بحـث
المواضيع الأخيرة
أفضل 10 أعضاء في هذا الأسبوع
أبريل 2018
الإثنين | الثلاثاء | الأربعاء | الخميس | الجمعة | السبت | الأحد |
---|---|---|---|---|---|---|
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 |
مجموعة الفيس بوك
</li></ul><divid="follow_fdf"><a target="_blank" href="https://www.facebook.com/#!/groups/sugarhalfa/"><img alt="Facebook"
src="http://illiweb.com/fa/optimisation_fdf/fr/facebook10.png"/></a><a
target="_blank" href="https://www.facebook.com/#!/groups/sugarhalfa/"><img alt="Twitter"
src="http://illiweb.com/fa/optimisation_fdf/fr/twitter10.png"/></a></div>
<style>
#follow_fdf {
float: right;
background: url('http://i40.servimg.com/u/f40/11/60/75/36/follow14.png') no-repeat scroll 0 5px transparent;
padding-left: 1098px;
}
#follow_fdf img {
vertical-align: middle;
max-height: 50px;
transition-duration: 400ms;
-moz-transition-duration: 400ms;
-o-transition-duration: 400ms;
-webkit-transition-duration: 400ms;
}
#follow_fdf img:hover {
transform:rotate(-10deg);
-ms-transform:rotate(-10deg);
-moz-transform:rotate(-10deg);
-webkit-transform:rotate(-10deg);
-o-transform:rotate(-10deg);
}
</style>
لغة الرندوك
لغة الرندوك
اليوم وكغير العادة جلست بالمنزل في الفترة الصباحية وضربت خماسي في سداسي وقلت في نفسي ( أعمل طناش من الدوام والزارعنا غير الله اليجي يقلعنا ) وأمسكت بالريموت كنترول لأتجول وأرى ماذا يجري حولي من احداث وكانت ضربة البداية قناة السودان ( سيول وفيضانات وأتفاق وإختلاف مع سلفاكير ) النيل الازراق أغاني والنيل الأبيض أغاني وقون اغاني وانا ما زلت أُعاني وقناة الجزيرة ( السيسي ومرسي والاسد والكيميائي ) وقبل أن تمر الشروق من هنا مررت مسرعا الى قناة البحر الاحمر والتي لها ود خاص في نفسي وربما سر الريدة لأنها شرقاوية وكفى وكان موضوع الحلقة بعنوان ( كلام شباب ) ومناقشة لغة الرندوك وقلت في نفسي هل اصبح للرندوك لغة وتناقش على مستوى الإعلام الفضائي أم انه عدم الموضوع الذي اصاب حتى قنواتنا الفضائية ؟ أم لأنها اصبحت لغة خاصة بالكثيرين من فئات المجتمع السوداني ولذا وجب تسليط الضؤ عليها ؟ وما يهمني في الأمر وبكل صراحة استمتعت بالموضوع ربما لأنه نبش ذاكرة الماضي الجميل رغم الاختلافات والمصطلحات الكثيرة التي دخلت على قاموس الرندوك وعلى سبيل المثال من الكلمات القديمة وما زالت محافظة على موقعها في قاموس لغة الرندوك والتى لم أنساها مثل : الزوغان من العمل كحالتي يوقولوا عمل زوغبير و ( الحفلة ـ الربة ) والصديق الفردة والبنات الجكس وغيرها ولكني وجدت الجديد والمثير مثل :الخمسين جنية يقال لها نانسي عجرم والبنت الخجولة خوجلي عثمان والاخ الكبير ـ الألفة ( أعمل حسابك يا خالد ما تكون مهرجل ) والبنت التي تفرط في استخدام المساحيق ومستحضرات التجميل ـ سحلية والبنت المنقبة ـ مظللة ورافعة القزاز . وبنت الراحات ولكن عويرة ـ بطة ولقت موية و شرطي المرور ـ أبو كباس واتذكر في احداى الحفلات بالمصنع نشبت مشاجرة بين بنتين وتبادلن فيها العبارات التالية ـ هوي يا صفيحة الطماطم المن فوق موجهة ومن تحت مفجخة وترد عليها الاخرى هوي يا كيس النايلو والهواء شايلو وترد الأخرى هوي يا انتي نحنا بنات عوائل وعندنا فايل ولكن مشاجرة بنات هسي بيقولن ( سمعتنا ولا مصاريف جامعتنا ) ومس كولنا وأكل فولنا . غايتو جنس بشتنة !!!! بشتنة ورقاد واطه
وبوست بتاع زول زهجان وعاوز يفرق معاكم يا حبايبنا والعندو جديد ينزلو لينا ويفرق علينا
علاء الدين حسن بخيت- مشرف سابق
- عدد المساهمات : 625
نقطة : 5812
تاريخ التسجيل : 14/05/2011
رد: لغة الرندوك
ساخر سبيل
الحاجة طلعت تفتيحة
الفاتح يوسف جبرا
فى أيام شبابنا الباكر ظهرت فى العامية السودانية بعض الألفاظ التى لم نكن يعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :
- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .
مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الضائع) الذى قام بكتابته (واحد من شباب اليومين ديل) .
قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.
فى مساء ذات اليوم سمعت ابنها الأكبر يخاطب شقيقة :
- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية).
ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :
- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).
بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.
فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :
- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده.
- طيب أفرض قال ليك إنتا لسه وعمل ليك (الجزيرة أبا) ؟
- ما مشكلة بعمل للموضوع (كمال ترباس) طوالى
- طيب وكان ورطك وقال ليك عمل ليكم (إيهاب توفيق) ؟
- خلاس أقول ليهو نعمل (عقد الجلاد) بعد ما نتخرج
- طيب أفرض قال ليك تعمل (عرس الزين) طوااالى
- ما (بدق ليهو جرس) طوااالى
- وكان أصر على (عرس الزين)؟
- بسيطة بعمل ليهو (الفتيحاب)
معانى المفردات :
- الحنان = الحبيبة
- أحنك = أقنع
- عبدالعظيم حركة = عاملة حركات
- الفاتح النقر = بيفتح ليها كناية على عدم الإهتمام
- عمر إحساس = يعمل فيها حساس
- شرحبيل أحمد = الشرا وعدم الحضور للمواعيد
- جوزيف لاقو = مجازفة
- محمود الخطيب = الخطوبة
- مقندل وماسك كهرباء شديده = مرتاح وعندو قروش كتيره
- الجزيرة أبا = رفض
- كمال ترباس= يقفل على الموضوع
- إيهاب توفيق = الموافقة
- عقد الجلاد = عقد القران
- عرس الزين = الزواج
- دق جرس = للرفض بشدة
- الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة بعد أن تحزمت بثوبها وهى تصيح :
هووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل)
- سجم و كمان عدم فهم ؟!!
- (فى صوت واحد) : معقوله؟ الحاجة طلعت تفتيحة !
كسرة :
أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم) !
الحاجة طلعت تفتيحة
الفاتح يوسف جبرا
فى أيام شبابنا الباكر ظهرت فى العامية السودانية بعض الألفاظ التى لم نكن يعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :
- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .
مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الضائع) الذى قام بكتابته (واحد من شباب اليومين ديل) .
قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.
فى مساء ذات اليوم سمعت ابنها الأكبر يخاطب شقيقة :
- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية).
ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :
- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).
بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.
فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :
- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده.
- طيب أفرض قال ليك إنتا لسه وعمل ليك (الجزيرة أبا) ؟
- ما مشكلة بعمل للموضوع (كمال ترباس) طوالى
- طيب وكان ورطك وقال ليك عمل ليكم (إيهاب توفيق) ؟
- خلاس أقول ليهو نعمل (عقد الجلاد) بعد ما نتخرج
- طيب أفرض قال ليك تعمل (عرس الزين) طوااالى
- ما (بدق ليهو جرس) طوااالى
- وكان أصر على (عرس الزين)؟
- بسيطة بعمل ليهو (الفتيحاب)
معانى المفردات :
- الحنان = الحبيبة
- أحنك = أقنع
- عبدالعظيم حركة = عاملة حركات
- الفاتح النقر = بيفتح ليها كناية على عدم الإهتمام
- عمر إحساس = يعمل فيها حساس
- شرحبيل أحمد = الشرا وعدم الحضور للمواعيد
- جوزيف لاقو = مجازفة
- محمود الخطيب = الخطوبة
- مقندل وماسك كهرباء شديده = مرتاح وعندو قروش كتيره
- الجزيرة أبا = رفض
- كمال ترباس= يقفل على الموضوع
- إيهاب توفيق = الموافقة
- عقد الجلاد = عقد القران
- عرس الزين = الزواج
- دق جرس = للرفض بشدة
- الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة بعد أن تحزمت بثوبها وهى تصيح :
هووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل)
- سجم و كمان عدم فهم ؟!!
- (فى صوت واحد) : معقوله؟ الحاجة طلعت تفتيحة !
كسرة :
أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم) !
علاء الدين حسن بخيت- مشرف سابق
- عدد المساهمات : 625
نقطة : 5812
تاريخ التسجيل : 14/05/2011
رد: لغة الرندوك
ههههههههههههههههههههههههههههههههههههههههههه
لكن يا (عمك ما خليت لينا حنك (نكبوووووووووووووووو)
لكن يا (عمك ما خليت لينا حنك (نكبوووووووووووووووو)

كلام عيوووووووووووووووون

مشرف منتديات المصنع
يعقوب اوشى عيدالكريم- مشرف
- عدد المساهمات : 1075
نقطة : 6930
تاريخ التسجيل : 26/08/2011
العمر : 38
الموقع : قلب البركس
المزاج : يتغيرون فقط.عندما نخبرهم اننا نحبهم جدا؟؟؟
رد: لغة الرندوك
يافردة والله المجننا مالغة الراندوك..دى مقدور عليها..
المشكلة الكبيرة اللهجة الشامية {الماشة فى البلد دى اليومين دول}.
شو..ميحة..وناطرينك تشرف..وحاجلت تانية مامفهومة زى لغة الطير فى الباقير.
كان قلنا نقفل التلفزيونات مانكون حلينا مشكلة..
العامية السودانية فى خطر مع هذا الغزو الإعلامى بموافقة الدولة..
الأمر محتاج وقفة وتأمل فى الخروج من الشبكة الشبكتنا فيها السياسة الإعلامية
لدولة المشروع الحضارى..


..
المدير العام
عبد الرحمن موسي ادريس- المدير العام
- عدد المساهمات : 1830
نقطة : 7609
تاريخ التسجيل : 19/09/2011
العمر : 60
الموقع : مصنع سكر حلفا الجديدة
المزاج : مسلم/سنى
رد: لغة الرندوك
يا يعقوب الرندوك راااااااااااااقد , كب ساااااااااااكت شكرا لمرورك الطيب يا طيب
وشكراً اميرنا عبد الرحمن
فعلا كما نسمع ان اللهجة السورية في طريقها للإنتشار والهيمنة ونتمنى ان لا تؤثر على لهجتنا التي تحمل في طياتها كل ما هو جميل من قيم واخلاق وعادت ويجب علينا ان لا ننسى من نحن وما هي هويتنا وعلينا ان نعتز بها كما هم يعتزون بلهجاتهم
علاء الدين حسن بخيت- مشرف سابق
- عدد المساهمات : 625
نقطة : 5812
تاريخ التسجيل : 14/05/2011
رد: لغة الرندوك
من المؤسف أن نسمى هذه السخافات لغة والمؤلم ان تتداول بين طلبة الجامعة الذين هم مستقبل الوطن والأمل القادم
نامل ان يتدارك الجميع ويتعاونوا للتخلص من هذا ومن كثير من السلبيات والعادات الدخيلة في المجتمع السوداني وخاصة مجتمع الجامعة ويين الشباب... امثله لها
دسيس = امر جميل
أدي الموضوع بنج= طنش الموضوع
نضربها موزه = نمشي بطريق مختصر
الجُلكين والجُلكينه = الوالد والوالده
قلبي علي كل الشباب
موضوع هام يستحق ان يجد حظه من النقاش
لك التحية أخي علاء
نامل ان يتدارك الجميع ويتعاونوا للتخلص من هذا ومن كثير من السلبيات والعادات الدخيلة في المجتمع السوداني وخاصة مجتمع الجامعة ويين الشباب... امثله لها
دسيس = امر جميل
أدي الموضوع بنج= طنش الموضوع
نضربها موزه = نمشي بطريق مختصر
الجُلكين والجُلكينه = الوالد والوالده


موضوع هام يستحق ان يجد حظه من النقاش
لك التحية أخي علاء
رد: لغة الرندوك
اها انا كبستا يا فرد
وتحياتى لكل الاعزاء وانتم تتحدثون عن واحده من الافات التى تهدد مجتمعنا السودانى
وليتك استعنت بالرائع خالد الجيلى استاذى علاء الدين فهو بحر من بحور الرندوك مما يجعلك وانت تستمع له
فى بعض الاحيان تصاب بالذهول
فلغة الرندوك لغه منتشره وتعتبر من اللغات المتحركه الغير ثابته والتى هى نتاج طبيعى لذلك الفشل الذى ضرب
مكونات المجتمع السودانى فى الفتره الاخيره فاصبحت لغه متداوله بين افراد الاسره وبكل اسف اصبحت هى من اللغات
المعبره فى بض وسائل الاعلام الورقيه والمسموعه مما سهل من عملية انتشارها
فالفراغ الذى تعيشه الذهنيه السودانيه فى الفتره الراهنه هو السبب فى سيطرة مثل هذه المستجدات من اللغات
والسبب هو المناهج التعليميه الهشه وانعدام روية البناء السليم للشخصيه السليمه.............
وتحياتى لكل الاعزاء وانتم تتحدثون عن واحده من الافات التى تهدد مجتمعنا السودانى
وليتك استعنت بالرائع خالد الجيلى استاذى علاء الدين فهو بحر من بحور الرندوك مما يجعلك وانت تستمع له
فى بعض الاحيان تصاب بالذهول
فلغة الرندوك لغه منتشره وتعتبر من اللغات المتحركه الغير ثابته والتى هى نتاج طبيعى لذلك الفشل الذى ضرب
مكونات المجتمع السودانى فى الفتره الاخيره فاصبحت لغه متداوله بين افراد الاسره وبكل اسف اصبحت هى من اللغات
المعبره فى بض وسائل الاعلام الورقيه والمسموعه مما سهل من عملية انتشارها
فالفراغ الذى تعيشه الذهنيه السودانيه فى الفتره الراهنه هو السبب فى سيطرة مثل هذه المستجدات من اللغات
والسبب هو المناهج التعليميه الهشه وانعدام روية البناء السليم للشخصيه السليمه.............
عوض احمد ادريس- مشرف سابق
- عدد المساهمات : 1205
نقطة : 6331
تاريخ التسجيل : 07/11/2011
الموقع : امدرمان
المزاج : سودانى
رد: لغة الرندوك
الحالة شلش
ناصر البهدير- مدير عام سابق
- عدد المساهمات : 3661
نقطة : 11763
تاريخ التسجيل : 30/01/2010
العمر : 48
الموقع : البحرين
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» مهدي الدود.. البقاء لله
» هاوية الحدس
» أحزان آل سيد أحمد محمد
» قصص .. عبد العزيز بركة ساكن
» الغالي أوشي.. فرحنا العام
» غياب بطعم الحضور (2)
» الكتابه في العربات (الركشات +الحافلات)
» أحزان التوم لاعب التضامن والسكر
» أقوال
» هَيْثَمات.. أحد عشر كوكبا
» طرائف رباطاب -مساخة -سرعة بديهه
» أحزان آل آدم حامد
» من أَنبأَك هذا!
» حبيبنا المصنع
» زفاف أشرف يوسف
» عبد الله المصري.. ساقية الحس المرهف
» لحن الصباح
» مع السكر حتى الصعود
» قبيلة السكر
» لحن المساء
» احزان على عوض سعد
» افراح ال بشير مهدى
» الدلاله
» الذكرى الخامسة لتأسيس المنتديات
» زوله حنينه .. قلبها ابيض
» أفراح آل هشام سيد أحمد صالح
» أفراح آل عبد الرؤوف سعيد
» افراح ال يحى محمد
» سيدون .... وصل
» بلال الصغير وصل
» الخدمه المستديمه الف مبروك
» شهرالشفاعه(شعبان)
» مجدى (كجيك)عريس السكر
» عيال الفكى عرسان السكر
» حافظ عمر .. في ذمة الله
» عنتر عريس
» إنتــــــــــــــــــباه
» أحمد المصري .. في ذمة الله
» عرفة حميدي.. البقاء لله
» دنان واطة حموري
» يا اسمر
» قرموني.. ليس وحده!
» نهائى (ميلنو)
» رمضان جانا
» مرحــــبا بالتسعة الجدد
» العنصرية تطفو من جديد
» الطيب سعيد(عريســــــا)
» احزان ال هدو
» اعتذار