سابقآ كان الشعر والغناء للضفاير والمساير و المنديل الابيض
وكان الحلم باستلام وارسال مكتوب للحبيب
لكن هي عجلات الزمن تهرول وحتي شكليات الحب لاتسلم منها
ويبقي الحب مابين مطرقه الاليات التكنولوجيه وسندان الطهر والعفاف
حتي اصبح المستشعرين لاتخلو قصايدهم
من الكتابه عن الفيس والماسنجر والواتساب
وقد تكون هي مجاراة اليات التواصل بين الناس عامه والاحبه خاصه
كما تغني الجابري مافي حتي رساله واحده
ورسل لي هديه لطيفه
اذا بي سمعت قصيده عن الفيس سابقآ
والان قصيده اخري عن الواتساب
لكن مدلول القصيده يحمل في طياته قضاء الزمن
والدردشه باسم الحب
الي ان نمتلك كامل كيكه المعلومه
هي القصيده اليكم القلتو ليك انساه
ماتسوي ليهو حساب
والله كلو كضب ونسه وكلام واتساب
استهدي بسم الله
مابتلقي حاجه وراي
والقلتو ليك بالليل
كان كلو دردشه ساي
ماتفتكر حابيك
وتقول بفكر فيك
وماتغشك الونسه وصوري البرسلها ليك
ماتبكي فيني شديد
ماعندي ليك انا ريد
وطوالي في الحال ده
كل يوم بلاقي جديد
اهدي واقيف استوب
واوعاك تسميه حب
رسايلي ليك ياحمليل
ونسة شباب في قروب
.
وبعدها نناقش مجريات حوارنا في تفاصيلها
