(ااولى الجدعات كانت جدعة قوية بحق ومن بره خط 18 للمرمى مباشرة وفعلا ده صاروخ ارض جو يعيد الى الاذهان الزمن السمح زمن الكورة كان فيها ناس جكسا
وده برضو نوع من التباكى على زمن فات )
شكرا الحسانى وانت تتناول الموضوع من عدة محاور ومن اجمل ما لفت انتباهى فيما كتبته (شعب لا يعرف البناء المجتمعى ) وهنا اس البلاء ومكمن الخطر ,,,,,الاحظ اننا دوما نتحسر على الماضى وكاننا ولدنا متبلدين وليست لدينا القدرة على ان نطور ماضينا ونصنع منه حاضر جميل برأيك هل هذا حد للطموح ام انه كسل ام ماذا؟؟؟؟؟؟؟؟؟
بجد كثيرا ما اقف عند هذه النمطية السلوكية للمجتمع السودانى واقف مذهوله وما يذهلنى اكثر اننا غير قابلين للتطور واضرب لك مثالا بسيطا مثلا لو عندك مولود جديد تعال شوف التنظير اعملوا ليه كده ,,,لا لا ما تعملوا كده اعملوا كده ,,,,لا لا فلان داك زمان سو ليه كده حصل ليه وحصل ليه ,,,,,,,,,,,,زمان كنا بنسوى لى اولادنا كده ,,اى يا حاجة ده كان زمان هسى الزمن اتغير والعلم بابه واسع ليأتيك الرد مالو زمان ما ربوكم ومرقوكم الجاكم شنو ,,,,,,,,,,,,,,آآآاى يا حاجة بس الزمن اتغير وزمان ما كان فى كده وكده بس هسى بقى فى لا لا ارجعوا لى الزمان احسن وباصرار انه زمان صاح ,,
نوذج آخر ساوين راس وقعر لى قراية اولادكم زمان قروكم قراية يا سماحة الدنيا عليها ,,,ده كان زمان يا حجه بس هسى الوضع اختلف ,,,,كاتلين اولادكم بالشنط وقاصين ضهرن وكله ده حشو فارغ زمان كانت النوته يا حلاتها ,,,,,,,,,,,,,اى بس هسى فى علوم جديدة فى كومبيوتر وانجليزى وعلوم ,,,,,,,,,,,,,ياتيك الرد مالو ما قروكم زمان وهسى مرقتو الجاكم شنو
اذن حقا نحن نقف فى محطة زمان واى قطر نركبه تحس انك خاشى غلط ونشوف انه احسن ليك تنزل المحطة الجاية
اها يا جماعة نواصل فى قطار الزمن الجاى ولا ننزل المحطة الجاية وننتظر قطار الزمن الفات ؟؟؟؟؟؟؟؟؟؟؟؟؟
