منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل

منتديات مصنع سكر حلفا الجديدة


 
الرئيسيةبحـثالأعضاءالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

شاطر | 
 

 انا بعشقك

اذهب الى الأسفل 
كاتب الموضوعرسالة
خالد حسن بخيت
مشرف
مشرف
avatar

عدد المساهمات : 1936
نقطة : 8787
تاريخ التسجيل : 10/02/2010
العمر : 42
الموقع : www.3aza.com/vb
المزاج : مسلم

مُساهمةموضوع: انا بعشقك   الإثنين 26 أغسطس 2013, 12:52 pm

أنا بعشقك 
للشاعرة الجميلة جدا .. إيمان متوكل
قالو الشمس أبت المروق 
وحردت تفاصيل الشروق 
والدنيا لبست توب رضا 
جانا المطر من دون بروق 
وإتفارقو الزيف والعدم 
وإتصالحو الشوق والغرام 
وإتكبكبت كل الحروف قدام هواك غلبه الكلام 
وانا وإندهاشي على مجيك 
حللنا شوقنا الكان حرام 
دقينا ليك رغم الظروف ياغالي تعظيمات سلام 
ودخلتنا 
ياكا البتستاهل تجينا وتبقى ذاتنا وكلنا 
يانا البنستاهل تخونا مع صراعنا وظننا 
تفتح مواسمك لي فرح هطال مدفق مننا 
ياروعة الريد الصبح بلسم جراحنا وهمنا 
ياروعة الشوق البشحتف فينا راجي تطلنا 
سادينا من حر الهموم انا والأمل ياضلنا 
معقول تجينا معاك بياض الدنيا وتزيل السواد !؟ 
لاجيتنا ببطاقة دخول لاقلبي عارفلك معاد 
جيتك ملخبطه بالحواس ومعوداني على السهاد 
يازول محال انساه يوم معقولة انساي مرة عاد !؟ 
معقولة ماشين في طريق مافيهو غير إحساسنا زاد !؟ 
ورضيانة امشي وما اقيف 
ونتجاوز اليأس المخيف 
واتنسمك ريحة مطر يازول مستف بالخريف 
جاييني في عز الجفاف والدنيا كل فصوله صيف !؟ 
وانا دون عيونك امشي كيف !؟ 
وانا بعشقك 
بس بعشقك 
انا بعشق الريد المرق كايس مشاعرك من زمن 
وانا بعشق القلب الهواك وإختار مساماتك سكن 
وانا بعشق الصمت العشانك غنى وإتحدى ورطن 
كل لانهايات العشق مابتسوى في حقك تمن 
يازول مستف بي هواو 
بندم على كل السنين الإنقضت وانا مامعاو 
بندم على عرفة بشر كانت تعب قلبي وأزاو 
وانا صبري مابجي من فراغ انا بلقى في ريدك جزاو 
بعد العذاب الدام كتير الليلة وآحظو وهناو 
وانا بعشقك 
قدر الأماني الطالة من نظرات عيونك .. بعشقك 
عد مانبض قلبي الي ماممكن يخونك .. بعشقك 
انا بعشقك 
انا بعشقك 
انا بعشقك



..

مشرف المنتديات الأدبية

الرجوع الى أعلى الصفحة اذهب الى الأسفل
http://www.3aza.com/vb
عوض احمد ادريس
مشرف سابق
مشرف سابق
avatar

عدد المساهمات : 1205
نقطة : 6815
تاريخ التسجيل : 07/11/2011
الموقع : امدرمان
المزاج : سودانى

مُساهمةموضوع: رد: انا بعشقك   الجمعة 30 أغسطس 2013, 4:06 pm

واتنسمك يا ريحة مطر يا زول مستف بالخريف
جايينى فى عز الجفاف والدنيا كل فصوله صيف
روعة ما بعدها روعه وابداع انثوى يحمل الصدق والبشاره بذاك القادم الجميل
وهل توافقنى الراى يا صديقى العزيز بان ما يحمله هذا النص من معانى تكفى لكى ينتشر الضوء والامل

الرجوع الى أعلى الصفحة اذهب الى الأسفل
 
انا بعشقك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الشعر-
انتقل الى: