منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
بحـث
 
 

نتائج البحث
 


Rechercher بحث متقدم

المواضيع الأخيرة
» مهدي الدود.. البقاء لله
الأربعاء 07 سبتمبر 2016, 2:26 pm من طرف عائدة محمد الحسن

» هاوية الحدس
الجمعة 19 أغسطس 2016, 3:06 am من طرف ناصر البهدير

» أحزان آل سيد أحمد محمد
الثلاثاء 02 أغسطس 2016, 7:27 pm من طرف ناصر البهدير

» قصص .. عبد العزيز بركة ساكن
السبت 23 يوليو 2016, 5:36 pm من طرف ناصر البهدير

» الغالي أوشي.. فرحنا العام
الأربعاء 20 يوليو 2016, 10:27 am من طرف ناصر البهدير

» غياب بطعم الحضور (2)
الأربعاء 06 يوليو 2016, 1:36 am من طرف ناصر البهدير

» الكتابه في العربات (الركشات +الحافلات)
الأحد 12 يونيو 2016, 11:04 pm من طرف ناصر البهدير

» أحزان التوم لاعب التضامن والسكر
الأحد 12 يونيو 2016, 11:00 pm من طرف ناصر البهدير

» أقوال
الأحد 12 يونيو 2016, 12:03 am من طرف ناصر البهدير

» هَيْثَمات.. أحد عشر كوكبا
الخميس 02 يونيو 2016, 2:57 pm من طرف ناصر البهدير

» طرائف رباطاب -مساخة -سرعة بديهه
الخميس 02 يونيو 2016, 1:31 pm من طرف ناصر البهدير

» أحزان آل آدم حامد
الأحد 29 مايو 2016, 2:32 pm من طرف ناصر البهدير

» من أَنبأَك هذا!
السبت 28 مايو 2016, 10:05 pm من طرف ناصر البهدير

» حبيبنا المصنع
الخميس 26 مايو 2016, 9:40 pm من طرف ناصر البهدير

» زفاف أشرف يوسف
الخميس 26 مايو 2016, 11:27 am من طرف ناصر البهدير

» عبد الله المصري.. ساقية الحس المرهف
الإثنين 23 مايو 2016, 3:35 pm من طرف ناصر البهدير

» لحن الصباح
الإثنين 23 مايو 2016, 9:23 am من طرف يعقوب اوشى عيدالكريم

» مع السكر حتى الصعود
الخميس 19 مايو 2016, 2:40 pm من طرف يعقوب اوشى عيدالكريم

» قبيلة السكر
الأربعاء 18 مايو 2016, 8:16 pm من طرف ناصر البهدير

» لحن المساء
الأربعاء 18 مايو 2016, 4:31 pm من طرف ناصر البهدير

» احزان على عوض سعد
الثلاثاء 17 مايو 2016, 3:23 pm من طرف ناصر البهدير

» افراح ال بشير مهدى
الثلاثاء 17 مايو 2016, 3:12 pm من طرف ناصر البهدير

» الدلاله
الإثنين 16 مايو 2016, 3:21 pm من طرف يعقوب اوشى عيدالكريم

» الذكرى الخامسة لتأسيس المنتديات
الخميس 12 مايو 2016, 6:09 am من طرف محمود بلال

» زوله حنينه .. قلبها ابيض
الأربعاء 11 مايو 2016, 10:29 pm من طرف محمود بلال

»  الأحباب المشرفين..
الأربعاء 11 مايو 2016, 10:11 pm من طرف محمود بلال

» أفراح آل هشام سيد أحمد صالح
الأربعاء 11 مايو 2016, 6:33 pm من طرف يعقوب اوشى عيدالكريم

» أفراح آل عبد الرؤوف سعيد
الأربعاء 11 مايو 2016, 6:31 pm من طرف يعقوب اوشى عيدالكريم

» افراح ال يحى محمد
الأربعاء 11 مايو 2016, 5:24 pm من طرف يعقوب اوشى عيدالكريم

» سيدون .... وصل
الثلاثاء 10 مايو 2016, 8:54 pm من طرف محمود بلال

» بلال الصغير وصل
الثلاثاء 10 مايو 2016, 7:51 pm من طرف محمود بلال

» الخدمه المستديمه الف مبروك
الثلاثاء 10 مايو 2016, 2:46 pm من طرف نازك يوسف طه

» شهرالشفاعه(شعبان)
الثلاثاء 10 مايو 2016, 2:32 pm من طرف نازك يوسف طه

» مجدى (كجيك)عريس السكر
الثلاثاء 10 مايو 2016, 2:26 pm من طرف نازك يوسف طه

» عيال الفكى عرسان السكر
الثلاثاء 10 مايو 2016, 2:22 pm من طرف نازك يوسف طه

» حافظ عمر .. في ذمة الله
الثلاثاء 10 مايو 2016, 2:02 pm من طرف نازك يوسف طه

» عنتر عريس
الثلاثاء 10 مايو 2016, 1:59 pm من طرف نازك يوسف طه

» إنتــــــــــــــــــباه
الإثنين 09 مايو 2016, 8:42 pm من طرف محمود بلال

» أحمد المصري .. في ذمة الله
الإثنين 09 مايو 2016, 6:32 am من طرف يعقوب اوشى عيدالكريم

» عرفة حميدي.. البقاء لله
الأحد 08 مايو 2016, 9:36 am من طرف ناصر البهدير

» دنان واطة حموري
الجمعة 06 مايو 2016, 9:21 pm من طرف ناصر البهدير

» يا اسمر
الجمعة 06 مايو 2016, 7:51 am من طرف يعقوب اوشى عيدالكريم

» قرموني.. ليس وحده!
الخميس 05 مايو 2016, 1:17 pm من طرف يعقوب اوشى عيدالكريم

» نهائى (ميلنو)
الخميس 05 مايو 2016, 1:14 pm من طرف يعقوب اوشى عيدالكريم

» رمضان جانا
الخميس 05 مايو 2016, 7:20 am من طرف يعقوب اوشى عيدالكريم

» مرحــــبا بالتسعة الجدد
الأربعاء 04 مايو 2016, 2:51 pm من طرف نازك يوسف طه

» العنصرية تطفو من جديد
الأربعاء 04 مايو 2016, 12:29 pm من طرف سامر صلاح

» الطيب سعيد(عريســــــا)
الثلاثاء 03 مايو 2016, 10:33 am من طرف ناصر البهدير

» احزان ال هدو
الأحد 01 مايو 2016, 4:31 pm من طرف ناصر البهدير

» اعتذار
الأحد 01 مايو 2016, 4:17 pm من طرف ناصر البهدير

أفضل 10 أعضاء في هذا الأسبوع

سبتمبر 2016
الإثنينالثلاثاءالأربعاءالخميسالجمعةالسبتالأحد
   1234
567891011
12131415161718
19202122232425
2627282930  

اليومية اليومية

مجموعة الفيس بوك
</li></ul><div
 id="follow_fdf"><a target="_blank" href="https://www.facebook.com/#!/groups/sugarhalfa/"><img alt="Facebook"
src="http://illiweb.com/fa/optimisation_fdf/fr/facebook10.png"/></a><a
 target="_blank" href="https://www.facebook.com/#!/groups/sugarhalfa/"><img alt="Twitter"
src="http://illiweb.com/fa/optimisation_fdf/fr/twitter10.png"/></a></div>


<style>

#follow_fdf {
  float: right;
  background: url('http://i40.servimg.com/u/f40/11/60/75/36/follow14.png') no-repeat scroll 0 5px transparent;
  padding-left: 1098px;
}

#follow_fdf img {
  vertical-align: middle;
  max-height: 50px;
  transition-duration: 400ms;
  -moz-transition-duration: 400ms;
  -o-transition-duration: 400ms;
  -webkit-transition-duration: 400ms;
}

#follow_fdf img:hover {
    transform:rotate(-10deg);
    -ms-transform:rotate(-10deg);
    -moz-transform:rotate(-10deg);
    -webkit-transform:rotate(-10deg);
    -o-transform:rotate(-10deg);
}
</style>
FacebookTwitter

محن .. في الغربة ..

استعرض الموضوع السابق استعرض الموضوع التالي اذهب الى الأسفل

محن .. في الغربة ..

مُساهمة من طرف خالد حسن بخيت في الثلاثاء 28 أغسطس 2012, 9:35 pm

في واحدة من اجمل الطرائف التي تحدث للمغتربين .. هو انك قد تصبح موهوما يوما ما .. فتتخيل اشياء قد لا تكون واقعية ولا تمت الي الواقع بأي صلة .. والامثلة كثيرة .. ولكنني قبل ان استرسل في الموضوع ارجو من المارين عبر هذا البوست ان يدعو للمغتربين بالعودة الي اوطانهم وان يرضيهم بالعودة والهجرة العكسية .. ولا يكونوا كذلك الي قالوا له :

صغارك مشتهين ترجع
تضم العش بحنيه
مش حرام تسيبهم للريح
وانت عارف القاسوه ما شويه


وبعد ذلك .. دلفت نحو البيت بعد يوم طويل من العناء في العمل .. والهموم كانها جبال راسيات ( وبرضو وهم ) والتفكير في العودة الي الوطن يشغل ذهني اكثر ساعات اليوم .. عدت الي بيتي .. ثم سألت بعلتي الحبيبة .. عن العشاء .. فقالت لي .. ( بيض مافي ) نظرت اليها وهي ( تكعوج خشمها ) وتردد ( والله مافي بيض ) ونفسي اقول لها : سوي فول بس .. ما دايرين بيض الليلة .. لكن عارف انو الفول بدون بيض بكون ( بيض ) ما بتبلع .. .. ما بفوت الحلقوم .. حتي بي بيبسي ما بنفع .. فقلت لها ( يا حبيبتي البيض دا انا شفتوا الصباح في المطبخ الاكلو منو ؟؟ ) فقالت لي اخوك ( ... ) ..
= اخوي ( .... ) ؟؟ ومتين اخوي بتعشَ من الساعة 11 مساء ؟؟
- الليلة شال عشاهو معاهو قال عايز يتعش في المكتب لانو بجي راجع متأخر ..
= وطيب ما يجي راجع متأخر .. يعني ما بقدر يتحمل لغاية ما يجي الساعة واحدة صباحاً ؟؟
- لا هو قال انو ( كرشتو الايام دي زايدة ) بسبب العشاء.. !!!!! .. فعشان بطنو وصحتو ما تزيد قال احسن يتعشي بدري ..
= طيب العشاء هو البخلي الصحة تزيد والكرشة تكبر ؟؟
-
لا .. قال انو لمن يتعشا وينوم طوالي كدا ما كويس .. لانو النوم بعد الاكل طواااالي بزيد الكرش وبخلي الواحد سمين

= ههههههههههههه ضحكت والله حتي بانت نواجزي وحتي قالت زوجتي ( ليته سكت ) فهرولت نحو هاتفي المحمول .. ولكن اخي لم يرد علي مكالمتي .. يبدو انه كان مشغولا جدا بالساندويتش بتاع البيض ..
فرجعت القهقري الي بعلتي .. وسألتها : مرتو موافقاهو علي الحتة دي ؟؟
قالت لي : ايو كمان البارح واقفين جمب بعض وما دين كروشهم وكلو واحد بقول لي التاني انت كرشتك اكبر من كرشتي ..
فاتفنقلت من السرير من شدة الضحك .. وقلت لبعلتي .. وحات الله العظيم الغربة دي وهم .. في وهم ..
لي عودة .. ..



..

مشرف المنتديات الأدبية


خالد حسن بخيت
مشرف
مشرف

عدد المساهمات : 1930
نقطة : 7151
تاريخ التسجيل : 10/02/2010
العمر : 40
الموقع : www.3aza.com/vb
المزاج : مسلم

http://www.3aza.com/vb

الرجوع الى أعلى الصفحة اذهب الى الأسفل

رد: محن .. في الغربة ..

مُساهمة من طرف ناصر البهدير في الأربعاء 29 أغسطس 2012, 9:03 am

الله عليك يا مبدع والهموم جبال راسيات نصعد اعاليها صباح ومساء لا مكن ان تمر لحظة بدون ان نفكر في هاجس الغربة اللعين وتلك الحياة التي بعثرتنا في مواطن لم نألفها ويا ليتنا اتخذنا قرار العودة والى المصنع مباشرة وماذا يضير!! ..
تفتكر فرن ابوعبيدة طه ح يقول لينا ما عندي عيش الليلة ولا صديق الحلاق ح يقول ليك ما بحلق لى ولدك ولا احلق انت ذاتو ولا قهوة حامد ح تقول مافي بن الليلة ... يا اخي محمد سراج قاعد زى الهم في القلب بسد اي فرقة والدفتر قاعد قدامو تسجل طالما هنا دفاترنا كلو يوم في زيادة زى كروشنا ...
واحد من اتنين ... اقول ليك حاجة ما عندي كلام .. احسن اسكت ...

ناصر البهدير
مدير عام سابق

عدد المساهمات : 3661
نقطة : 10623
تاريخ التسجيل : 30/01/2010
العمر : 46
الموقع : البحرين

الرجوع الى أعلى الصفحة اذهب الى الأسفل

رد: محن .. في الغربة ..

مُساهمة من طرف علاء الدين حسن بخيت في الأحد 02 سبتمبر 2012, 2:00 pm

والله حيرتني يا أخوي
ولكن برضو ما بخليها تمر ساكت
والى ذلك الحين أنا معك بأن الوهم أوشك ان يصبح حقيقة
ولنا عودة

علاء الدين حسن بخيت
مشرف سابق
مشرف سابق

عدد المساهمات : 625
نقطة : 4672
تاريخ التسجيل : 14/05/2011

الرجوع الى أعلى الصفحة اذهب الى الأسفل

رد: محن .. في الغربة ..

مُساهمة من طرف حسن محمد خير جبارة في الإثنين 03 سبتمبر 2012, 8:43 am

تسلم اخي خالد على هذه اليومات الجميلة والله نحنا في الغربة دي اتبهدلنا واتبدلنا وادلعنا كدا اتخيل معاي الموقف دا لو كان في السودان والله ما كان سألت من العشاء بشنو البيختوا ليك بتقوم بيهوا بكل سعادة ونحنا هنا ما بنأكل الفول عشان ما فيهوا بيض والله في السودان بنأكل ميتو بس وانت في غاية السعادة لكن اشك في حريمنا ديل يخلونا بعد ما نطلع ويقوموا للثلاجة دي ينضفوها والحاجة زي ما تفضلت تشوفا الصباح تجي المساء تلقاها خلصانة انا قايتوا بيقول لي دي بنتك الاكلتة وما نقدر نسوي حاجة بس نحمر ليها مسافة كدا ونسكت دا لو ما نزلت البقالة جبتها والله نفسنا نرجع لبلدنا ووطن وكنا عايشين وراضين بالموجود ونحنا في غاية سعادة ولكن نرجع ونقول ( عدم قناعة ما عارف خوف ما عارف ايمانيات ضعيفة ما عارف .......الخ ) لكن ملاحظين يا اخواني حريمنا ديل لما تجيب ليهم سيرة السودان ما يقبلوا ما عاوزين يرجعوا غايتو انا بقول ليهم انتوا عشان لقيتو المكيفات والواحدة فيكم تصحة الساعة 1 او 2 ظهر والثلاجة مليانة من امس ما عليكي إلا تقومي تسخني مافي كنيس الشقة ما تحتاج نضافة ممكن اسبوع كامل بس تنفيض وخلاص دا لو ما قالوا ليك جيب معاك وجبة وانت جاي وعشان الكلام دا عيب كبير في السودان الواحدة تصحة من النجمة تقوم على شاي الصباح وتفكر في الفطور وكنس الحوش والذي منو والله يا اخونا بلدنا سمحة وجميلة بس كيف الرجوع .
يا علاء الدين والله اخوك دا سكتك وحيرك شوف ليك طريقة ياخي ههههههههههههههه يا ناصر والفول راقد عند ( بركلو) اي فوال المغاوري والله عندك ما عندك انت فاطر ومتعشي دا لو ما دخلت اقرب بيت ليك والشاي ما تشيلهوا هم قهوة محمد صالح موجودة ولو ما كدة الرواكيب موجودة تشرب شاي وجبنة نص النهار في راكوبة ضلها احر من ضل النهار وانت اسعد انسان في الدنيا ورامي همومك لربك . وبالرغم قساوة الزمن ( جميلاً انت يا وطني ) ولك التحية اخي خالد على هذا البوست الجميل وايضاً تحياتي للعابرين عليها ولنا عودة انشاء الله .

حسن محمد خير جبارة
مشرف سابق
مشرف سابق

عدد المساهمات : 111
نقطة : 3964
تاريخ التسجيل : 07/08/2011
العمر : 40
الموقع : الرياض
المزاج : حسب الفصول

الرجوع الى أعلى الصفحة اذهب الى الأسفل

محن ... وهم ... هوس

مُساهمة من طرف علاء الدين حسن بخيت في الثلاثاء 18 سبتمبر 2012, 1:39 pm

ألم أقل لكم أني عائد
طبعا اخي المخضرم خالد تحدث عن الغربة والوهم المصاحب للغربة ولكنه يظن دائما بان وهم الغربة مصاحب للذين هرموا امثالنا ويظن ان لعنة الوهم لم تصبه كما اصابتنا ولكن وقائع الطرفة القادمة تبين لكم ان لعنة وهم الغربة لا تفرق بين كبير وصغير.....
بعد عودتي من الاجازة بيومين تلقيت منه مكالمة هاتفية يخبرني فيها بأن سيارته الجديدة سرقت وقمنا بالبحث عنها في كل شوارع المدينة وأزقتها ولم نجد لها أثر ومن بعدها توجهنا الى قسم الشرطة لإبلاغهم بالامر وتمت كل الاجراءات , وفـُتح بلاغ السرقة وظللنا طوال تلك الفترة متابعين مع كل الدوريات والاقسام , وفي النهاية استسلمنا لمقولتنا الشهيرة ( الجاتك في مالك سامحتك ) .....
اليوم ودون سابق انذار وبعد مرور 40يوما من حادث السرقة المزعوم وبعد انقطاع العشم اتصل علي صاحب السيارة وبدون مقدمات ( ولا قولة سلام ولا قال عوافي فتحة خشمو قال) لي وجدتها .... وجدتها وظننت ان المتحدث ارخميدس
ومن بعدها اتضح ان صاحبنا نسي سيارته بالقرب من مطعم للوجبات السريعة لتناول بعض الساندوتشات تلبية لرغبات بعلته (وليست رغبة واحدة ) .... ولكن السؤال الذي لم أجد له اجابة حتى الان كيف ذهب صاحبنا من المطعم الى المنزل؟؟؟؟ وبرضو تقولو نحنا عجزنا

علاء الدين حسن بخيت
مشرف سابق
مشرف سابق

عدد المساهمات : 625
نقطة : 4672
تاريخ التسجيل : 14/05/2011

الرجوع الى أعلى الصفحة اذهب الى الأسفل

رد: محن .. في الغربة ..

مُساهمة من طرف ام تساب في الثلاثاء 18 سبتمبر 2012, 9:03 pm

حرام والله بوست زى ده يفوتنى
والله يا خالد الغربة دى وصلتنا مراحل على شفا حفرة من الجنون
علينا جميعا بمقولة فرح ود تكتوك كان غلبك الصبر اصبر ونحن ترانا غالبين الصبر زاته
بس قصة العربية دى سمينة شديد يا افوكاتو واذا خالد وصل المرحلة دى فاحسن انه يتلم فى السودان ويرفع شعار سودانا جعان ومقطع ولا غربة مجيه ،،،،،،،،،،،،،،

ام تساب
مشرفة سابقة
مشرفة سابقة

عدد المساهمات : 1151
نقطة : 5420
تاريخ التسجيل : 14/05/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى