منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل

منتديات مصنع سكر حلفا الجديدة


 
الرئيسيةبحـثالأعضاءالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

شاطر | 
 

 المراة السودانية عندما تضع الحناء

اذهب الى الأسفل 
كاتب الموضوعرسالة
عمر دوف
عضو نشيط
عضو نشيط
avatar

عدد المساهمات : 147
نقطة : 4103
تاريخ التسجيل : 24/08/2013
العمر : 32
الموقع : مصنع سكر حلفا ( الحارة الثانية )

مُساهمةموضوع: المراة السودانية عندما تضع الحناء   الثلاثاء 10 ديسمبر 2013, 12:28 pm

فالجميع فى البيت قد دقس ... تشغيلات ذى التشغيلات ...مراسيل ذى المراسيل .. جهجهة ذى الجهجهة ...تعال ياولد أجرى الدكان ..جيب لى حنة ..يا بت أجرى دكان سعيد جيبى  لى  نشادر
يا ود رجعا هسي دى حنة دى ! عاين ليها معولقة كيف ! قوليو الحنة (صنع فى الدامر) ! ..
يا بت انتى راسك  وين .. نشااااااااادر نشاااااااااادر ما باكمباودر .. ارجعى سريع رجع فيك قطر ..يا بت يا سارة  تعالى رشرشى  لى  البرندة  دى  سريع ما بدور حنة  الحر !
و كوركى  لى  نفيسة جارتنا قولى ليها  التمد  لى  شوية سرتية ..
انتو صحن الحنة الشالو منو يشيلكم البوليس ..
اى يا بت اعجنيها كويس انتى ما اشتغلتى طلبة قبل كدة ..
و بعد أن تتفرجخ و تتوهط وتتمركز ...و تضع الحناء ..
و تلقا يدينا فى وضعية السواقة و عاملات ذى يدين تايسون الملاكم ..
تبدا المرحلة التانية من التشاغيل .. يا بت فتشى لى اكياس ..
شوفى فوق راس الدولاب انا خاتا لى كيسين ...
دا شنو دا جايبا  لى كيس اسمنت انتى البلادة  ليك  شنو !! طالعة  لى  ابوك ...
أجرى  لى  الدكان  خلاس  اتناوليهم ...
يا ود تعال شغل لى التلفزيون ..
سجمى دا شنو الكتل دا جيب  لي  شى  ارفه بيو ..
لا لا الانجليزى دا ما بدورو شوف لى مسلسلة ..
أطلع القنوات الفوق ..
أنزل أنزل لسة .. أطلع .. أنزل .. أطلع .. أنزل !!
دقيقة وقف وقف النشوف هناية عرسوها الفى المسلسة دى !
المخروبة دى مختوبة ليها تلتاشر سنة !
خلاس خلاس أقلب .. أقلب .. التلفزيون دا مالو بقا لى مسيخ كدى .. خلاس أقفلو !!
يا بت تعالى قولى لى ابوك ادينى موبايلك بدور أتصل بى أمى ..
يا بت دا شنو الرامياو لى كدى !
أضربى الرقم تضربك صاقعة ..
أى تعالى امسكى لى الموبايل جمب اضانى ..
نق نق نق نق نق نق نق نق نق نق ..
يا بت اثبتى تتراجفى لى ذى محمد على كلاى ...خلينى النكمل كلامى ...
ونق نق نق نق نق نق نق نق ...
الرصيد قطع يقطع راسو الراجل دا عمرو ما بشحن بى كرت سمين ...
يا بت نادى أختك التبل لى الحنة دى نشفت واتشققت .. أى بليها ...دى شنو الموية البتغلى دى ! ..
طقشتيها يطقشك لورى فحم ..
جيبى الطربيزة دى واسيها لى !!
تعالى طايرة وين ... حكى لى رقبتى دى ..
لا لا تحت شوية .. أى خلاس طيرى طار فيك خفاش ..
كلمى سارة التخت لى لقمة أكلا !
برجف من الجوع ! ..
سارة دى شنو الكسرة دى مالا شوية كدة ..
دايرة تغدى كديس !
و الخدرة دى بايتا ليها يومين .. انتن كان ما كتلتنى ما بترتاحن ..
أكلينى واقفة لى ذى عسكرى المرور !
وبعد أن يُرهق الجميع .. و يخرج (زيتهم) ..
و يكرهون حياتهم .. تقوم من قعدتا .. بعد عملية الفسخ ..
و تقول جملتا الفقااااااااااااعةةةةةة
( غايتو على قولة المثل :
ماحك جلدك مثل ظفرك )
مخرج :
و هكذا انتشرت فى السودان جملة (مالك انتا محنن)!!!!
تنادى ليك شافع .. تقول  ليو يا ود أجرى جيب  لى كوز موية ..
يعاين ليك بكل وقاحة و يقول ليك :
( مالك انتا : محنن ؟؟) !!!!!!
تستحق كل هذه الخدمة واكثر بكثير ..فما  ان تنتهى قصة الحنة حتى تواصل رحلة كفاحها المرهقة و التى تستمر لحياة كاملة من اجل باقى الاسرة !!
الرجوع الى أعلى الصفحة اذهب الى الأسفل
يعقوب اوشى عيدالكريم
مشرف
مشرف
avatar

عدد المساهمات : 1079
نقطة : 7360
تاريخ التسجيل : 26/08/2011
العمر : 38
الموقع : قلب البركس
المزاج : يتغيرون فقط.عندما نخبرهم اننا نحبهم جدا؟؟؟

مُساهمةموضوع: رد: المراة السودانية عندما تضع الحناء   الثلاثاء 10 ديسمبر 2013, 1:18 pm

وياانت جيب معاااااااااااااك حنة من دكاااااااااااااان


اوشــــــــــــــــــــــــــــــــى

هههههههههههههههههههههههههههههه


كان كدى عرسنا تب يا دوووف


كلام عيوووووووووووووووون 




مشرف منتديات المصنع

الرجوع الى أعلى الصفحة اذهب الى الأسفل
عمر دوف
عضو نشيط
عضو نشيط
avatar

عدد المساهمات : 147
نقطة : 4103
تاريخ التسجيل : 24/08/2013
العمر : 32
الموقع : مصنع سكر حلفا ( الحارة الثانية )

مُساهمةموضوع: رد: المراة السودانية عندما تضع الحناء   الثلاثاء 10 ديسمبر 2013, 1:27 pm

ما تخاف عرس  ساي هههههههه
الرجوع الى أعلى الصفحة اذهب الى الأسفل
ام تساب
مشرفة سابقة
مشرفة سابقة
avatar

عدد المساهمات : 1151
نقطة : 6980
تاريخ التسجيل : 14/05/2011

مُساهمةموضوع: رد: المراة السودانية عندما تضع الحناء   الثلاثاء 10 ديسمبر 2013, 3:42 pm

هلا عمر ومرحبا بعودتك 
عشان نستفيد من الموضوع ده تماما ونحوله لى ظاهرة اجتماعية اقترح بعد اذنك ان ننقل الموضوع الى قسم سيدتى وبى كده تكون اقتحمت عالم الحواؤات من وسع 




[ندعوك للتسجيل في المنتدى أو التعريف بنفسك لمعاينة هذا الرابط]



وبالمناسبة دى خلينى اسالك عن رايك الشخصى فى الحنة ؟؟
الرجوع الى أعلى الصفحة اذهب الى الأسفل
عمر دوف
عضو نشيط
عضو نشيط
avatar

عدد المساهمات : 147
نقطة : 4103
تاريخ التسجيل : 24/08/2013
العمر : 32
الموقع : مصنع سكر حلفا ( الحارة الثانية )

مُساهمةموضوع: رد: المراة السودانية عندما تضع الحناء   الثلاثاء 10 ديسمبر 2013, 8:14 pm

مرحب بيك ام تساب الحنة من الموروثات التي حافظ عليها الشعب رغم رياح العولمة التي أذهبت الكثير من القيم والارث الأصيل وتعتبر الحناء من أكثر مظاهر التجميل التي تميز المرأة السودانية على غيرها من نساء الدول الاخرى ولجاذبيتها عبرت الحدود السودانية الى دول الخليج وشمال افريقيا وباتت من الطقوس الثابتة في الأفراح المختلفة وعندنا هي بمثابة اشهار اخر للزواج وتجد اهتماما كبيرا من قبل كل الاسر بل تقام لها ليلة فرح منفصلة (حفلة الحنة)
الرجوع الى أعلى الصفحة اذهب الى الأسفل
 
المراة السودانية عندما تضع الحناء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الفكاهة والطرائف-
انتقل الى: