منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 نجر سااااكت

اذهب الى الأسفل 
+5
رمزى عبدالقادر
ام تساب
عائد السيد
عبد الرحمن موسي ادريس
علاء الدين حسن بخيت
9 مشترك
كاتب الموضوعرسالة
علاء الدين حسن بخيت
مشرف سابق
مشرف سابق
علاء الدين حسن بخيت


عدد المساهمات : 625
نقطة : 10150
تاريخ التسجيل : 14/05/2011

نجر سااااكت Empty
مُساهمةموضوع: نجر سااااكت   نجر سااااكت Emptyالخميس 12 أبريل 2012, 11:19 pm

الفاتح جبرا
عزيزي القارئ .. إلتقى مايكرفون (ساخر سبيل) بعدد من المواطنين وقد كان موضوع الحلقة هو سؤال يطرح على المواطنين : ماذا لو تم تعيينك مستشاراً في تشكيلة الحكومة (الجديدة)؟ .. أتركك والإجابات
• عوض كلتشات (ميكانيكي) : أول حاجه أعملا ح أشوف حكاية بصات الوالي المما جابوها ما إشتغلت ليها يومين بركت دى .. ح أفتح المكنة وأشوف البايظ شنو؟ وأشوف السلندرات مخروطة على كم أصلو حكاية إنها جديدة دى ما بتمشى علينا يا (فردة) .. المهم كان بتقبل عمرة نعمرا وأكان كمان ما بتقبل نقوم نركب ليها مكنة جديدة أصلو الحكاية كووولها مكنات في مكنات !
• حسن سلوكة (مزارع) : شوفو أنا أولن بالتبادى ح أمشي للزول الإسمو المطيرى وللا شنو ما عارف ده .. العاوز يعمل لينا أطول برج في العالم وأكبر مدينة بتاعت شنو ما عارف وأقول ليهو .. شوف يا زول الجداشر مليار دولار بتاعتك دى أنحنا محتاجنك تستثمرا فى مشروع الجزيرة ده .. وده الكلام البيخلينا من الدول المتقدمة .. ما تسمع ليا الكلام القالوا ليك مستشار الرئيس بإنو برجك ده ح يخلينا دولة متقدمة عشان الزول ده والله بقى يتكلم سااااكت وأنا المزارع (الزول الله ده) قاعد أضحك بقيت من تصريحاتو !
• علي بليه (عجلاتي) : شوفو مع إنو حكاية إنى أبقى مستشار دى واسعة شوية (والجنزير) بتاعا عاوز يتشدا حبه لكن بقول ليكم على بالطلاق أول يوم أمسك فيهو أركب ليكم البلد دى كوووولها عجلات .. وأول ناس أركبهم ليك المسؤولين ..قال أيه عاوزين مرسيدس سوداء بالنهار وبيضاء بالليل .. والله أخليهم ليك أي زول فيهم ماشي ليهو إجتماع ما يقوم (سداري) ما يصل !
• محمد برمة (بتاع اللبن) : لو ده حصل بعد كده الواحد (يزيد الموية) للبن بى إضمئنان .. مش أى مسئول أول ما يعينوهو أول قرار ليهو بيعملو عشان صالح لبنو .. بسم الله أقصد (ورقو) ؟ أنا أول قرار ح أتخذوا هو (عدم فحص الألبان المغشوشة) !!
• حسين بنبار (جزار) : يا سلام والله دى ح تكون حاجة جميلة أقل حاجة الواحد يعمل ليهو (سنكيت) زى الجماعة .. لكن بس المشكلة الواحد يشتغل فى الحكومة العاملة زى (الكمونية) دى كيف؟
• آدم سلسيون (بتاع أورنيش) : شوف يا معلم .. أهم حاجه في الموضوع إنو الواحد من صباح الرحمن ح يطلع مصاريفو .. أمسك ليك المسؤولين المعاي ديل وأدى ليك كل واحد (وش) أورنيش لماع مصلح .. بعدين أنا زول تفتيحة ما ح يقدر واحد فيهم يقول ليا إنتا زول دستوري ومسؤول بتشتغل شغل خاص ليه؟ ما هم كوووولهم العندو شركة والعندو مزارع والعندو شنو ما بعرف داك يعنى جات على (الأورنيش)؟
• أحمد عراوى (ترزي) : أنا والله من زمان عارف إنو الجماعة ديل ح يستعينو بيا عشان قصة التفصيل دي عاوزه ليها ترزى فنااان وكده .. أول حاجة الجلاليب دى ح نعمل ليها جيب رابع نسميهو (جيب الكومشن) وجيب خامس (حق المخصصات) والزول الح يكون باع (خط هثرو) ده ح نعمل ليهو جيب مخصوص نسميهو (باااالغتا لكن) !
• على الله (معاشي) : شوف يا بنى .. أول حاجه أنا ما بستغرب إنى أتعين بعد عمرى بقى كم وستين ونزلتا المعاش لأنو ناس الحكومة ديل تلات أرباعهم أكبر منى ولسه شغالين .. الحاجة التانية انا لو إتعينت ح أقوم أول حاجه أجيب كل المعاشيين وأسالهم واحد واحد وأقول لكل واحد نفسك في شنو؟ الح يقول ليك (حبوب الضغط) الح يقول ليك رسوم (عملية بروستاتا) الح يقول ليك (متأخرات الإيجار) الح يقول ليك (شية جمر) !! أنأ ح أرفع المعاش الشهري لكل معاشى عشان يكفيهو للعيش في حياة كريمة .. معقولة يا إبنى الزول يدفع للبلد دى أغلى سنوات عمرو وشبابو بعدين معاشو ما يجيب ليهو خمسه كيلو لحمة ؟
• عبدو نازل وين (كمساري) : شوف أنا ما تشوفنى كده .. عندى بكالريوس هندسة كهربائية يعنى العملوهم مستشارين ديل ما أحسن منى .. بس الظروف ما خدمتنا ولجنة الإختيار كل ما أمشى معاينة يقولوا ليا سمع لينا سورة الكافرون وأنا بينى وبينك مما كنتا في الإبتدائي حفظت السور كووولها لكنى بس معقد من السورة دى وما قادر أحفظا ثم ياخي هم عاوزين يشغلونى مهندس وللا (داعية؟) غايتو أنا أول ما أمسك ح أعين كل الكماسرة الشغالين معاي ديل في عربات المسؤولين .. يعنى كل عربية مسئول يكون فيها كمساري راكب معاهو … العربية البيتحرك بيها في الشغل … كمساري .. البوكس البجيب الخدار ويودى الأولاد المدارس … كمساري .. العربية البتودى المدام بيت الحنانة ومحل الطلح … كمساري .. كل مشوار بي حقو .. وآخر اليوم الكماسرة ديل كووولهم يوردوا ليا القروش وأوع زول فيكم يقول ليا ح تورد القروش دى للمالية؟ أوردا للماليه ليه؟ إنتو ما قريتو تقرير المراجع العام البيقول ليك المسؤولين ديل كل واحد عامل ليهو حساب (جانبي) ؟ هو الجانبي ده أنا ما بعرفو ؟
• حنان مسكول (حنانة) : والله أنا ما عارفة يعنى ح يستفيدوا منى في شنو … لكن على المستوى المهنى الشخصي بفتكلر إنو المسألة دي لو حصلت ح تكون (طاقة القدر) إتفتحت ليا .. لأنو إضافة لمتطلبات العمل والوظيفة الما عارفاها شنو ولا عارفه مهامها شنو لكن دى فرصة إنو الواحده تدخل منازل زملائها المسؤولين وتتعرف على زوجاتهم وتوسع السوق بتاعا شوية وطبعن الحنة بتاعت زوجات المسؤولين دى سعرها براااهو وبعدين إضافة لكده يعنى ما بخلوها (تبهت) !!

• كسرة :
جارنا عباس النجار قال ليا ما سألتنى أنا ليه يا أستاذ ؟ والله أنا أكتر زول مؤهل يكون مستشار ما الحكاية كوووولها بقت (نجر) سااااكت !!

الرجوع الى أعلى الصفحة اذهب الى الأسفل
عبد الرحمن موسي ادريس
المدير العام
المدير العام
عبد الرحمن موسي ادريس


عدد المساهمات : 1830
نقطة : 11947
تاريخ التسجيل : 19/09/2011
العمر : 66
الموقع : مصنع سكر حلفا الجديدة
المزاج : مسلم/سنى

نجر سااااكت Empty
مُساهمةموضوع: رد نجر سااااااااااكت...   نجر سااااكت Emptyالخميس 12 أبريل 2012, 11:30 pm

حلو حلو حلوووو...
ياأستاذ لكن مانجرتها نجر صاح...
بالله ماتطول غيابك... كويس...
الرجوع الى أعلى الصفحة اذهب الى الأسفل
عائد السيد
الادارة الفنية
الادارة الفنية
عائد السيد


عدد المساهمات : 1020
نقطة : 10908
تاريخ التسجيل : 04/02/2011
العمر : 49
الموقع : سكر حلفا
المزاج : inconsistency

نجر سااااكت Empty
مُساهمةموضوع: رد: نجر سااااكت   نجر سااااكت Emptyالجمعة 13 أبريل 2012, 10:43 am

الخضرجي نسيتو يااستاذ ,,,,, ح يقول ليك السودان ده زي السلطة وأنا البصل بتاعو ,,,, والاسكافي ح يرقع إيه ولاَ إيه والطبَاخ ح يطبخ ويعوس كل التقارير !!! شكرا استاذ علاء وتحية عبرك الى الساخر
والمبدع الفاتح جبرا الذي يستمد كتاباته من نبض الشارع ........
الرجوع الى أعلى الصفحة اذهب الى الأسفل
https://halfasugar.mam9.com/u73contact
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10898
تاريخ التسجيل : 14/05/2011

نجر سااااكت Empty
مُساهمةموضوع: رد: نجر سااااكت   نجر سااااكت Emptyالجمعة 13 أبريل 2012, 3:11 pm

مبااااااااااااااااااااااااااااااااااااااااااااااالغة طبعا
قمة فى الموضوعية والعقلانية ولا يمكن ان يكون ساخر سبيل بل على العكس تماما فهو اعقل عاقل سبيل
ما يدور فى دهاليز المسؤلين فى قالب كوميدى قطع مصارينى بالضحك رغم الوجع والحال المايل ،،،،،،،،،،،،
تحايا كمياااات عبرك افوكاتو منتدانا الى العاقل جدا جبرا
الرجوع الى أعلى الصفحة اذهب الى الأسفل
علاء الدين حسن بخيت
مشرف سابق
مشرف سابق
علاء الدين حسن بخيت


عدد المساهمات : 625
نقطة : 10150
تاريخ التسجيل : 14/05/2011

نجر سااااكت Empty
مُساهمةموضوع: رد: نجر سااااكت   نجر سااااكت Emptyالسبت 14 أبريل 2012, 1:31 pm

عبد الرحمن موسي ادريس كتب:

بالله ماتطول غيابك... كويس...
أميرنا عبد الرحمن شكرا لمداخلتك ومرورك الطيب وشكرا لهمساتك التى إخترقت وجداني واستقرت بداخلة فحضوركم أنتم هو الداعم الأول للمصنع ولنا وللمنتدى وهو الدافع الحقيقي لتواجدنا بينكم وبكم يكتمل النجاح ونحن رهن إشارتكم وتلبيتنا لندائكم
الحبيب عائد ود السيد تسلم على المداخلة واضافاتك الجميلة للنص ولكن تأكد لو اردنا ان نضيف اللذين سقطو سهوا فعلينا بالشعب السوداني الفضل ( البطل )
الرائعة أم تساب حقيقة هو عاقل سبيل ودائما يضرب على وتر حساس ويعالج كثيراً من القضايا ويستخدم أسلوب السخرية لأنه يعلم بجدية هذا الأسلوب وقوته في إصابة الهدف الذي من أجله كتب ... وفي النهاية الضحية اهلنا الطبيين المغلوب على أمرهم وبس نقول ربنا يحسن الحال وكما ذكرتي المبدع الفاتح جبرا يستطيع أن يرسم البسمة والضحكة حتى في أحلك المواقف ..... فله ولكم التحية والتقدير

الرجوع الى أعلى الصفحة اذهب الى الأسفل
رمزى عبدالقادر
عضو نشيط
عضو نشيط



عدد المساهمات : 61
نقطة : 8936
تاريخ التسجيل : 15/02/2012
العمر : 46
الموقع : مصنع السكر
المزاج : على كيفى ارقع جبتى او لا ارقعها

نجر سااااكت Empty
مُساهمةموضوع: رد: نجر سااااكت   نجر سااااكت Emptyالإثنين 16 أبريل 2012, 12:25 am

الله يجبر بى خاطرك انت والفاتح جبرا .. اما انا كان جلبت من الخارج لكل مسؤل ضمير وبعد نظر وحبت وطنيه ... اللهم لاااااااااااشماته
الرجوع الى أعلى الصفحة اذهب الى الأسفل
ناصر البهدير
مدير عام سابق
ناصر البهدير


عدد المساهمات : 3674
نقطة : 16122
تاريخ التسجيل : 30/01/2010
العمر : 54
الموقع : البحرين

نجر سااااكت Empty
مُساهمةموضوع: رد: نجر سااااكت   نجر سااااكت Emptyالإثنين 16 أبريل 2012, 9:13 am

شكرا علاء الدين
حنان مسكول دي ما مستشارة اسه بس مشكلته قاعدة تقوم سداري بنمرة تلاتة من
قولة تيت
الرجوع الى أعلى الصفحة اذهب الى الأسفل
كمال دفع الله محمد
عضو ذهبي
عضو ذهبي
كمال دفع الله محمد


عدد المساهمات : 414
نقطة : 10032
تاريخ التسجيل : 13/05/2011
العمر : 68
الموقع : المصنع ــ القسم الكيميائي
المزاج : مســــــــــلم

نجر سااااكت Empty
مُساهمةموضوع: رد: نجر سااااكت   نجر سااااكت Emptyالإثنين 16 أبريل 2012, 3:48 pm

والله روعة لكن الفاتح جبرة نسى ( الخبّاز ) لأنو أهم وزير في هذه الحكومة والتي تعقد كل اسبوع مؤتمرا لا ترى توصياته النور
ومهمة النور (الخباز) هي عجن هذه التوصيات ووضعها في فرن ذو نار هادئة وعرضها بعد أن تنضج في طاولات على قارعة الطريق عشان العندو قروش ( يشتري) والماعندو قروش ( يعاين ساكت) ومسموح له بالشم أيضا ؟؟؟
الرجوع الى أعلى الصفحة اذهب الى الأسفل
خالد حسن بخيت
مشرف
مشرف
خالد حسن بخيت


عدد المساهمات : 1936
نقطة : 12641
تاريخ التسجيل : 10/02/2010
العمر : 47
الموقع : www.3aza.com/vb
المزاج : مسلم

نجر سااااكت Empty
مُساهمةموضوع: رد: نجر سااااكت   نجر سااااكت Emptyالإثنين 16 أبريل 2012, 4:37 pm

ما لاقاليهو بتاع عصارة ؟؟
دا كان قاليهو كنت جبت المستشارين السابقين والجدد ومعاهم كبيرهم العاوز يشاورهم وناس اربعة رمضان الشالوهم زماااان .. وكبيهم كلهم في صبابة العصارة وبدون موية عصرتهم وعصرتهم لمن زيتهم طلع .. وبعد داك الزيت بتاعهم وزعتو كبيتو في البحر او رشيتو في الحيطة زي موية السحر عشان ما يجي زول يطاهو ويصاب بداء الكوزنة .. او يشربوا ولا يطبخوا وبعدين يقوم يتراقص لينا مع كل رنة موسيقي او دقة جركانة ..
الرجوع الى أعلى الصفحة اذهب الى الأسفل
http://www.3aza.com/vb
عوض احمد ادريس
مشرف سابق
مشرف سابق
عوض احمد ادريس


عدد المساهمات : 1205
نقطة : 10669
تاريخ التسجيل : 07/11/2011
الموقع : امدرمان
المزاج : سودانى

نجر سااااكت Empty
مُساهمةموضوع: رد: نجر سااااكت   نجر سااااكت Emptyالسبت 05 مايو 2012, 4:23 pm

التحيه لكل الناس القولهم سكر ويا خالد قول لينا وين نلقا الدرب
ما كان هو الذى كان بس يا جماعه نسيتو ناس نسيتو من ساهموا فى اظهار هذا الوطن
وكانه من اغنى الاوطان احمد بوتيك وسلوى ماكيب بتاعت الكوفير
ما البشوف الجماعه بتخيل اننا مواطنى وشعب سنغافوره او سويسرا
كلوا بظاهر على كلوا وياما الغبش درشين درش والنار تهش والجوف بصيح يا الله انصر دى البلد
لك الله يا سوداننا المغلوب
الرجوع الى أعلى الصفحة اذهب الى الأسفل
خالد حسن بخيت
مشرف
مشرف
خالد حسن بخيت


عدد المساهمات : 1936
نقطة : 12641
تاريخ التسجيل : 10/02/2010
العمر : 47
الموقع : www.3aza.com/vb
المزاج : مسلم

نجر سااااكت Empty
مُساهمةموضوع: رد: نجر سااااكت   نجر سااااكت Emptyالخميس 10 أبريل 2014, 9:31 am

احبتي نشتاق الي لغة حلوة كهذي
وتلاق جميل
يجمع المثقفاتية والجبابرة والافذاذ
وعمالقة المصنع في بوتقة نقاشات
حلوة ومثمرة ومستفيضة
الرجوع الى أعلى الصفحة اذهب الى الأسفل
http://www.3aza.com/vb
 
نجر سااااكت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات العــــــــــامة :: الحوار-
انتقل الى: