منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 شاعر المصنع

اذهب الى الأسفل 
4 مشترك
كاتب الموضوعرسالة
عائدة محمد الحسن
المراقب العام
المراقب العام
عائدة محمد الحسن


عدد المساهمات : 514
نقطة : 10317
تاريخ التسجيل : 10/03/2011
المزاج : موووو صافى

شاعر المصنع Empty
مُساهمةموضوع: شاعر المصنع   شاعر المصنع Emptyالسبت 16 نوفمبر 2013, 8:06 pm

ابداعات شعريه 
وكذلك سعدنا بالشاعر قريقس
انه شاعر البطانه وشاعر المصنع الرجل الخلوق عمنا قريقس اطال الله عمره شجينا باشعاره عن دكتور الارض وراعى البهائم والموظف وكانت مناظره جميله بعلم الدكتور عن الارض والموظف الفاهم وهو كما مفهوم للكل ماسك القلم والراعى الذى دائما يمسك بزمام اغنامه ومزماره الذى يتغنى ويتسامر معه فى الخلاء .. هذا كان مضمون القصيدة التى اشجانا بها وانى عاجزه عن صياغة كلمات شكر إلى شاعرنا قريقس الذى عودنا دائما بنفحاته الشعرية التى لايبخل بها فى افراحنا وابتهاجاتنا وذلك لانه للمصنع ولانه ينبوع عطاء متدفق بالخير الكثير ليروي هذا المكان ..والكيان المصنع .
فلك مني يا شاعرنا الفاضل .قريقس . عبر شبكتنا العنكبوتيه كل حروف.. وكلمات ..وعبارات.. *الشكر والتقدير*

وتقبل تحياتى واحترامي..
شاعر المصنع 2nlfxis
شاعر المصنع J0wfgy
الرجوع الى أعلى الصفحة اذهب الى الأسفل
خالد حسن بخيت
مشرف
مشرف
خالد حسن بخيت


عدد المساهمات : 1936
نقطة : 12639
تاريخ التسجيل : 10/02/2010
العمر : 47
الموقع : www.3aza.com/vb
المزاج : مسلم

شاعر المصنع Empty
مُساهمةموضوع: رد: شاعر المصنع   شاعر المصنع Emptyالأحد 17 نوفمبر 2013, 8:16 am

شكرا الزولة الجميلة عايدة
وشكرا جزيلا شاعرنا الراقي
قريقس ..
اتذكر انني مثناها بمسرح المدرسة
الزراعية بحلفا الجديدة ..
وكان ذاك سنة 1994 تقريباً ..

وهذا نص لاقصيدة ...

الحوار بين الراعي والموظف .

الراعي وقال:
بعبارته البلدية ( زح غنمك ديل يا بهيمة)
الراعي قالو:
ماني بهيمة يازول يا قليل الطبعة
ما بتغتة بي ملايتي وبنوم لا سبعة
تعليمك خسارة الما قريت السبعة
خانات العيوب الفيك جت متبعة
***************************
الموظف:
ماني النية البقولو علي اكلي خسارة
موظف دولة بنتج لي بلادي عمارة
انت الدولة مي راجياك تجني ثماره
تفلح في الصفير والسرحة والزمبارة
***************************
الراعي :
ما صفرت فوق رادي وقعدت اتني
وما مثلت فنان في الغنا اتحني
سارح بي ثروتو وطنا
ويا اب فهما مدنقس حقو ما تجهلنا
***************************
الموظف:
بتسامحني ان قلتلك انا غلطان
وبي تطرح ضميرك وما بتكون زعلان
يا عبدالله ات صاحب كرم ليك شان
متاسف كتييييير اعفاني يا اب عثمان
***************************
الراعي:
لامن باكر تحضر جلبت الخرفان
مالا مو وسخ بتشوفو عندي ضمان
مي ماهية قاعد فيها سيد دكان
وانت يا اب حمو ما بتقدر سرحت الضان
***************************
الموظف:
انا الدكتور بعالج ديمة للمرضان
دكتور الارض ومهندس الخزان
انا ما كسبي مال كاسب بني السودان
***************************
الراعي :
انا الفارس اللصم سيد خلوة الضيفان
انا الفي الهجعة تلت الليل بتب عجلان
ات يا سامي بيتك ما بجي شيطان
من تسعة بتقفل كلها البيبان
***************************
الموظف:
قفلت بيتي مو قاصد بخل في عشايا
دي عادت البلد ما سيتها صنعي برايا
عادت كلها الجيران بعاد وحدايا
ويا عبد الله ما تشتمنا قلنا كفاية
***************************
الراعي :
عشاك مو شويه فول في صحين
مو القدح اب خرز الشوفتو تملا العين
احسن لك تقفل بابك وتتربسو زين
قبل ما تجيك طامه وتبقي في بشتين
***************************
الموظف:
نحن كتالنا لا سفروك ولاهو عصاية
تلفون هلو والامن تلقي حدايا
الراعي :
***************************
نحن كتالنا في الصي البعيد آسامي
لا تلفون ولا بوليس ولا في محامي
الحجاز نلقطو نخلي يسامي
وحلالنا نحلو بي سيفنا وضراعنا الحامي
***************************
الموظف:
ات كان ماك حمار في الدولة ما بفقدوك
لا في جريدة لا في اذاعة ما بذكروك
دي مدرستك القبيل خلاها ليك ابوك
وعثمان مسكو الاول يقولك عوك
وهنا يتدخل شيخ الحله حسان ويرحب بالموظف باعباره ضيفا ويسال عن سبب الشجار
حسان:
اهلا سامي آلاف المراحب بيك
ويا عبد الله ما تحلب لبن مو ليك
حاجة غريبة اول مرة اشاهدها فيك
قبل تتلقي بالكورة الولو غاشيك
***************************
الراعي لي شيخ الحلة:
سامي الليلة بتنفرز تقول سكران
يشتم قيني مو مخلي الوليد عثمان
قافلين الطريق قالينا يا حسان
وما فيش فرق بينكم والحمير والضان
***************************
حسان:
ات يا سامي ما ليك حق تقولو بهيمة
دا عبد الله صاحب كرم وافر ديمة
مدو ايدينكم واتعافوا العفو الياديمه
ويات من فيكم يخت لي صاحبو اكبر قيمة
***************************
الموظف للراعي:
هاك ايدي وغلط في القالا ليك لساني
ويا عبدالله انا طالب السماح اعفاني
عفوا لله ما يكون في ضميرا تاني
ونبقي اخوان في الدنيا ام عمارا فاني
***************************
الراعي :
مدها جاي اوكت اعترف بختاك
عفوا لله لكن عندي شرط معاك
بهيمة شاهي مني لي هاجناك
كان ما تشيلا لا تعفاني لا بعفاك
***************************
حسان:
انزل افتح الباب النختها هاك
حلف عبدالله كان ما تشيلا ما يعفاك
وودعناك ىلاف السلامة معاك
من هادي المكان تمشي وتسير تبراك
***************************
الموظف:
ودعتكم الله في السويتا اسرتوني
وكرمكم فاض بحر في كونو احرجتوني
لكن دين علي وكان حي بوفي ديوني
في الدنيا ان حييت لا بد يوم تلقوني
***************************


الرجوع الى أعلى الصفحة اذهب الى الأسفل
http://www.3aza.com/vb
عائدة محمد الحسن
المراقب العام
المراقب العام
عائدة محمد الحسن


عدد المساهمات : 514
نقطة : 10317
تاريخ التسجيل : 10/03/2011
المزاج : موووو صافى

شاعر المصنع Empty
مُساهمةموضوع: رد: شاعر المصنع   شاعر المصنع Emptyالأحد 17 نوفمبر 2013, 8:39 am

روووووووووعه اخى خالد
تسلم القصيدة جميلة وما كنت مستحضراها  فيك الخير
والله انا قلت اتصل على ابنه لاحظى بروائعه الجميلة
وما قصرت 
تسلم
الرجوع الى أعلى الصفحة اذهب الى الأسفل
يعقوب اوشى عيدالكريم
مشرف
مشرف
يعقوب اوشى عيدالكريم


عدد المساهمات : 1079
نقطة : 11276
تاريخ التسجيل : 26/08/2011
العمر : 44
الموقع : قلب البركس
المزاج : يتغيرون فقط.عندما نخبرهم اننا نحبهم جدا؟؟؟

شاعر المصنع Empty
مُساهمةموضوع: رد: شاعر المصنع   شاعر المصنع Emptyالأحد 17 نوفمبر 2013, 9:01 am

الحسانى ات ماك شاااااااااااااااعر عديل والله




تسلم
الرجوع الى أعلى الصفحة اذهب الى الأسفل
ناصر البهدير
مدير عام سابق
ناصر البهدير


عدد المساهمات : 3674
نقطة : 16120
تاريخ التسجيل : 30/01/2010
العمر : 54
الموقع : البحرين

شاعر المصنع Empty
مُساهمةموضوع: رد: شاعر المصنع   شاعر المصنع Emptyالأحد 17 نوفمبر 2013, 9:49 am


شكرا شكرا لهذا الابداع الجميل..
فالمصنع لايعوزه شيء سوى الطرق على باب التوثيق حتى تتعرف كل الأجيال على هذا الارث الكبير.. 
بالتوفيق موسم انتاج عامر بالسكر والسعادة.. 
الرجوع الى أعلى الصفحة اذهب الى الأسفل
 
شاعر المصنع
الرجوع الى أعلى الصفحة 
صفحة 1 من اصل 1
 مواضيع مماثلة
-
» شاعر من القربة
» يا جماعة ... أنا بقيت شاعر
» في زمان الغضب .. شاعر الاستقلال
» افــــــــــــراح المصنع
» أحزان المصنع

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات العــــــــــامة :: اجتماعيات السكر-
انتقل الى: