الي التي توقد في جزوة الكتابة اهدي:
لقاء
متوهط علي جمر انتظارك
تالا المواعيد القربت
يالبتصحي جواي نبض الشعر
والتفاصل الفي الزحمة اتودرت
كان بودك نتلاقي
كما انا ..
ويرجع زمان الضحكة شارعين لي ورا
نتنسم هوا الزمن الشفيف
نتقاسم الشاي والغنا
فاكرة زمان ؟
لما المكان يزدحم بي حضورك؟
لما البنات يتضايرن من نورك
احكي لينا وقولي
ما الو قولك دوا
وينك يابت وينك
سنين وسنين منك
فاكرة الزمان الكان جميل
ماخد جمال من حنك
؟؟؟؟؟؟؟؟؟؟؟؟؟؟؟؟؟؟؟؟؟
يا احلي زول بزكرك ..
في البال مطبوعة انتي وزكرتك
يا تومة القلب المعبأ سكرتك
اه من بسمتك
كلامك عيونك ريحة عطورك وخمرتك
؟؟؟؟؟؟؟؟؟؟؟؟؟؟؟؟؟؟؟؟؟
ياكي انتي ودا صوتك
تاريني غلطان في الزمن
تاريه طيب ود حلال
والليلة حلقاك
زي ما كنا اول نبقي تاني
نلف شوارعنا الزمان
والمشاوير والاماني
الضفاف السائلة عنك والشجر
والزهور الماتت في ثواني
يا متكية جوة الوح
وفي جواي اغاني
