زول بشبهك

وحتى زولك الإتعودت ما تشوف منو غير كل الحاجات السمحه وغير كل الخير ، الحتى عتابو ليك بكون عشانك انت قبل اي حاجه تانيه ، جرب مره وحاول اتخيلو بينك وبين نفسك ومن دون اسباب انو ممكن يخذلك يصدمك يتنكر عليك ينساك يفوتك او ربما يهجرك او كمان يتغابى فيك العرفه ، عيش لحظتك الرسمتها بخيال احتمالاتك ذي ما هي احزن ذي كأنها فعلا حصلت ، بس قبل ما تتقمص الإحساس اسأل نفسك هل التصرفات دي بتشبهو ؟؟ بتشبه طبعو واحساسو بي ؟؟

‫#‏زمن_إضافي‬
في تصرفات و تفاصيل دقيقه بتكشف ليك زولك القدامك ممكن يعمل فيك شنو هل ح يوجعك في يوم من الأيام ولا ح يخليك اسعد زول ذي ما هو مخليك في الوقت الحالي ، تفاصيل دقيقه جدا بنشوفها بعين العقل ، العقل وبس والنظرو حاد بفهم وما محتاج يستنى الخذلان لحدي ما يحصل ويتصدم عشان يتعلم ..

‫#‏إبتسامه‬ ‏‎smile‎‏ رمز تعبيري
اتوقع اي حاجه من اي زول بس كمان ما لدرجة انك تخلي الحاجه دي تطغى على احساس ريدك لي ناس بريدوك اكتر منك ..
في ناس ‫#‏بترتاح_بيهم‬ وبنسوك تعب سنينك وبهونو عليك شقى ايامك وببردو عليك حرارة الصيف ، وانت منهم؟؟

والله ياهو كلام عيووووون زااااااتو .....
تحـــياتي وأشـــواقي ياقلب البركــس
إنــــــــــت

والله ياهو كلام عيووووون زااااااتو .....
تحـــياتي وأشـــواقي ياقلب البركــس
إنــــــــــت

هندسة تسلم وحمدالله على السلامة

مرات بتصل مرحله في الغيره بتفقد فيها المنطق ، بتكره ناس ما عندهم اي ذنب غير انهم قريبين من زولك ‏‎smile‎‏ رمز تعبيري
مرات ممكن تغير من اصحابو وناسو حتى ولو كانو من نفس جنسو ، بتغير منهم عشان بتحسهم واخدنو منك بكونو معاهو في الزمن المفروض انو يكون ليك ،فبضطر انو يضحي بيك على اساس انك زولو المنو وفيهو وانك مفروض تتفهم وضعو وتصبر معاهو وتستناهو لحدي ما يخلص ويجيك في الأخر ولو كمان غالبك النعاس ونمت يبقى خلاص دا يوم و فات عليك من دونو ، قد تعملفيها واعي وتكبر عقلك في بعض المرات وتقول ما مشكله المهم انو معاي وموجود في حياتي بس مرات بكتر عليك وبغلبك عدييييييل كده بتحس انو الشوق واجع ليك قلبك وزولك ذاتو كما الشوق واجع قلبك ..
بتكون واثق إنو بريدك وما عندو غيرك بس ما قادر ينظم وقتو ، اكيد طبعا الحكايه بتعتمد على الأولويات بس في نص الزحمه مرات وغصبا عننا بنلقى اننا ختينا اولوياتنا في النهايه ما عشان هي مكانها النهايه لكن بنخليها في الأخر عشان نحلي بيها ذي قالب الكستر البااارد الفيهو بسكويت مكسر في النص

احلى ايام ممكن تمر بيك في حياتك ، واحلى فتره بتلاقي فيها احلى ناس في احلى مكان ياهو مكان واحد مافي غيرو #الجامعه ♡
بتلقى فيها ناسك الإخترتهم عشان تكمل معاهم مشوارك البدايتو الجامعه وما معروف نهايتو وين أو بالأصح ما عندو نهايه والإنت ما عايز يكون ليهو اخر ..
اصحابك الإختارتهم ليك المواقف واخترتهم انت بملئ إرادتك وما عشان البصادف يقعد جمبك يبقى صحبك ذي الكان بحصل في المدرسه زمان ..
مكان بتلاقي فيهو اصحابك الحقيقين اخوانك البجد البتضحك معاهم من قلبك من أول ما تلاقيهم من الصباح لحدي الوقفه جمب باب الجامعه وانتو راجين المواصلات بتكون مبسوط بيهم لدرجة انك لوهله ممكن يجيك احساس انك بتجي الجامعه علشانهم ‏‎kiki‎‏ رمز تعبيري ومنو فينا الما جاهو الإحساس دا ، ولو ما حسيت ولو مره انك جاي الجامعه عشان تلاقي اصحابك ولو مره يبقى راحت عليك ‏‎kiki‎‏ رمز تعبيري
جربت تشيل مع واحد من اصحابك همو لدرجة انو يظهر في ملامحك خوفك عليهو ، جربت تقيف معاهو وتحترمو ويكبر في نظرك عشان هو اصطفاك من دون الشله وجا فضفض معاك وحكى ليك حاجه ما بقدر يقولها للباقين ‏‎smile‎‏ رمز تعبيري
شلتك فيها الزول الأول ما تشوفو بتضحك من دون سبب دا الزول الما بعرف يكون جادي حتى وهو فعلا جادي ‏‎smile‎‏ رمز تعبيري
فيها العامل عاقل وفيها الفعلا عاقل ..
ناس حلوييين شديييد ياخ كم مره اتمردت معاهم وقررتو انكم ما تحضرو المحاضره وكم مره حضرتوها عشان خاطر الأتندس ما اكتر ، وياما حضرتو المحاضرات عشان خاطر المحاضرات وعشان انتو من جواكم عايزين تحضروها وعشان استاذ الماده بحببك فيها وما بتكون عايز تفوت منو كلمه ، استاذك البحسسك انو ابوك ‏‎smile‎‏ رمز تعبيري
في إتنين في الشله ما مفروض ننساهم الإتنين البحبو بعض الحلوين ديك البتكاووهم وما مخلينهم في حالهم والبتشاكلو ويجوطو وانتو تضحكو فيهم وأول ما تحسو انو الموضوع قلب جد ما بتخلوهم يمشو الا لما يتصالحو ♡

وفي زول بسأل عليك ودايما معاك حتى وانت ما محتاج ليهو برضو بكون جمبك بهتم بيك وعمرو ما اتلوم معاك ولا قصر في حقك مع انو ما بيناتكم شي ولا هو مجبور عليك ، زول بستحمل مزاجياتك وبتقبلك ذي ما انت ، ما حصل مريت بي موقف وما لقيتو معاك ، الزول البتجيك منو رساله لما تكون متوقعها من زول تاني هو البتصل عليك لما تكون راجي مكالمة الزول التاني ..

‫#‏جوطه‬

دايما في عز ما بكون في زول مغرقك اهتمام بتكون انت مستني ولو ربع إهتمام من #زول_تاني ، وعلى قدر ما بكون في زول بحبك وميت فيك بكون نفسك زول تاني يحبك ذيو ، وحتى لو ما ذيو المهم يحبك ان شاء الله شويه بس ):
قد يكون الزول الدايما معاك عارف انو احاسيسك ما معاهو وقد ما يبوح ليك بي احساسو تجاهك قد تنتبه لي احساسو ليك من تصرفاتو وقد يكون احساسك انت بي ‫#‏الزول_التاني‬ عاميك لدرجة انك ما شايف حتى البهدله المبهدلا لي روحك وقلبك بي سببو وهو ما جايب خبرك ):
ما دايما لما تحب زول ح يحبك ما عشان فيك حاجه غلط أو ناقصاك حاجه ، عشان إنت ممكن تكون احسن زول في الدنيا بس ما بالنسبه ليهو أو ممكن يكون شايفك زول كويس واي حاجه بس ما حاسي بيك ):
اصعب احساس انك تحب زول يكون بحب زول تاني غيرك ويكون متمني غيرك يحبو ذيك ):

وفي زول انت ‫#‏ما_بتحبو‬ ، لكن بتغير عليهوو من زول تحس بيهو قريب ليهو اكتر منك .
و ممكن تعمل معاهو موضوع ونقه كتيره وكلام اكتر وتتشاكل معاهو وتقفل في وشو وتخاصمو لمجرد انو ما رجع كلمك بعد ما دخلت عليهو انتظار ولقيت تلفونو مشغول *_*
ممكن تلومو وتعمل ذعلان اذا ما لقيت منو مسج وهو داخل الواتساب ..
والغريبه انو بفتشك وبتعزر ليك ويبرر ليك وما بسيبك الا لما يراضيك ويطمن انك ما ذعلان ويشوفك بتضحك ‏‎kiki‎‏ رمز تعبيري ..
هو الزول الممكن تلغى ليهو مشاويرك اذا فاجئك و قال ليك الليله عايز الاقيك وعايز اتكلم معاك وحتى ولو كنت عارف انو ممكن يكون عايز يلاقيك عشان عايز يحكي ليك عن زول بحبو هو ):

زول بتحبو ولا ما بتحبو ما عارف المهم انك عايزو معاك شدييد وما بنفع يومك يعدي من دونو كما حياتك بالظبط

والزول البتحبو شدييييد داك ، البتحس انك اتخلقت عشان تحبو ، ولو ما كنت حبيتو ما اظن انك كان ممكن تحب ، الزول الما بتتخيل نفسك حبيب لي غيرو ، زولك اللما تكون معاهو بتضحك من قلبك وبتفرح من جواك ‏‎smile‎‏ رمز تعبيري

الزول القيمتو كبييييره عندك وهو بالنسبه ليك خط احمر ولحدي عندو الكلام بقيف ، الزول البكون بالنسبه ليك حاجه كده انت ذااتك م عارفها شنو بس كل العارفو انك عايز تدسو في جواك وعايز تحافظ عليهو ومستعد تعمل اي حاجه عشان خاطر ما يضيع منك ‏‎smile‎‏ رمز تعبيري

الزول البتحسو مقاسك وشبهك وقدرك وموجتك مظبوطه على ترددو ، ومعاهو هو بس بطلع صوتك واضح وضحكتك احلى ‏‎smile‎‏ رمز تعبيري

الإثنين	الثلاثاء	الأربعاء	الخميس	الجمعة	السبت	الأحد
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

زول بشبهك

زول بشبهك

رد: زول بشبهك

رد: زول بشبهك

رد: زول بشبهك

رد: زول بشبهك

رد: زول بشبهك

رد: زول بشبهك

رد: زول بشبهك