منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 يا حليل زمان وحاجات زمان

اذهب الى الأسفل 
+2
بت سيد
ام تساب
6 مشترك
كاتب الموضوعرسالة
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

يا حليل زمان وحاجات زمان Empty
مُساهمةموضوع: يا حليل زمان وحاجات زمان   يا حليل زمان وحاجات زمان Emptyالإثنين 24 سبتمبر 2012, 8:54 pm

حقا اننا شعب يجيد التباكى على الماضى
كتير جدا او دايما بنسمع يا حليل زمان زمان كان الزمن زين
زمان كان البيت بيشيله زول واحد
زمان القراية كانت سمحة
زمان الجامعة والى هى جامعة الخرطوم كانت جميلة ومستحيلة
زمان الشارع كان بيربى معاك
زمان وزمان وزمان وزمان
وزمان حبوبة حجتنى !!!!!!!!!!!!!!!!!!!!!!!!!!!!
الم اقل اننا شعب يجيد فن التباكى
تعالوا جميعا لنقف على تلك الظاهرة والازمنة لنرى لماذا نتحسر على مافات
واى زول عنده اى شى من زمان زمن الزمن زين والشعر مغتى الاضنين يجى علينا بى جاى
الرجوع الى أعلى الصفحة اذهب الى الأسفل
بت سيد
عضو برونزي
عضو برونزي
بت سيد


عدد المساهمات : 182
نقطة : 9121
تاريخ التسجيل : 01/04/2012
العمر : 58
الموقع : الخرطوم

يا حليل زمان وحاجات زمان Empty
مُساهمةموضوع: ايام زماااااان   يا حليل زمان وحاجات زمان Emptyالإثنين 24 سبتمبر 2012, 11:03 pm

التحية لك اختنا ام تساب

والله تقولى بتقرى افكارى كنت عايزة اطرق نفس الفكرة لكن كت حاركز على ثلاثة اشياء وهى السياسة والصحه والتعليم مافى مشكلة نديكم من القديم

زماااااان التعليم كان تعليم قبل ما يعبثوا بسنوات الدراسة مرة يعملوها 6 - 3 - 3- ومرة يعملوها 8 - 3 والله نظام الاربعة - اربعة - اربعة كان ممتاز ولا غبار علية زمااان كان بتصرف جميع الكتب والكراسات وحتى الاقلام مجانا لكل طالب وحتى ملابس الرياضة وادوات ومستلزمات التددبير المنزلى كان تأتى من الوزارة زمااان ما كان فى قروش الشهر ولا قروش درس العصر ولا قروش الاختبار والامتحان والقائمة تطول زمااان المتخرج من رابعة ممكن ان يتوظف وينخرط فى دواويين الدولة بكل ثقة اليوم خريج الثانوى يتعثر فى كتابة حتى اسمه صحيح زمااان المعلم كان شخصية محترمة جدا ومهابة اما اليوم حدث ولا حرج

ندلف الى الصحه زمااان ما كنا بنعرف حاجة اسمها ملاريا ولا فشل كلوى والسرطان دا سمعنا بية قريب دا زمااان زمن المراكز الصحية كان كل شى متوفر وبدون مقابل تعال شوف هس كان عندك جرح بسيط يقولوا ليك جيب الشريط واللصقة والدواء وهلم جرا

حليل ساسة زماان كانوا شايفين شغلهم وكل وزير كان بيعمل للسودان القارة ما كان فى انحياز لابناء منطقته ولا خدمات موجة لمدينته ولا محابه لابناء منطقته حليل زمن اقتصادنا كان تمام وجنيهنا كان بيساوى تلاتة دولارات

حليل زمن السودان كان واحد موحد ولا تمرد ولاحروب ولا شهيد وعرس شهيد حليل زمن الاحتفالات والمهرجانات والاعياد ليت عجلة الزمن تدور وترجعنا للزمن الجميل
الرجوع الى أعلى الصفحة اذهب الى الأسفل
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالثلاثاء 25 سبتمبر 2012, 9:20 pm

شكرا بت سيد على اضافتك الثرة والتى اكدت لى تماما اننا شعب نجيد التباكى
وبرضو يا حليل ايام الروضة كان بيتوزع فيها الحليب والبسكويت والصلصال الذى يباع الان فى المكتبات بمبلغ وقدره ،،،،،،،،،يا حليل المدرسة زمن النوتة ودى الجيل الجديد ما بيعرفها زمن الشنطة فيها نوتين عربى وحساب وبالرغم من كده الراس مليان شديد الان الوضع اختلف تماما حيث ان الحقائب امتلات والرؤؤس فضت
نسأل الله السلامة
ولى عودة اختى الغالية لنتباكى سويا على الزمن الذى مضى
الرجوع الى أعلى الصفحة اذهب الى الأسفل
عوض احمد ادريس
مشرف سابق
مشرف سابق
عوض احمد ادريس


عدد المساهمات : 1205
نقطة : 10667
تاريخ التسجيل : 07/11/2011
الموقع : امدرمان
المزاج : سودانى

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالثلاثاء 25 سبتمبر 2012, 11:36 pm

الا ليت ايام الصفاء جديدا ودهرا تولى يا بثينه يعود
تحياتى يا ايها الذين يقتلون فينا بشوقهم ونهره الذى لايعرف التوقف والتحيه الى جميع الرائعين
اصدقاء الكلمه اما عن موضوع زمان والحديث عنه هو نتاج طبيعى للتصرفات الانسانيه الانيه
وهذه ميزه تنتاب بنى الانسان فى جميع انحاء الكره الارضيه فتجد المصرى يبكى ايام الست وثورة ناصر
وعرابى وكذا العراقى والبنغالى وهكذا دائما هو الانسان
الرجوع الى أعلى الصفحة اذهب الى الأسفل
ام تساب
مشرفة سابقة
مشرفة سابقة
ام تساب


عدد المساهمات : 1151
نقطة : 10896
تاريخ التسجيل : 14/05/2011

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالأربعاء 26 سبتمبر 2012, 11:30 am

اشكر لك اهتمامك اخى عوض وتناولك الموضوع من جوانب اخرى بما فيها العالمية واعنى عالمية التباكى واكون شاكرة اكثر لو تطرقت تفصيليا لهذه الظاهرة وياريت كمان تكلمنا شوية عن البتعرفه عن حاجات زمان ،،،،،،،،،،،،،،ولا شنو؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
علاء الدين حسن بخيت
مشرف سابق
مشرف سابق
علاء الدين حسن بخيت


عدد المساهمات : 625
نقطة : 10148
تاريخ التسجيل : 14/05/2011

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالأربعاء 26 سبتمبر 2012, 1:43 pm

يا سلاااااام يا أم تساب دائماً مواضيعك من بيت الكلاوي وبرضو نبكي معاكم ونقول يا حليل ايام زمان زمن كورة الشراب ولعب شليل وشدت وزمن مجلة الصبيان والشياطين ال 13وكما تفضلت الأخت الكريمة بت السيد هنالك ثوابت يمكننا أن نتباكى عليها لأنها وبكل أسف أصبحت تحتضر مثل مكارم الأخلاق والطيبة والأمانة و احترام الكبير واحترام المعلم والحشمة والحياء واحترام الرجل للمرأة و المرأة للرجل .... ولكن بقية التباكي يعود للغريزة البشرية وهي بطبيعتها تحن للماضي وربما يكمن السبب في جمال الفترة العمرية من الزمن , فترة الشباب والصبينة فكل ما عاصرنا جيلاً نجده يتباكى على ماضية اجتماعياً وثقافياً وسياسياً , وأذكر وأنا طفل كان أبي يحكي لي عن ماضيهم بكل حسرة حتى تمنيت أن أكون من ذلك الجيل واليوم أنا اكرر ما كان يقوله أبي لإبني فهذا يعني انها عادة قديمة وكما قال الاخ عوض موجودة في كل الشعوب
وهنا أحمد شوقي بيكي على الماضي حينما قال :
(كنا أساتذة الدنيا وقادتها **** والغرب يخضع إن قمنا نناجيه
واليوم تفنا لعز فرَّ من يدنا **** فهل يعود لنا ماضٍ نناجيه؟)
وهذا دليل على ان التباكي قديما وليس سودانيا فحسب
الرجوع الى أعلى الصفحة اذهب الى الأسفل
نازك يوسف طه
عضو ذهبي
عضو ذهبي
نازك يوسف طه


عدد المساهمات : 553
نقطة : 9851
تاريخ التسجيل : 23/11/2011
الموقع : مصنع سكر الجنيد
المزاج : حــــــــباااااااااابكم

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالأربعاء 26 سبتمبر 2012, 8:51 pm

sunny اشــــــراقـــــــــــــــــــة منتدانا sunny لكي التحية دائماً مواضيعك تتحفنا وتملأ جنبات المنتدي واقسامه بالموضوعات والردود الجميلة تسلمي على الطرح الرائع.... الناس كانت بسيطة ومتعاونين في كل شي في الافراح والاتراح لافي ناس بيأجروهم عشان يجوا يشتغلوا حاجات المناسبات ولا شي ...
النسوان براهن يتساعدن ...
من الذكريات الحلوة في الأعراس فرم الطعمية ...
يلا قبل العرس بيوم طبعاً بتكون نضافة الخدار (الخضار) ...
يتلمن النسوان الكبار وييفرشوا الفرشات في الأرض ويقعدن ينضفن الخدار ...
أما نحن البنات فكنا بنلم كل مكنات الفرم من الجيران ...
ونجيب تربيزة خشب كبيرة ونربط فيها المكنات ...
ونبدا فرم الكبكي ومن دي لي دي ننتهي منو سريع ...
وكنا بنستمتع شديد بالحتة دي ...
وأهم حاجة طبعاً كل مرة بتكون (موسمة )مكنتها او مفرمته عشان ما تتلخبت مع الباقيات والبسكويت عندو يوم كامل وكنا نتبادل في السواقه طبعا ماسواقه عربتات Very Happy Very Happy اقصد سواقة مفرمة البسكويت.... ااااااااااااااااااه واااااااه إكان زمناً سمح بالحيل...
هسه كل الناس والأهل والجيران يجوك ضيوف بس ويلقوا كل شي جاهز...ظ
جد موضوع رهييييييييييييييييييييب وبجيك تاني
الرجوع الى أعلى الصفحة اذهب الى الأسفل
https://halfasugar.mam9.com/u195contact
ناهد يحيى علي
عضو نشيط
عضو نشيط
ناهد يحيى علي


عدد المساهمات : 67
نقطة : 8675
تاريخ التسجيل : 06/07/2012
الموقع : الخرطوم
المزاج : عالى

يا حليل زمان وحاجات زمان Empty
مُساهمةموضوع: رد: يا حليل زمان وحاجات زمان   يا حليل زمان وحاجات زمان Emptyالخميس 27 سبتمبر 2012, 10:54 pm

السلام عليكم يا اهل الله واخباركم مع الزمن الماشى
الكلام عن ايام زمان يا زوله يا طيبه يا ام تساب يطول وكم كانت ايام زمان جميله
والسبب فى جمالها هو بان اوليئك كانوا فى غاية الجمال والوداعه وما يزيد من جمالها هو بانهم كانوا
على قدر حالهم يعنى بالواضح لا فضاء مفتوح ولا يحزنون
لذلك تسمرت فى الوجدان وحقا ومع اننى من هذا الجيل ولكن تعجبنى اشياء ذلك الجيل الغناء والصلات
الاجتماعيه واساس اختلافهم عننا هو التعليم التعليم الذى جعلهم عباقره ومتميزين ونحنا الذى اوجد التعليم
منا اشباه عقول لاتعى سوى القليل
الرجوع الى أعلى الصفحة اذهب الى الأسفل
 
يا حليل زمان وحاجات زمان
الرجوع الى أعلى الصفحة 
صفحة 1 من اصل 1
 مواضيع مماثلة
-
» حليل الراحو
» قد نتفق وقد نختلف لكن.!!! المصنع زمان أجمل
» العيد زمان
» في المساء(من زمان)
» شاركنا بطرائف حلفا زمان

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات العــــــــــامة :: الحوار-
انتقل الى: