منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل

منتديات مصنع سكر حلفا الجديدة


 
الرئيسيةبحـثالأعضاءالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

شاطر | 
 

 زمن الفيس بوك

اذهب الى الأسفل 
كاتب الموضوعرسالة
فواز قمر الدويد
عضو نشيط
عضو نشيط
avatar

عدد المساهمات : 28
نقطة : 5037
تاريخ التسجيل : 09/03/2012
العمر : 34
الموقع : www.facebook.com/fuadgamar
المزاج : رااااايق

مُساهمةموضوع: زمن الفيس بوك    الأربعاء 21 مارس 2012, 10:47 pm

مهما هربنا من واقعنا..خلاص صبح الزمن مقلوب

دة الماذينا والموجعنا..وبقينا نسوي فى الحي اوب

كل ما نقول عدلنا وضعنا..نلقاهو الوضع مخروب

للموضات ترانا تبعنا..أدمنا وغلبنا نتوب

لما الهم مسك شارعنا..وكلنا قلنا فيهو الروب

اليوم الشباب في محنة..بين البدعة والمرغوب

قالو ثقافة بتفتحنا..وتتقلب الثقافة ذنوب

إرث اجدادنا ياهو سمحنا..تقاليد دينا هى الاسلوب

اسع منهن وين نحنة..حسينا الفقد يادوب

وما عارفين محل صالحنا..لا راكبين ولانا اقروب

وين ابواتنا اهل الحارة..اهل العمى والمركوب

والعراقى دمورية...وجاري وراهو سربادوب

ديل ربونا بالطورية..والعرق الدوام مصبوب

ترباة الاسر دينية..رزقا بالحلال مجلوب

حليل اماتنا امات طرقى..الفردى ولباس التوب

نار الدوكى والمشاطة..والواقود ورود الموية ليهو دروب

حش القش تحت فى الساقى..رفع الجدول المخروب

زمن المحفضة المندلى..واصل سيرة للعرقوب

حل علينا زمن كلو..ضيق ولبس مكروب

الولد والبت فد خلقى..وكل زول عن رفيقو ينوب

لبسة((حبيبى شطفنى))((ادينى حقنة))((وداق سستم))المحبوب

وشبشب قالو اسمو((الليزر))زي شقيانة العروب

بناطلين جنز((اخراج موية))..مفتوحة وملانى هبوب

وتلقى الشاب معلم الله..وفى الشى اللابسو عشرة جيوب

وحدث لا حرج فى الشارع..اجساد لا فهم لا قلوب

لا تقدير اهل لا خجل..حبيبة وماسكة فى محبوب

مجلبطة وشها وماسحاهو..كل كريم براهو يذوب

واي كريم مغالط التانى..انو هو وحدو المطلوب

وسبحان الله شفتو الحكمة..الوش زي كمينة الطوب

والروج والرموش بي غادى..كل تلاتة عاملى قروب

زمنكم يازمان الدسكو..زمان جاكسون وزمان البوب

زمن مافيهو حتى ثقافة..عن عنتر ولا شيبوب

زمن الدادا ماما وبابا..لا حبوبة ولا حبوب

ماحضرتو اللعب فى القمرة..طول الليل تصول وتجوب

واسع يازمن علمنا..قول اكشفلنا المحجوب

يازمن((البلى استيشن))..الدجتال او الحاسوب

ايميل ولا انترنت..واليوم كلو فى اللابتوب

الفيس بوك مع الماسنجر..واخر صيحة فى اليوتيوب

sms من الموبايل..حليل زمن الخطاب مكتوب

راح زمن اللبن بالكسرة..وتحلية الفطيرة بالروب

والقراصة كمين بوصة..تخليك للعصر مكروب

بصلة وشطة بي ليمونة..يسيل عرقك تقول مصبوب

اسع جانا زمن البيرقر..وفيهو تمصر الكاتشوب

وكيفن هى البلد ما بتفقر..اذا جات فيها وجبة حبوب

زمان كان الحليب من امو..والقنانة فوقو تذوب

كان ناقصنا كلو يتمو..كان ماكلنو كان مشروب

اسع جانا((بست))((كابو))..وخلينا الصحن والكوب

بعد صبح الشطر كيس نايلون..مفتوح وبالطرف مثقوب

ليكم حق زمنكم ذاتو..فرق الناس شمال وجنوب
زمنا فيهو ما انطامنا..عدا وطنا كلو حروب

ارجعو لى ورا عيدوهو..عز اجدادكم المسلوب

عيدو الهيبة لى سوادنا..ليسلم مايعيش مرعوب

امرقو من زمن يحتاج..عٌمر نوح ومال غارون وصبر ايوب
الرجوع الى أعلى الصفحة اذهب الى الأسفل
https://www.facebook.com/fuadgamar
اقبال ابكر
عضو ذهبي
عضو ذهبي
avatar

عدد المساهمات : 512
نقطة : 6373
تاريخ التسجيل : 31/05/2011
العمر : 32
الموقع : مصنع سكر ح
المزاج : التواضع

مُساهمةموضوع: رد: زمن الفيس بوك    الإثنين 26 مارس 2012, 2:40 pm

[b]محن والله يافوازيعطيك العافية
ونحنا ماممكن كمان نسبح عكس التيار ؟ ولاشنووووو
الرجوع الى أعلى الصفحة اذهب الى الأسفل
محمد صديق (الشاعر)
عضو نشيط
عضو نشيط
avatar

عدد المساهمات : 29
نقطة : 4975
تاريخ التسجيل : 18/03/2012
العمر : 35
الموقع : ولاية نهر النيل - كبوشية

مُساهمةموضوع: رد: زمن الفيس بوك    الأربعاء 28 مارس 2012, 2:16 pm

ارد ليك يا فواز بى مقطع
واقولك:
كل مايمر زمن نقول حليل الودع
وخوفى بكرة يجى الافظع
ويبقى الزمن الحالى اروع
الرجوع الى أعلى الصفحة اذهب الى الأسفل
عبد الرحمن موسي ادريس
المدير العام
المدير العام
avatar

عدد المساهمات : 1830
نقطة : 8093
تاريخ التسجيل : 19/09/2011
العمر : 61
الموقع : مصنع سكر حلفا الجديدة
المزاج : مسلم/سنى

مُساهمةموضوع: زمن الفيس بوك...   الأربعاء 28 مارس 2012, 5:47 pm

قصيدة جميلة تعبر عن حالة من التوتر والحسرة على زمن سابق أو مرحلة من مراحل حركة المجتمع الطبيعية التى سبقت مراحل قبلها بحكم تطور المجتمعات وهو مايمكن أن نطلق عليه إصطلاحاً التطور الحتمى للشعوب وهو شر لابد منه شئنا أم أبينا أصبح العالم قرية صغيرة أو غرفة صغيرة بحكم تطور وسائل الإتصال... ولكن يظل السؤال القائم أبداً هو كيف نوفق بين التطور الحتمى والذى لايمكننا تجاوزه أو رفضه وبين موروثاتنا وتقاليدنا وهذا بالتالى يقودنا لجدلية الهوية ... وهى من نحن؟؟
هل نحن عرب؟
هل نحن زنج؟
ما هو السودان؟ ولماذا نقتتل والأرض أوسع من حاجتنا؟
لماذا تريد كل مجموعة فى هذه الرقعة الجغرافية المسماة بالسودان أن تفرض ثقافتها على الآخر وتهميشه وإن لم يقبل ربما تسعى لتهشيمه ... مستخدمة كل أدوات البطش والدمار ... ومستغلة للعقيدة السمحة والتى تدعو للحب والتوادد ضمن أدوات التنكيل والتفرقة
يجب علينا أن نجاوب على الأسئلة المطروحة حتى ندرك ماهو الذى يجب أن نحافظ عليه فى ظل التقدم التكنولوجى والتطور الحتمى للشعوب .. سؤال الهوية .. من نحن ؟؟؟؟ هو مفتاح حل مشكلاتنا المعقدة فى هذا البلد الذى نتقاتل عليه.. وكيف نواجه التطور الحتمى للبشرية ونحن لم نحدد من نحن؟ وماالذى يجدر بنا أن نحافظ عليه....من دون قهر ولاجبروت...
آسف فواز قمر إذا كنت خرجت بالنص إلى فضاء شاسع ولكن هذا هو الترياق أخى.. وشكراً على القصيدة...
وما أسلفت هو من صميم أطروحات الثقافة والأدب...
ولك كل الود... الموضوع مطروح للنقاش وليس المرور فقط...
علنا نخطو خطوة فى الإتجاه الصحيح...




..

المدير العام

الرجوع الى أعلى الصفحة اذهب الى الأسفل
اقبال ابكر
عضو ذهبي
عضو ذهبي
avatar

عدد المساهمات : 512
نقطة : 6373
تاريخ التسجيل : 31/05/2011
العمر : 32
الموقع : مصنع سكر ح
المزاج : التواضع

مُساهمةموضوع: رد: زمن الفيس بوك    الجمعة 30 مارس 2012, 4:33 pm

التحية ليكم
بوست جميل
كلامك جامد ياستاذ عبد الرحمن

والله الـغـــرب لـيـســــوا عـبـــاقــــره ونـحـــن أغـبـيــــاء !! ھـــم
فـقـــط . . . يـدعـمـــون الـفــاشـــل : حـتــى يـنـجـــح ! ونـحـــن
الـعــــرب . . . نـحـــــارب الـنــاجـــــــح : حـتـــى يـفـشـــــــل
تقبلو تحياتي
الرجوع الى أعلى الصفحة اذهب الى الأسفل
 
زمن الفيس بوك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الشعر-
انتقل الى: