العيد زمان

الاخت العزيزة  ام تساب
احر التهانى واجمل التبريكات بالعيد السعيد وكل عام والسودان على احسن حال
العيد زمااااااان كان عنده طعم ورائحة ولون  اما الان فقد اللون والرائحة وتبقى قليل من طعم اللحم
قابع بقاع تلك الامعاء الخاوية
الخروف زمان كان سميييين وامين بقسموا منه للمساكين وللجيران الما ضابحين ويملوا منه الصاج الكبيييير
والناس تاكل حتى ىنتهى العيد وما يزال الصاج عامر باللحم الوفير والعضام المقرشة
اما الان ما عارفة الخروف لحمه كشة ولا الناس بقوا زلعانيين وهدافين يقرضوا الخروف المسكين في دقائق ولا البركة عدمت  ى ربى
الناس البهنو بالعيد زماااان كانوا كتاااار تسلمى عليهم لما ايدك توجعك
هس الناس بقوا بالعدد الباقين ما حاسين بالعيد ولا الحاصل شنو ؟؟؟؟