طرائف رباطاب -مساخة -سرعة بديهه

واحد شاف رباطابي (عينو حارة) متجه نحوه فبدأ يقرأ سورة الاخلاص الرباطابي شافو يحرك في شفايفو فعرف انو بيقرأ ولمن وصلو الرباطابي قال ليهو خلاص بلعت الكبسولات ؟؟؟؟

في عهد الرئيس نميرى عندما كان كل شي متاح ومتوفروفى متناول يد الجميع الغني والفقير, خيرة وشرة ,حتى الخمور كالبيرة وغيرها تصنع بالخرطوم بحرى وتصدر لكل أنحاء السودان ....داعية إسلامي حلفاوي يسكن بالخرطوم قام بزيارة لأهله بحلفا وكانت هنالك لوحة اعلانات كبيرة للبيرة عند مدخل حلفا مرسوم عليها زجاجة بيرة ومكتوب عليها مرحبا ً بك في حلفا .,الداعية خطب فى أهله بالقرية وإبتداء خطبته قائلاً يؤسفني جداً ان أرى إعلانات الخمر علي أبواب حلفا ,حلفا مهد الحضارة وبوابة الاسلام و...و...الخ ,وصار يجهش بالبكاء....,أحد المستمعين صحاب مزاج لم يعجبه الموضوع فقال بغضب وهو يغادر مكان المحاضرة :
الراجل دا ما يمشى يبكى هنااااااااااالك فى المصنع بتاع البيرة جاى يبكى لينا هنا

شافع رباطاب قاعد جنب أموا عايزة ترمي زلابية , رمت أول قطعة عجين فى الزيت الحار وصوت القلي وفقاقيع الزيت حول حبة الزلابية فى النار الشافع قال لى اموا وهو يشير لي حبه الزلابية فى النار وفقاقيع الزيت حولها ’شوفيها عاملة زى شعار قناة الجزيرة

إتنين بلدياتنا إشتروا عربية فولكسواجن من الخرطوم
وقامو مسافرين كسلا...وصلو مدنى العربية إتعطلت
محمد صالح السواق فتح غطاء العربية من قدام لقى لستك
إسبير وعفريتة..راسو ضرب ... قال لأخوه ...محمد حامد
المكنة وقعت...مر بيهم ميكانيكى وعرف الحاصل فتح المكنة
بورا وصلحها ليهم ...وإتحركو...محمد حامد قال لمحمد صالح
والله إنت زول خترى اسع من خرطوم جايبنا بالخلفِ....

فى مكاتبنا جيت مارى إتنين من زملانا بتكلموا واحد بيشكر فى نفسو أنا زول قنوع وانا زول متفائل ووو ..مريت قريب منهم مع كلمة انا زول متفائل قلت لي التانى بالله أديو من اللون الأخضر دا ....ماتوا من الضحك (الما فهما دا ينفع يكون مهندس ويشتغل فى بوهيات المهندس ) مشتاقين ليكم كتير والله حركوا لينا منتدى الفكاهه دا بالله بى أى حاجة

شافع رباطاب راكب فى راس البيت ,جارهم سال الشافع يا ولد أبوك فى ؟ رد الشافع : إنت ما عندك راس أنا كان أبوى فى بتلقانى راكب هنا

عبد الرحمن موسي ادريس كتب:

زمان فى الورشة القديمة الإمام كان عمنا ترير رحمه الله
وكان قبل الصلاة يعدّل الصف الأول.. مشى حتى بداية الصف
ووقف محازى أول مصلى وقعد يأشر بإيدو ورا وقدام... عمنا
فقيرى رحمه الله خرج من الصف وقال ليه: ياحاج إنت داير تصلى
ولا داير ترفع كورنر....

--------------------------------------------------------------
للعم ترير الرحمة والمغفرة بقدر ما قدم هو وزريته التى لازالت متواجدة بالمصنع الاستاذة انعام ترير وابنائها وبناتها , مربية اجيال حى الالمان والدة المطرب نزار عبدالباقى ونعزيهم فى وفاه خالتهم إبنة العم ترير الاستاذة سامية التى حدثت وفاتها الاسبوع الماضى بالخرطوم لها الرحمة والمغفرة .وكان المرحوم ترير ومن بعدة خضر توتو من رواد صيانة و تاجير الدراجات بسوق المصنع ويحكى ان شخص استاجرعجلة من ترير وكان مسرع وسقط على الارض فمر به شيخ فنصحة: قائلا العجلة من الشيطان فرد علية :العجلة من ترير

رباطابي راكب الطيارة وكان التكييف بارد شديد أشر للمضيفة جابت ليه بطانية صغيرة ,فسأله جارة بردت ولا شنو جابو ليك بطانية ؟ رد علية الرباطابى لا داير افرشها اكوى فيها هدومى مكرفسات

ما اجمل بديهة الرباطاب التى تعكس تفرد هذا الشعب الجميل فهنا اريد ان اسجل حضورا

رباطابى مغترب راجع من الأجازة ودع أهلو فى المطار وزهجان من فراق الاهل والأحباب ,وداخل الطائرة كان التكييف بارد شديد ,فنادى المضيفة لتحضر له غطاء من البرد ,فاحضرت له بطانية صغيرة ,فسألة جارة الذى يجلس فى المقعد المجاور ,بردان ولا شنو طلبت بطانية ؟ رد الرباطابي لا ما بردان داير افرشها أكوى فيها هدومى مكرفسات

قالوا في واحد بيبيع في مِعزة (ماعز ) وباقي ليه غنمايتين بس , واحدة طويلة وسمحة شديد وواحدة قصيرونة شديد , جاهو رباطابي عاوز يشتري الغنماية الطويلة , وصاحب الغنم بدأ يشكر في القصيرة ( نظام مخارجة وكدا ) , والله دي نسلها سمح و... و... وبعدين لبنها كتيييييييييييرأكتر من التانية . غنماية حلابة في اليوم تحلب مرتين !!!!!!
الرباطابي زهج منو وقالو طيب قول لبنها كتير بس بي قصرتها دي إلا نحلبها في صينية

تسلم يازول ياراقى وبالجد كنت اتمنى ان نلتقى لكن هكذا هى الحياة....تحياتى مع تثمينى لجهدكم والاخوان ودمتم

ها ها ها حلوة يا علاء الدين ,عسكرى سعودى مسيخ تقول رباطابي بمطار الرياض واقف امام ماكينات تفتيش الشنط ,والناس سايبين كل المكائن ومزدحمين في ماكينة واحدة فسالته مستفسراً المكائن التانية دى ما شغالة , رد على بمساخة لا هذى تدرس

هاهاها جميلة يا ناصر