاج)

دوبلآآآآآآآآآآآآآج بمزآآآآآآآآآآآآآج.....
اكيييد العنوان ده ذكركم بحاجة .. ولو ماذكركم انا اقول ليكم .. ديل ناس الهيلاهيوب في رمضان كانوا عاملين ليهم حلقات دمها خفيف اسمها دوبلاج بمزاج .. كانت عبارة عن دبلجة لاغاني او مواقف من مقتطفات غير سودانية .. فكرة البرنامج حلوة جدا وكيفتني .. ويمكن الكلام الحاقوله اسه شوية غريب .. لكن فعلا ده احساسي كلما اشوف حلقة من حلقات البرنامج بتذكر حالنا وكيف انه الدبلجة خشت في كل حاجة في حياتنا .. نبداها من المسلسلات .. زمان كانت المكسيكية ودي طبعا عفا عليها الدهر واندفنت فكانت وريثتها على العرش التركية .. ثم الافلام الامريكية والهندية وطبعا التحية لأخوانا السوريين ملوك الدبلجة وربنا يعينهم في الاوقات الراهنة دي .. مصيبة وحلت على شبابنا  Sm138 ديل خلونا نحس انه الناس دي ياها لهجتها وكان سمعناهم في الحقيقة حتكون ياها الدبلجة .. نجي لبت الجامعة او بلاش الجامعة اي بنت كانت .. لما تكون بتتكلم في البيت بكون بصوتها الطبيعي وبس مايجيها تلفون او طلعت برة البيت تسمع الدبلجة على اصولها وكأنه الكانت في البيت واحدة والقدامك برة البيت واحدة تانية .. حيث تتم الدبلجة بصوت انثوي عذب للغاية .. المرة في البيت مع زوجها وتحية لربات البيوت تشوف وتسمع العجب العجاب الواحدة لما الراجل يقصر منها الصوت عامل زي الرعدة ولما تكون هي دايرة حاجة من الراجل ياسلااام على الرقة والانوثة والصوت الساحر .. التحية ليكم يابنات حواء في دي اتفوقتوا على السوريين زاتهم .. ماتزعلوا مني لكن بقول الحقيقة حتى لو كانت مُرة مصيبة وحلت على شبابنا  Sm241 .. وانتو ياالرجال ماتفرحوا ماشاء الله مامقصرين حاجة من الدبلجة .في الشغل الموظفة او الموظفة مع باقي الموظفين ياساتر نهير وكشير وصوت زي الرصاص واول مايجي المسئول سبحانك ربي تتم الدبلجة بكاتم صوت ويعتلي الوجه ابتسامة بريئة براءة الذئاب ويتناسب حجم الابتسامة تناسبا طرديا مع نوع المسئول هل هو ذكر ام انثى مصيبة وحلت على شبابنا  Sm220 .. الشاب وهو في التلفون مع جكسوية كدة : الو ياعمري كيفك ياقلب ودبلجة بآخر همس ومزاج ولما ينقطع حبل الافكار ويجي صوت يخرب الدبلجة قصدي المكالمة اللطيفة دي يرجع الصوت لطبيعته وتتغير الملامح وترجع لعادتها ومن خلى عادته قلت سعادته .. ... عالمنا ده كلو بقى مُدبلج ومعروف الصوت لمنو .. امريكا والدول الغربية ما بتقصر حاجة .. المُدبلِج عفوا قصدي المتحدث الرسمي باسم العالم .. مصيبة وحلت على شبابنا  Sm5 ... ودي حاجة بسيطة لكن غلبني اعصر مخي في اللحظة دي .. معليش يمكن كلامي كلام هترشة لكن حسيت اني دايرة اكتب وافضي ...
الرجوع الى أعلى الصفحة اذهب الى الأسفل
منى احمد
عضو نشيط
عضو نشيط



عدد المساهمات : 144
نقطة : 9840
تاريخ التسجيل : 03/01/2011

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالأربعاء 22 فبراير 2012, 6:35 pm

التحية ليكم ام تساب بروعة كلماتك ومواضيعك والاخ رمزى ووليد
اما عن الاغانى اللى كلماتها مامركبة على بعض وبيقولوا عليها شبابية بتعتمد على الموسيقى ومافى زول بيكلف نفسه يعرف كلمات الاغنيه بس دنج دنج ونجيز وخلاص زمان كان الزول يطرب لكلمات الاغنيه .اما الان ربنا يكون فى العون.
الرجوع الى أعلى الصفحة اذهب الى الأسفل
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالأربعاء 22 فبراير 2012, 7:37 pm

الحضور الانيق
يسعد مساكم
قطعا لم اقصد من العنوان الاثارة او لفت الانتباه بقدر ما اننى وددت ان تشاركونى الرأى فى هذه المصيبة والتى فعلا حلت علينا وعلى شبابنا وعلى الاذن التى كانت تسمع وتستمتع بالحقيبة فهاهم الان يقتحمون آذاننا بتلك الثقافات الدخيلة علينا ولو افترضنا ان هذه ثقافة جيل ما المانع من ان تكون هذه الثقافة مستوحاه من البيئة السودانية والثقافة حقتنا البنعرفها ،،،،،غايتو انا مازلت فى انتظار اراء باقى الشباب ولى عودة
الرجوع الى أعلى الصفحة اذهب الى الأسفل
عيسى الزم
مشرف
مشرف
عيسى الزم


عدد المساهمات : 104
نقطة : 9013
تاريخ التسجيل : 23/01/2012
العمر : 55
الموقع : قريه العوائده سكر سنار
المزاج : 100 الميه

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالخميس 23 فبراير 2012, 12:08 pm

يا ام تساب الحرامى كمان بفوا يغنو ليهو ويزغردو لبهو

انتى جبتى النص ده من وين والشاعره دى لسه حيه ولا كتلوها

الكلام ده المصيبه يكون قالو راجل والمصيبه الاكبر لو قالتو بنت والمصيبه الاعظم انو يكون ابوها عايش وعندها اخوان مفتولى العضلات

ده ما حرامى ده عشيق ما تفترو على الحراميه ساى

الحراميه اشرف من كده
الرجوع الى أعلى الصفحة اذهب الى الأسفل
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالخميس 23 فبراير 2012, 8:28 pm

شكرا استاذنا عيسى
مداخلتك جميلة واتخيل المصيبة الكبيرة انه شاعرها طلع راجل وكأنه كده بنت عدنان قد جفت وانعدمت الكلمات بس العيب فى الاذن التى تسمع ،،،،
غايتو ربنا يسهل ويرحم جيلنا الجديد

المرة دى بالاسود حدادا على شباب اليوم
الرجوع الى أعلى الصفحة اذهب الى الأسفل
مندكورو
عضو فضي
عضو فضي



عدد المساهمات : 345
نقطة : 9370
تاريخ التسجيل : 10/01/2012
الموقع : سلطنة عمان
المزاج : هادي

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالسبت 25 فبراير 2012, 11:27 am

ام تساب

وانا في نومي بتقلب حرامي القلوب تلب
سالت روميو ورندا قفلت البرندا
واناداير اتعشي واحلي بي المريندا
واخد لي سندااااااااااااااااااااااااااااااا
ورقدتا ونعستا وسرحتا
عاينت في الحيطة في حرامي لي تلب
خشي علي براحه بقي مافي بينا مسااحه
حرامي شنو دا الراقئ الزاد للروح افراحا
دا حرامي سمح سماحه
ما عادي طبعوا هادئ بدل يسرق قروشنا سرق قلبي المعذب
وصحيت والله بعلم وكنتا صاحي وبحلم
حلمت بي ذول بريدو ومعاهو ما اتألم
حرامي القلوب يسلم دا بحبو وبحب قربو وبخش في قلبو
والبشيل قلبي ويجري يتهني ما يتغلب
هسي كان قبضوهو بشنو حايحاكموهو
مافي قانون بحاكم الذول البريديهو يسكوهو وبمسكيهو وما بخلوهو
تجي السرقه ما فاهم في حب الناس مدرب
وانا في نومي بنقلب الحرامي لي تلب
وانا في نومي بتقلب حرامي القلوب تلب

]اللهم لا نسألك رد القضاء ولكن نسألك اللطف فيه

[color=blue]أم تساب لك التحية ..
هذه النوعية من الأغاني وما يطلق عليه
الأغاني الهابطة .. للأسف موجود وله مريدوه
وجاء بديلآ لأغاني البنات والذي كان في يومآ
ما أحد روافد التراث السوداني الجميل ..
ولكن بقدرة قادر حل هذا المسخ بديلآ لذلك
التراث الجميل من أغاني البنات والذي كان
يلتزم بالمفردة الرصينة المبنية علي أخلاقيات
الشعب السوداني وكان معظم أغانيهم في الشكر
والحماسة و تعديد الصفات الجميلة للرجل والمرأة
علي حد السواء ..
أما هذا المسخ فهو نتيجة التفكك الأخلاقي الذي
أصاب مجتمعنا أخيرآ ..






[/right][/quote]
الرجوع الى أعلى الصفحة اذهب الى الأسفل
اقبال ابكر
عضو ذهبي
عضو ذهبي
اقبال ابكر


عدد المساهمات : 512
نقطة : 10225
تاريخ التسجيل : 31/05/2011
العمر : 37
الموقع : مصنع سكر ح
المزاج : التواضع

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالإثنين 27 فبراير 2012, 3:22 pm

الاخت ام تساب بوستاتك جميله
المشاركين جميعا ابدعتوا
ياربي الاغاني دي ليها شاعر وملحن ولا الحاصل شنو بوست ام تساب شداني واعطاني دفعه لكي اسال عن حمي الاغاني الهابطه

قيل انها سريعه وخفيفه والواحده او الواحد اذا مره بي موقف بس يالف اغنيه ويلحنا .....
والحقيقه العالم العربي كله مثال(قوم اوقف - بوس الواوا-وآلو)

كمان احد الفنانين المشهورين يغني للجامعات
بيقول
جامعات السودان .... عيش وشوف فيها ... احلى جامعات مابنخليها ...فيها السمح وفيها الكعب لكن لازم في الاخر نقرا فيها
فيها الاولاد معا البنات ... فيهم دايمن احلى الصفات ... ok Welcome to university
----------
بدينا حسي بأم الجامعات عموم اكيد معروفه جامعه الخرطوم
في الونسه شهاده دي حمتنا النوم .. الجكسي حايم اونلاين اور تايم
طبعا يناس شوفو الهدوم كييف.. احمر وازرق الوان الطييف
ماعندوم مشاكل .. بس في قرود في الشجر .. ودي المشكله الوحيده الي بتواجها البشر
...............
احلى حاجه المواصلات الداخليه ... عارفين وين اكيييد في الاسلاميه
واحلى حاجه في الاسلاميه المواصلات.. انا في محاضره وسامع ركشات
جامعه عزابه مافيها بنات ... غايتو الايتخلطوا في المواصلات
كيف جامعه تمام؟ وعزابه ساي اقوليك حاجه الله يستر من الجاي
--------
والطلابا دايمن يتأخرو ... السودان .. فيها بيتمخطرو
حفلات شغاله ليل ونهار .. ماكضب القال للخلط افكار
الويرلس طول اليوم شغال ....ما بتلقى زول فى النت ماحفار
فيس بوك وماسنجر وكلام من دا .. اعمل حساب وضيف ياخي ماتنسى
--------

جامعات السودان .... عيش وشوف فيها ... احلى جامعات مابنخليها ...فيها السمح وفيها الكعب لكن لازم في الاخر نقرا فيها
فيها الاولاد معا البنات ... فيهم دايمن احلى الصفات ... ok Welcome to university
--------
ولو عندك كاش امشي حميده .. ناس راغيين والحب فيها ريده
ناس فاهمين غايتو مافيهم كلام... طلابم حلوين وعرباتم شديده
والشعر فيها هناك الوان احمر وازرق وزيل الحصان
الشاف يقول والماشاف يسمع والمالبست جنز حتلبس وتلمع
.............
جينا لجامعه الاحفاد ... قالو البنات بيشاغلو الاولاد
الله بس يخلي الكريمات .. عليك الله ديل بنات جامعات
الصراحه لسماحتن كاتلات.. ياخي بالنيه والي فات مات
بيشاغلوك في الشارع واخر النهار ...وفي الفيس جايين يعملو ADD
............
ونمشي غشوه نجي التقانا..انا بريد بناتا بى امانه
طلابا كلوم لفليف شعر .. والجل عاملينو في السخانه
يشترو الكريمان من بدايه الشهر.. ياحاج حول الفلس جانا
فيها الاعبين والفنانين.. والدايره صوره يلا معانا
.......

جامعات السودان .... عيش وشوف فيها ... احلى جامعات مابنخليها ...فيها السمح وفيها الكعب لكن لازم في الاخر نقرا فيها
فيها الاولاد معا البنات ... فيهم دايمن احلى الصفات ... ok Welcome to university

تقبلووووووووو تحياتي

ألف شكرلكِ أختى الكريمة ام تساب على مو ضوع الرائع و الجميل وجزاك الله الجنة وبا رك الله فيك00 حسبنا الله ونعم الوكيل ...

000 مني لكِ كل الشكر والتقدير
الرجوع الى أعلى الصفحة اذهب الى الأسفل
مندكورو
عضو فضي
عضو فضي



عدد المساهمات : 345
نقطة : 9370
تاريخ التسجيل : 10/01/2012
الموقع : سلطنة عمان
المزاج : هادي

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالإثنين 27 فبراير 2012, 3:39 pm


سلام يا إقبال عساك طيبة ..
وين ناس جامعة إفريقيا ههههههه
غايتو عليكم جنس حقارة هههههه
مالم عيبيهم لي .. حلالالالالالاتم والله ..
الرجوع الى أعلى الصفحة اذهب الى الأسفل
عوض احمد ادريس
مشرف سابق
مشرف سابق
عوض احمد ادريس


عدد المساهمات : 1205
نقطة : 10667
تاريخ التسجيل : 07/11/2011
الموقع : امدرمان
المزاج : سودانى

مصيبة وحلت على شبابنا  Empty
مُساهمةموضوع: رد: مصيبة وحلت على شبابنا    مصيبة وحلت على شبابنا  Emptyالإثنين 27 فبراير 2012, 11:40 pm

التحيه والاحترام الرائعه ام تساب واعتزاري لك على الدخول المتاخر ولكن
فلنبكى لو يفيد البكاء فقد ماتت كل الاغنيات الحالمات وانتشر القبح حتى فى الكلمات
صادفنى قبل مده فى احدى الاحتفاليات شخص يدعى محمد ديكور سالتا عنه وعرفتا انه شاعر يكتب من هى فى شاكلة حرامى القلوب وغيرها وكان حزنى عندما رايت تمجيد الاعلام له
وحقا انى اغرق وان المصيبه قد وقعت فعلينا ان نترجل اهل السياسه والتعليم والثقافه وكل مكونات المجتمع
لان الوجدان السودانى فى خطر نبحث عن الاسباب الحقيقه له واعنى الكارثه ولنا عوده
الرجوع الى أعلى الصفحة اذهب الى الأسفل
 
مصيبة وحلت على شبابنا
الرجوع الى أعلى الصفحة 
صفحة 1 من اصل 1
 مواضيع مماثلة
-
» فتوى جديدة ،،،،،،،،،،ام مصيبة ؟؟؟؟؟؟؟؟؟

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات العــــــــــامة :: الحوار-
انتقل الى: