رمضان كريم يا جماعة الخير وتصوموا وتفطروا على خير يا اخوانى واخواتى الطيبات ودى فرصه نقيف فيها مع نفسنا ونراجع
كل الايام الفاتت عملنا شنو وحصدنا شنو ونراجع نفس السجم دى ونخليها تحاسب نفسا قبال تنزر الزر الما منها مفر
وكل زول دى فرصه وما معروف الباقى فى العمر بلمنا بيها ولا لا عشان كده نبداء التسامح من الذات يعنى كل زول
يسامح نفسوا لانك لو سامحتا نفسك ممكن تسامح الدنيا كلها
وبعد ما تسامح نفسك شوف ناس بيتك امك وابوك خالك وعمك بتك وولدك اختك واخوك وشوف الدنيا وحلاتا
وابقا مارق وشوفو جارك او جارتك وشيل منهم واديهم السماح وامرق الشارع وكل الشارع سامح اى زول الخضرجى والكمسارى
وبتاع الفطور فى محل الشغل اى زول اياك تفرق
وحب الناس يحبوك
ويساهروا الليل يواصلوك
بالسماح الدنيا جميله يا احباب وبالذات فى الشهر الكريم
الناس كلها كائسه السماح اى زول من صغيرهم لكبيرهم ما فى زول ماشى غلط كلهم خاتين الكوره واطه
ومافى زول بشوت ضفارى شفتو الكلام كيف ما برضوا رياضين واسياد بلد
نرجع ونشوف حكاية السماح فى الشهر الكريم ده سامح وسامح لامن اسمك يبقا سامح او سماح ما مهم المهم نلقا السماح
بس ما تسامح سبب البلاوى لصوص الكلاوى الناس الفجره خوازيق الليل
ومسامحك يا حبيبى مهما قسيت على
قلبك عارفو ابيض وكلك حسن نيه
والسماح حاجه سمحه والله يدينا السماح وعليكم الله سامحونى
وسلامى ليكم كلكم
