وحاتك يمه

موضوع: وحاتك يمه الأربعاء 18 ديسمبر 2013, 9:33 pm

وحاتك يمه
وحاتك انتى يا يمه === بدور نتلم من تانى
بدور اتهنى بى عينيك === بدور انساها احزانى
عشان يا يمه سفرك طال === محال نتلاقى من تانى
وقلبك ده الحنين روح === وطيفك يمه ما جانى
*************
وحاتك يمه مشتاق ليك === وقربك يمه ببقى سعيد
بدور يا يمه اشرح ليك === بدور اكتب جواب بالايد
اشرح فيهو كيف بعدك === بقيت فى غربة عشت وحيد
بدور اسرج خيول الغيم === الا دريبك انتى بعيد
***************
عشمى الليل يزورنى الطيف === اناجى خيالك انتى -- احلم
اسافر فى الخيال واجيك === اضوق طعم الحنان وانجم
اقطع يمه مليون ميل === اعدى بحور معاك انعم
ارجع يمه املى يخيب === محال يا يمه تانى اتلم
*****************
ودعتك الله يا يمه === اصلو الدنيا فراقه
ما بتعرف حنين واشواق === وانحنا اشواقنا تواقه
وما جفت دموع العين === بحور احزانى غراقه
ولا غاب الحنين منى === تقيد نيرانى اشواقه
*******************
رحيلك يمه ولع نار === وحيد بتذكر -- اتأتم
وكت قايلك انيسه معاى === نسامر الليل ونتكلم
ونسرح فوق مناى الجاى === تقولى انشالله لى تسلم
الا رحيلك انتى اذاى === وبعدك ليلى كيف اضلم
************************************
وحاتك يمه 23j2zw0

موضوع: رد: وحاتك يمه الخميس 19 ديسمبر 2013, 2:24 pm

ماأروعه من وفاء وحب للأم العظيمة ياعائدة

اسأل الله ان يتقبل امهات المؤمنين في جنة الفردوس
ويبلغنا رضا امهاتنا ويقدرنا على اسعادهم كمان وكمان

موضوع: رد: وحاتك يمه الجمعة 20 ديسمبر 2013, 9:04 pm

رائعه هى القصائد عزيزتى عائده وما اروعها عندما تكون عن الام روعتها وطيبتها وعزتها فكل الامهات امى

نسال الله ان يهبنا منهن الرضا والعفو والعافيه فكيف لا نقدر من جعل الله الجنه تحت اقدامها

موضوع: رد: وحاتك يمه السبت 21 ديسمبر 2013, 10:29 pm

الاخ عائد
الاخ عوض
تسلمو على مروركم وربنا لا حرمكم من حنان امهاتكم ويديكم ويديهم العافية يا رب
وربنا يتغمد موتانا برحمته والى جنات الفردوس يا رب
سلمتوا

ومثل الأم لن نجد
الرحمة لامهاتنا وشقيش ما يقبلنا عديله عليهن