مركز فاطمه حامد الشامل

" />

يا سلام على هذه المشاريع الكبرى والتي ترفد البلد من كل ناحية والله إنه صرح كبير وكبير بحجم الآمال والذين خلف الكواليس يصنعون البسمة والحياة له..
شكرا جزيلا الراحلة المقيمة فاطمة حامد ونسأل الله أن يكون في ميزان حسناتها وكل الذين يقفون بقوة ويدعمون المشروع..
شكرا أخي عوض واحمد التقناري وكل شباب المصنع..
بلا شك سيجد حظه من الاهتمام ضمن كل مشاريع منظمة المصنع الخيرية باذن الله تعالى..
واقتراح سابق لأوانه بأن تكون أولى مشاريع المنتديات القادمة بهذا المركز الفخم كواجهة علمية جديرة بالتكريم والدعم..

شكراً الحبيب ناصر والحبيب عوض..
والصور تحكى عن واقع يحتاج الدعم والمؤازرة..
شكرا لهؤلاء الشباب الذين وهبوا عصارة جهدهم ووقتهم لهذه الأجيال الصاعدة بلا من ولاأذى..
يستحقون الإشادة والدعم .. وسنقف إلى جوارهم بكل مانملك حتى تثمر هذه النبتة الصالحة جيلاً
من الإمكان والتفتق.. معاً لدعم {مشرروع مركز فاطمة حامد الشامل} تلك المعلمة الراحلة المقيمة..

ستبقين ايتها الفاطمة رمزا لنا .. وفخرا ..
سندك بقوتك علي الجهل حتي يذهب ..
ستبقين انت وامثالك من الذين يعطون بلا مقابل ,, رمزا للذات الانسانية الطاهرة ..
ومن قام مقامك من بعدك
لك وللجميع الف تحية وانحناءة احترام وتقدير ..

ياحليل ايام زمان ..........اتطور المركز كتير شكرا كتير ليك الاخ عوض علي التوثيق اللهم ارحمها رحمة واسعة

شكراً الحبيب عوض..
والصور تحكى عن واقع يحتاج الدعم والمؤازرة..
شكرا لهؤلاء الشباب الذين وهبوا عصارة جهدهم ووقتهم لهذه الأجيال الصاعدة بلا من ولاأذى..
يستحقون الإشادة والدعم ..

إن شاء الله يكون هذا المركز نقطة إنطلاقنا فى دعم وتطوير المنطقة

وستكون ضربة البداية الخميس القادم بعون الله ورعايته..وبدأ التفاعل مع
المركز بالتبرع المعلن من الحبيب علم الجعلى بتوفير 2 لوح زنك بصورة عاجلة
مشكوراً..وأول الغيث قطرة..ودمتم..

اها راجين الشمارات ؟؟ Laughing

الاخ المودع ساحات الفسبكة
لك جل احترامى وليس استفهامى
وهاك الشمار مغربل وكمان تامى
ومن حرارة الفلفل لامى
حكر المحنه كويس:
الناس ديل ناس فهمهم من العصر الحجرى ولابسين نظارات زمن الجاهليه
اجتماعات تسمع تلفون يدق الاجتماع انتهى ؟؟؟
قلنا خلاص الفطور مشينا فى المطر والطين
قالو افطرو فى بيت فلانه قلنا خلاص ما مشكله
فطرنا اتحركنا على الروضه لقيناهم متحركين على بيوتهم
الحصل انتهو اتكلمو قررو واتبرعوا ولا وجود ولا احترم لنون النسوة
هذا المنى شديد لاتقدير لجيتنا والامر والحنظل الاستاذ المشرف قال والله نحن عندنا معلمات معانا قلنا ليهم فى نون نسوه
قالو لا ؟؟؟ ده كلام يسموها شنو؟ وجنسها شنو؟ هى الماشين ليها دى الله يرحمها اليست من النونات؟
فى ذمتك ده مش شمار ولا فلفل يحرق فى الحشاء
تسلمو

تحياتى لنساء بلادى الصابرات الى سر جمال هذا الكون التحيه لهن من الكنداكه حتى الرائعه الواضحه
عائده محمد والتى هى كنداكه من كنداكات بلادى الصامدات
وانابة عن ادارة المركز وعن كل الذين حضروا اتقدم لك بالاعتذار كله وليته يفيد
وساقول لك بعض المبرارت مع انى بعيدا بجسدى قريبا بمشاعرى فالسبب فى الذهاب بكم الى احد المنازل هو
المساحه الضيقه للمكان والتى لا تلبى ما هو مطلوب
اما السبب فى الذهاب السريع فهو الظروف المناخيه التى لا تخفى على احد
ثم اننا يا ايتها الرائعه ما زلنا فى بداية الطريق ودائما ما تصاحب البدايات بعض السلبيات التى يجب علينا تحملها
والعمل على معالجتها
لك التحيه والتقدير كله

شكرا لك ايتها الرائعة المتألقة الهميمة ..
اشكر لك فصل الخطاب ..
وما ذاك الا لانك تشفقين علي مصلحة المصنع وانسانه النبيل ...
هناك الكثير من العقبات الكؤود في البدايات ..
ولكننا ننظر الي النهايات التي تكون بإذن حسنة ...
ارفع صوت لوم كبير مثلك ..
لكون ان الامر حدث فيه ما حدث ..
وبذات القدر اجد العذر لمن اخفق من غير قصد ..
ولنا ان ننظر الي الامر من عدة زوايا ..
وان نجعل من انفسنا ( ضحايا ) تنمو هذه المنظمة علي ظلمنا ...
اشكرك كثيرا وكثرا جدا .. ولك مؤووونة قرن من الاعتذار ..

ولو أنني أوتيت كل بلاغة ****** وأفنيت بحر النطق في النظم والنثر
لما كنت بعد القول إلا مقصرا ***** ومعترفا بالعجز عن واجب الشكر
تسلم اخى الغالي على هذه الكلمات القيمات
الله يديم محبتنا وأخوتنا..
ونور الله دربك وعلى خطى الصواب نسير

الرائعة عايدة إنتى مكانتك سامية عندنا وقدرك محفوظ وهذا ليس رياءاً ولانفاقاً..

لك كل الحق فى ما أوردتى فى مداخلتك.. ونأسف لعدم التنسيق الذى صاحب الإحتفالية..
والسبب الأساسى فى التسرع فى الإجراء المحيطة وظروف الحاضرين وإرتباطاتهم
لم نقصد إقصاء أحد ولكن كما قال الأحباب عوض وخالد هى الهنات الغير مقصودة التى تصاحب البدايات
ومازال الطريق طويلاً والعمل شاقاً.. لك العتبى ياأميرة حتى ترضين..
بالنسبة لمداخلة الحبيب ناصر وهى تحتاج لقراءة متأنية وتصلح كخارطة طريق وأتفق معه تماماً فى موضوع اللجنة التمهيدية
وإشرا ك النشطاء فى العمل العام .إلا أننا وأنت سيد العارفين نعمل فى جو مكهرب بل ملغوم بغياب حسن النية فى أى عمل مهما كان نبيلاً.. لذلك نأخذ جانب الحزر الشديد فى التعاطى مع هذا التوجه ونسأل الله العون والتوفيق بقدر صدق توجهنا ونبله
سنمضى مهما كانت العوائق والتربص ومحولات التجيير التى لابد أن تعترضنا وكل مانحتاجه من الأحباب بالمصنع عدم التسرع وصفاء النفوس والإلتزام الكامل باللائحة ومراجعتها وإستيعابها جيداً..والعمل بروح الفريق ..
{وما نيل الأمانى بالتمنى ... ولكن تؤخذ الدنيا غلابا}

الاخ عبدالرحمن
الاخ عوض
الاخ الحسانى
بعد ازالة تلك التراكمات
تعجز كلماتى عن وصف ما أشعر به وجف قلمى
تداخلت الحروف و الكلمات و عجز اللسان عن التعبير ولكن القلب دائما يكون الاصدق فلكم مني كلمات نسجها القلب لكم .
ودمتوا اخوة لى

يا أحباب العيد مبارك عليكم وكل سنة وانتو طيبين
يا أخوانا ويا أخواتنا رايكم شنو الليلة نقعد في واطات الله دي ونشخبطها ويمكن نطلع بي نتيجة
اول حاجة بي صراحة شديدة , عندنا كم مشروع بديناه وما تميناه ( با قي لي ستة مواضيع ولا اكتر ومن ضمنها اخوانا العيانين الله يديهم الصحة والعافية محمد عثمان ونادر عمر ) طيب عشان ما نطلع من صلب البوست دا يا اخونا نفرض انو المركز محتاج لي 50 كرسي كمرحلة اولى واربع سبورات و3 ازيار موية وشوية زنكي لسقف الفصول ولا قولو فصول جديدة من الطوب الاخدر طيب لو مسكنا موضوع الكراسي وقلنا يا أوشي جيب لينا 3 كراسي ويا خالد انت مغترب والمصنع عندو عليك حق جيب لينا عشرين كرسي وانا البتفصح دا ايجيب ليكم باقي الكراسي ونكون كدا انتهينا من الكراسي ونقعد وليداتنا في كراسي مريحة ( انتو عارفين في الصورة في كم كرسي كدا واقفات بي تلاته كرعين بس ؟؟؟ ) وبعد مرحلة الكراسي نقبل علي ناس البحرين ونقول ليهم دايرن السبورات الخشبية بس وبعد السبورات نقول لي ناس عوض وعبد الرحمن عليكم بالازيار بس ما تنسو الكيزان ويا علم الدين والناس التانين ياقي الزنكي وتصليح الفصول وخطوة خطوة نكون قفلنا ملف احتياجات المركز عشان نريح استاذتنا الجليلة في قبرها وندعو الله ان يكون روضة من رياض الجنة وكلامي دا ما بيتعارض مع مشروع المنظمة الخيرية بس دي حالة طارئة ومستعجلة وهي تصب في العمل الخيري وتحقيق جزء من اهدافنا ... ولا دا كلام زول كمل اجازة العيد وما عارف يقول شنو ؟ ادوني رايكم ولا قولوا لي رافضين

كلام جميل جداً ياأستاذ...

والألف خطوة تبدأ بخطوة ..
وكل سنة وأنت طيب

» مركز فاطمة حامد بالحارة الرابعة..
» ورحلت الام فاطمه
» مركز الضحك الدولى التخصصى
» اغلاق مركز الدراسات السودانية
» النشرة الاخبارية اليومية