بنات بلدى اخواتى وامهاتى الماسكات فى الوصيه الله موجود للعداله وتعالن نتذكر شويه
ماندى بت السلطان عجبنا و الله يا اخواتى قالوا ليك البت دى فارسه جنس فروسيه فروسيه تحير
ما بتخاف غير الله الغلط عندها غلط والصاح صاح بت ابوها بحق وحقيقه جبال النوبه كلها بتعرف ماندى والانجليز المحتارين
عارفين ماندى
اتخيلوا بت تكاتل وود حشاها مربوط فى قفاها نست الجميع والهم كان وطن الجميع
وبامانه دى تستاهل شنو غير الاحترام والتبجيل
وطن يعجز عن تكريم ما له من ابناء وطن تعيس وشنو الفضل يرحمك الله يا ماندى
ومهيرا بت عبود دى بت سوت العجائب والرابط بينا وماندى هو حب الوطن هذا الوطن الذى لا يستحق اقل من الحب
وقفت واتحزمت وقدمت الارض على الجميع وسكنت فى التاريخ فارسه
والبنات فى البلد دى رافعات الراس الدكتوره مريم الصادق الراكزه بت بمليون راجل دخلت ميادين القتال لامن الرجال
سكنوا الفنادق شالت السلاح زيها وزى اى مناضل ولسه البت فى ثباتا لا بتخاف ولا بتقول وووب على
زيها وزى ام المناضلين فاطمه بت احمد ابراهيم ام الصبر
والبلد دى فيها بنات يسدن عين الشمس التايه وعوضيه عجبنا ولبنى ولسه والجامع بينهم هذا الوطن
وبرضوا يا راقى تقول لى بخاف عليك
سلامى ليكم كلكم
