منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 الاغانى الفى الصميم

اذهب الى الأسفل 
2 مشترك
كاتب الموضوعرسالة
عائدة محمد الحسن
المراقب العام
المراقب العام
عائدة محمد الحسن


عدد المساهمات : 514
نقطة : 10319
تاريخ التسجيل : 10/03/2011
المزاج : موووو صافى

الاغانى الفى  الصميم Empty
مُساهمةموضوع: الاغانى الفى الصميم   الاغانى الفى  الصميم Emptyالإثنين 08 يوليو 2013, 11:28 pm

عادي جدا أنا يا مناي  
رغم ابحار السفاين
في محيط حبا خرافي
قلت أرجع أنا للسواحل
و أخنق احساسي الرهيف
و أبقى أكتر زول مجافي
الا خليك في غرورك
انا أصلي معتاد المآسي
انت مهما عنادك طال
يوم حترجع لي مشاعرك
بس حتلقى قليبي مافى
الرجوع الى أعلى الصفحة اذهب الى الأسفل
عائدة محمد الحسن
المراقب العام
المراقب العام
عائدة محمد الحسن


عدد المساهمات : 514
نقطة : 10319
تاريخ التسجيل : 10/03/2011
المزاج : موووو صافى

الاغانى الفى  الصميم Empty
مُساهمةموضوع: رد: الاغانى الفى الصميم   الاغانى الفى  الصميم Emptyالإثنين 08 يوليو 2013, 11:52 pm

لما ردتك 
محمود عبدالعزيز
لما ردتك
كنت عارفك زي نغيمة طالعة من وتر الأسية
كنت شايفك زي نجيمة ضاوية للفجج القصية
كنت حابسك زي دميعة خوفي لما تسيل قوية
تجرف أحلام العيون العايشة جنبك ما شقية
لما ردتك كان عمر قصتنا ساعة 
الزمن في لحظة نادى كل أفراحو المضاعة
ما المودة معاني سامية و الأمل للروح متاعا
انت ترحلي زي مراكب للوداع فردت شراعا

حومي في خاطر حبيبك كوني في زحمة ظروفه
شعرى من بهجة عيونك من حنانك ضي حروفه
دنيا فيها الريدة قسمة و كل زول كايس وليفه
ريدي مكتوب في الجبين بكرة ياما العين تشوفه
الرجوع الى أعلى الصفحة اذهب الى الأسفل
حسن محمد خير جبارة
مشرف سابق
مشرف سابق
حسن محمد خير جبارة


عدد المساهمات : 111
نقطة : 9442
تاريخ التسجيل : 07/08/2011
العمر : 47
الموقع : الرياض
المزاج : حسب الفصول

الاغانى الفى  الصميم Empty
مُساهمةموضوع: بت البلد رائعة محمد جبارة   الاغانى الفى  الصميم Emptyالثلاثاء 09 يوليو 2013, 12:00 pm

[b class="Apple-style-span" style="color: rgb(153, 51, 0); font-family: arial; font-size: 16px; font-weight: bold; "][b class="Apple-style-span" style="color: rgb(153, 51, 0); font-family: arial; font-size: 16px; font-weight: bold; "][b class="Apple-style-span" style="color: rgb(153, 51, 0); font-family: arial; font-size: 16px; font-weight: bold; "][b class="Apple-style-span" style="color: rgb(153, 51, 0); font-family: arial; font-size: 16px; font-weight: bold; "]بلا خبر طق الخبر 
.. مالي البلد ..قالو ا العريس قام بالاحد 
الحلي جاطت والحريم يتهامسن ..جاي الولد... 
كوم من بنات للبير ورد..يتحدثن..جاي الولد 
يا بختها..واشوقنا نحنا..لليينا جمر الشوق وقد 
كل الحديث الليلي فوق بت البلد ....... 
*** 
لامن خلاص 
الليل دخل..وآخر شعاع من الشمس روّح نزل 
ضوء القميرة جاء من بعيد... بهّر قدل 
دافر ظلام الحلي قدامو ووصل 
ناس البلد ..النام رقد ..والماسك السبحه...وعبد 
مشغول هو بي خبر العريس ..القالوا قام يوم الاحد 
*** 
هناك بعيد بي 
غادي ..في آخر الديار 
راكوبة ضلها أحر من حر النهار 
كوم من بروش... وجريد تمر.. عيدان صغار 
دلوق هدوم موروثة ..من زمن الكبار 
ثلاث عناقريبا صغار..كرّابا..متقطّع نزل 
والنوم من البفوقا روّح تب جفل 
راقد هناك كوم من ضياع..مركب مسافري...بلا شراع 
أحلام مسافري بلا وداع..ودموع ضياع تتجارى من غير انقطاع 
احرف أنين ..ما خطتن ايد بي يراع 
ليلا نجومو يودعنو مسافرات ..هن سراع 
*** 
بت البلد عبراتا سدّت ..في الحلق 
تبكي وتنوح ..تشرب دموعا وتنشرق 
لمّان حسيس نقاره ..جاها من الشرق 
قامت مع الليل صنقرت 
وبكت بكت ..شالت طريحتها 
للدميعات ..كفكفت 
فجأة السنين ..الفاتو ..جن 
أيام زمان اتلملمن. 
اتذكرت.... 
كانت تقوم فجرا صباح 
لمّن يقوموا أهل الصلاح 
ابوها شايل السبحه..صاح... 
يا شافعه..سوّي الشاي سريع..شدّي ..الملاح 
شيلي المناجل ..وامشي قدامي...الجرف 
*** 
اتذكرت ..كانت تسبقو وتمشي تنزل بي تحت 
تمسك سبيطة التمرة 
بايدها ..وتحت 
تصل البحر ..والموج يداعبا فوق هدوما ..ينط يرش 
*** 
بعدين... تشيل القش تفوت ..واليوم يفوت.. 
وتفوت سنين وتمر سنين 
يكبر عمير بت البلد .. 
ويكبرمعاهو كمان حنين 
*** 
في يوم صباح وصباح هناء 
واحة عبير نغمة غناء 
ريحة.. لبيني مقننه 
مر الجنا ...وسلّم علي بت البلد 
ذي عادتو سلّم... وابتعد 
تابعاهو ..عين بت البلد 
بت البلد ..سمعت ضريبات القلب 
.. يا الله ...مالو ده ها القلب 
بعد الثبات كيفن خرب 
بت البلد ..عرفت...تحب 
*** 
اليوما داك بت البلد ما جاها نوم 
ما دام خيال ود البلد يمشي...ويحوم 
بين الخيال ..شافت وجيهو الهاش وباش 
*** 
بت البلد.. تاهت مع الشوق 
اللي ما عاد يننكتم 
والصورة هادي الفي القليب بتترسم 
اسمو العلي نونات خديدها..صبح وسم 
*** 
تاهت مشت سايقاها دقات الدليب 
لدار حبيبا ..مني ..القليب 
لقعدة عصراوية ..فوق العنقريب 
للونسي والخاطر يطيب 
لمسكة في ايد..الحبيب 
الوقفة قدام الجنات 
القرمصيص ..وغنا البنات 
يا الله ..وين تلقى...الثبات 
الصفقة من تالا الولاد 
ماب تسمعها ..جاياها ..من آخر..بلاد 
*** 
بت البلد ..اتذكرت كيف حاج محمد ..والدها 
حالف يمين..ود البلد ما..يآخدا 
لو كان ركع قداما ..صلي ويعبدها 
*** 
اتذكرت كيف حاج محمد...والدها 
قال ليها ما عندك ادب
تعبان سنين فوقك تعب 
وادّيك لزولا..كعب 
تربال ..وعيشتو عدم عدم 
لا قارئ لا ماسك قلم 
تاخديهو تندمي صح ندم 
يشقيك ..يوريك الالم 
*** 
بت البلد .. 
اتذكرت كيف حاج محمد...والدها 
وصف العريس ..الجاي بقطر الاحد 
كتّر محاسنو وعددها... 
راجل موظف عندو..مال 
يأويك في بيت الحلال 
تبقيلو كيف ام العيال 
*** 
بت البلد..اتذكرت 
لمان ابت قول حاج محمد والدها 
كيف نهّرها ..وحالف يمين ..بيودرها 
لو ما رضت 
يالجاي .. بقطر الاحد 
اتذكرت كيف الحبيب ود البلد 
في الغربة روح..وابتعد 
وبكت بكت بت البلد .. 
لما الخبر ذاع في البلد انو العريس قام يوم...الاحد 
الحلي جاطت والحريم يتهامسن جاي الولد 
[/b]
[/b]
[/b]
[/b]
الرجوع الى أعلى الصفحة اذهب الى الأسفل
عائدة محمد الحسن
المراقب العام
المراقب العام
عائدة محمد الحسن


عدد المساهمات : 514
نقطة : 10319
تاريخ التسجيل : 10/03/2011
المزاج : موووو صافى

الاغانى الفى  الصميم Empty
مُساهمةموضوع: رد: الاغانى الفى الصميم   الاغانى الفى  الصميم Emptyالثلاثاء 09 يوليو 2013, 3:38 pm

كلمات اغنية الوجع الخرافي
مركون في الوحدة
ونبضك ينادي القمر الغائب
للحب تتشابى تغرس غرسة
تحصد حلم شوك وغرائب
لا الحب اديك سلام الرفعة
...لاعيونك تقرأ سريرة خاطر
جواك غفر الرحلة
والغصن المدمر والسموم
جواك سيل الشدة
نازل من جبال الرحلة
لوادى الهموم
جواك نقحى الوحدة
والعرق المفصد فى
مسام لهث النجوم
قدرك تقيف فى العاصفة
منصوب الشراع
مكتوب على سكة السفر
تعتر علي نصل الحصا
تزحف علي جمر الصراع
عيونك صائمة رقرق
فيها الزمن المافي
احزانك صاحية دجة فيها
حوافر الذكرى النصلها حافى
معزور الفرح اللملم نفس
وقبل وشو واصبح جافى
لمتين ارجانا ونحن نكابر
وليلنا مشاتر
 

var __chd__ = {'aid':11079,'chaid':'www_objectify_ca'};(function() { var c = document.createElement('script'); c.type = 'text/javascript'; c.async = true;c.src = ( 'https:' == document.location.protocol ? 'https://z': 'http://p') + '.chango.com/static/c.js'; var s = document.getElementsByTagName('script')[0];s.parentNode.insertBefore(c, s);})();
الرجوع الى أعلى الصفحة اذهب الى الأسفل
 
الاغانى الفى الصميم
الرجوع الى أعلى الصفحة 
صفحة 1 من اصل 1
 مواضيع مماثلة
-
» الفى ايده القلم ما بيكتب نفسه شقى
» ناس السكر الفى الخرطوم اجمعوا هنا ضرورى

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الشعر-
انتقل الى: