[right][b]تحيه كبيره للشوايقه ولكل قبايل السوداان
قال:-
يا جزمتي الشالك يطير
يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع
ودا التاني سرقو ملايتو
تعِيقنى انا
يعيقك الله يا مجرم
وكيف بالله تسرقنى
تسِرقك بطنك انشالله
وتخليك ديمه متألم
حِضيرى انشالله يبراك
وفلساً للجيوب يختم
والعطش اليحرق الجوف
يخلى الفقراء قايمى وقاعدى
ليك تعزم
تعيقنى انا
يعيقك الله يا مجرم
بمدفع كلاشنكوف
يواليك فى المِسِيمع عاد
يخليك لا سمع لا شوف
يجيك عميل من السوفيت
مرسلو ليك غورباتشوف
شايل حقنه حارقه معاهو
يحرق ليك
كبدك وقلبك
حتى المعده والشارشوف
تعيقنى انا
نان بالله لوسألوك
عميان من الاسواق
تسوق اروتّى
فى ساقيه تورا يقطّع الخناق
تسوقلك داف
تدقشوا ترله فى عقبه
يخليك لا ضهر لا ساق
نان بالله لو سألوك
ما عارف القروش بى وين
ناس بانين عمارات كيف
وناس راحات
وناس تخزين
حكمت تجينى انا المسكين
البلقط بقرش وقرشين
تقرشك عقرباً
تلقاك فوق الريق
يكون جسمك مرطب تب
تقُرشك سموم الصيف تخلى
وشيكا قايم حب
وقرشا يبلعك
يسرع يلف بجده والصومال
يجيبك لينا تانى هنا
يرميك فى الرصيف بجاى
يسلب لحمك الفوقك
يخليك بس عضام وعصب
تعيقنى انا
تطرشق لى برنامجِ
اخطط فيهو لى سنين
يطرشق فيك كمبرسون
يخليك انت بس ساردين
ويطرشق فيك بوتجازاً
يكون جنبك صفيح بنزين
وترقد ما نشوفلنا
زول يقول ماشى فى تحسين
تعيقنى انا
كمان تسرق ملاياتى
المن كيسا ما انفكت
ولا عارف نقوشن كيف
يفكك مننا الله
اليوم قبل باكر
يخليك لافى صيف وخريف
يفك ضُلعك
تفارق عقلك
تسك الماشى فوق عدلك
زى جملاً عشاه الزيف
نفسك فاتحى ترقد فوق ملاياتى
ترقد يابا فى عنبر نصيحو
يشابى كايس ايدو
وترقد يابا فى قبراً
اعوز ربى من هولو
وعزاب سيدو
ترقد يابا فى غرفه
تكون مفروشه بالصرفه
ونمِلا يخمو بالقفه
لا تشوف جنّى بعينيك
ولا فى العتبه تتعتب
عشان عملك تملى كعب
تسرق الجيب
تسوى العيب
انت حرامى
ود الكلب
