منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
منتديات مصنع سكر حلفا الجديدة ترحب بالزوار من ابناء المنطقة وجميع الاحباب والمريدين داعين لمد جسور التعارف بين الجميع ودوام التواصل
منتديات مصنع سكر حلفا الجديدة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات مصنع سكر حلفا الجديدة


 
الرئيسيةأحدث الصورالتسجيلدخولمركز تحميل المصنع     مجموعة الفيس بوك

اهلا وسهلا بناس المصنع عزيزى العضو فى منتدى مصنع سكر حلفا الجديدة تفضل بالدخول الي المنتدي واذا ما مسجل معانا تكرم بالتسجيل والتمتع معنا ولقاء الاحبة والاخوان ومن فرّقتك عنهم طرق الحياةولو ما عارف كيف تسجل في المنتدي فقط إضغط زر ( تسجيل ) واتبع الخطوات ,واحدة واحدة,(الادارة بتفعل حسابك )

 

 روائع حميد

اذهب الى الأسفل 
2 مشترك
كاتب الموضوعرسالة
محمد الفاضل
عضو نشيط
عضو نشيط
محمد الفاضل


عدد المساهمات : 50
نقطة : 8829
تاريخ التسجيل : 25/04/2012
العمر : 33
الموقع : مصنع السكر الحارة الرابعة
المزاج : عكران دائمأ

روائع حميد  Empty
مُساهمةموضوع: روائع حميد    روائع حميد  Emptyالأحد 09 فبراير 2014, 4:29 pm

سوقني معاك يا حمام ..


سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام

فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام

درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام

إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام

ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام

حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام
قِبلة غناي
الرجوع الى أعلى الصفحة اذهب الى الأسفل
يعقوب اوشى عيدالكريم
مشرف
مشرف
يعقوب اوشى عيدالكريم


عدد المساهمات : 1079
نقطة : 11276
تاريخ التسجيل : 26/08/2011
العمر : 44
الموقع : قلب البركس
المزاج : يتغيرون فقط.عندما نخبرهم اننا نحبهم جدا؟؟؟

روائع حميد  Empty
مُساهمةموضوع: رد: روائع حميد    روائع حميد  Emptyالإثنين 10 فبراير 2014, 12:05 pm

محمد الحسن سالم حميد

مساورة

يا جمة حشا المغبون .. 
في الزمن الهلاك منجا
تكون حانت مواعيدك .. 
يكون وقت المطر قد جا
شرق ضو البلد عيدك .. 
وطابت نسمتو العرجا
نكون يا طيبة تمينا .. 
وبدينا ولفنا .. غنينا الغنا الراجا
وبدت كاس المودة تلف .. 
عشق من حلفا لي راجا
ألف في ألف .. حبابك ألف .. 
إيه يا عنزنا القرجا
يا لـبّانة في الزمن المراحو نشف
يا جـبّانة للخوانة .. 
للعوج البدور ويلف
دميرتنا البتروي جرف
ضفيرتنا وعرش بيتنا .. 
تميراتنا اللي كانو وقف
أصابعين الرجال رصاص .. 
صمغ راس البنية سقف
أصابعين الرجال رصاص .. 
عضم ضهر القضية سقف
تكون دارة الزمن عمرت ..
نكون لمينا في الفاتو
وتكون فاقت ملامحنا 
وتضاريسنا القبيل غمرت
دغش ساقت بوابيرنا 
وندت شتلات بعد ضمرت
ضراعيك يا الولد كبرت .. 
مراعيك يا البلد كترت
خدار .. خدرت
غزار .. غزرت
نضاراً زين
برغم الصيف وصناتو ..
وسموم البين وأناتو
عصافير الجلد قدرت 
تباصر غيمة منتحرة
تضاير نسمة مندحرة
تضاير الغابة والصحرا
من الغمة وضلاماً شين ..
ومنك يا دقين ننفك .. 
تكون فكت عقدة الدين ..
عقب سيرة البلد سارت 
على الدرب العديل والزين
بعد ها الحال بلا مرسال .. 
يجو العمال .. يجوز الزراع .. 
يجو الكداح .. يجو الناس 
البخبرو شليل .. وشقيش راح
وقمريتين جناحن دلّ فوق الصاح
من الغفلة وعساكر الليل .. 
ولي الدنيا الجديدة جناح
صباح نندلّ شدة حيل ... 
بلدنا وما بنقيف بين بين
فيا خيالة عدو الخيل .. 
ولي الطيبة البتملى العين
مدى ونياه .. في حز القلب غنوة وآه
حنان بلدو .. وحنين منفاه
يا بت العز .. يا ست الجاه
يا هسع دية .. يا بكرانا .. 
يا ماضينا .. يا بعدين
نكون كنا .. وبقينا متين
وكيف تكدح 
مواعيدك مواعيدنا ونساورك وين


[ندعوك للتسجيل في المنتدى أو التعريف بنفسك لمعاينة هذا الرابط]
روائع حميد  1618547_732825356750547_1335755964_n
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
محمد الفاضل
عضو نشيط
عضو نشيط
محمد الفاضل


عدد المساهمات : 50
نقطة : 8829
تاريخ التسجيل : 25/04/2012
العمر : 33
الموقع : مصنع السكر الحارة الرابعة
المزاج : عكران دائمأ

روائع حميد  Empty
مُساهمةموضوع: رد: روائع حميد    روائع حميد  Emptyالإثنين 10 فبراير 2014, 7:58 pm

ﺳﺎﻓﺮ ..
ﺳﺎﻓﺮ ..
ﺳﺎﻓﺮ ..
ﺳﺎﻓﺮ ..
ﻣﻄﺎﺭﺍﺕ ﺍﻟﻮﺩﺍﻉ ﺿﺠﺖ
ﻗﺪﺍﻣﻚ .. ﻭﺭﺍﻙ ﺑﻴﻀﺎ
ﻭﺳﻤﺎﻙ ﻏﻨـّﺎﻯ
ﻣﺴﺎﺣﺎﺕ ﺍﻷﺳﻰ ﺍﻟﻔﻰ
ﻋﻴﻮﻧّﺎ
ﺗﺘﻔﺠﺮ ﻣﺪﻳﻨﺔ ﻭﻧﺎﻯ
ﺑﻄﺎﻗﺎﺕ ﺩﻋﻮﺓ ﺍﻟﺮﺟﻌﺔ ..
ﺗﺴﺎﺏ ﻋﻴﻨﻴﻦ ﻣﻦ ﺍﻟﻔﺮﺣﺔ
ﺩﻣﻮﻉ ﻟﻠﺤﺎﺿﺮﻳﻦ ﻓﺠﺖ
ﺯﻏﺎﺭﻳﺪ ﻏﻄﺖ ﺍﻟﺪﻧﻴﺎ
ﻭﻋﺎﺩ .. ﻓﺮﺡ ﺍﻟﺮﺟﻮﻉ ﻣﻨﻴﺔ
ﺻﺪﺍﻙ ﺍﻟﺮﻳﺢ .. ﻭﻣﺘﻞ
ﺍﻟﺴﻨﺒﻞ ﺍﻟﻐﻨﺎﻯ
........
ﻛﺘﻴﺮ ﺑﻨﻌﺎﺗﺐ ﺍﻟﺤﺎﺿﺮ
ﻭﻻ ﺃﺳﻔﺎً ﻋﻠﻰ ﺍﻟﻤﺎﺿﻰ
ﺻﺪﻕ ﺍﻟﺮﺅﻳﺔ ﻣﻦ ﻗﻠﺒﻚ ..
ﺑﻴﻦ ﺍﻟﺸﻮﻑ ﻭﺇﻧﺴﺎﻧﻚ
ﻧﻐﻢ ﻓﻨﺎﻥ ﻳﻌﻴﺶ ﺭﺍﺿﻰ
ﻣﺪﺍﻙ ﺇﺗﻌﺪﻯ ﺣﺪ ﺍﻟﺸﻮﻑ
ﺩﺧﻠﺖ ﻋﻠﻰ ﺍﻟﺸﻌﺮ .. ﺇﻧﺴﺎﻥ
ﻭﻫﻮﺍﻙ .. ﺇﺗﺨﺖّ ﺟﻮﺓ
ﺍﻟﺠﻮﻑ
ﻭﺇﻧﺘﺤﺮ ﺍﻟﻨﻬﺎﺭ .. ﻫﺴـّﺔ
ﻧﻐﻨﻴﻚ ﻟﻰ ﻣﺪﻥ .. ﺷﺎﺧﺖ
ﻣﻌﺎﻙ ﺃﺣﻼﻣﻰ .. ﻣﺎ ﺗﻨﺴﻰ
ﺗﻐﻨﻴﻚ ﺍﻟﻘﺮﻯ ﺍﻟﺮﺍﺣﺖ
ﺧﻼﺹ ﻳﺎ ﻏﺮﺑﺔ .. ﻣﺎ ﺗﺮﺳﻰ
ﻏﻨﻴﻨﺎﻙ .. ﻭﺑﻨﻐﻨﻰ
ﻭﺑﺘﺤﺪﻯ ﺍﻟﺰﻣﻦ .. ﻓﻨﺎﻥ ..
ﺳﺎﻓِﺮ
الرجوع الى أعلى الصفحة اذهب الى الأسفل
 
روائع حميد
الرجوع الى أعلى الصفحة 
صفحة 1 من اصل 1
 مواضيع مماثلة
-
» روائع حميــــــــــــــــــد
» روائع مستغانمى
» روائع فن الرد
» روائع الحقيبة
» من روائع الغناء السودانى

صلاحيات هذا المنتدى:لاتستطيع الرد على المواضيع في هذا المنتدى
منتديات مصنع سكر حلفا الجديدة  :: المنتديات الادبية :: الشعر-
انتقل الى: