عيال الالمان مرقو الليلة للفرح
خمسة وخميسة علي الما يقول ما شاء الله!
عرسان الهنا اولاد عمنا عبد الباقي عثمان (نزار ونشوى)
يا عضم ضهر المعزة
ويا تقل زولا براهو
يا مرقتو مع الجماعة
يا ستر حالو وضراهو
فاصل ونواصل الأغنية الجاية (عرس حبيبنا نزار عبد الباقي عثمان ود ماما إنعام ترير)...
(انا نزار عبد الباقي.. وبقول ليكم بمكرفون المنتدى:
من حقي اغني لشعبي
ومن حق الشعب علي
"... لازم يجي يحضر عرسي والدعوة غداء... يوم الخميس المصادف 28 شهر خمسة العلينا ده.. في بيتنا في حي الالمان والما بعرف البيت بى وين اليسأل وما كتير السؤال علينا يا احبتنا العزاز تجو تشاركونا الفرح")..
اها وكمان عشان الحكاية ما تجيب ليها زعل من نونات المنتدى وأميرات المصنع عرس نشوى أختي وبت عبد الباقي عثمان.. وبت أمها ماما إنعام ترير في نفس اللحظة وما فرق في الوقت الراهن وكلو زي بعض لمتنا واحدة في حوش أبوى عبد الباقي الواسع الوهيط.. ما تنسو الغداء يوم الخميس 28 شهر خمسة أما الحفلة لسه تحت النظر والدراسة والإفادة يا أحباب. كده انتو في الأول اصلو والباقي كلو هين)..
أما نحن من جهتنا ناس المنتدى بنبارك للعريس الوجيه نزار والعروسة نشوى وح نشارك كلنا البعيد والقريب... ونقول عقبان لكل عزابة المصنع بنين وبنات.. ودامت أفراحنا وحفلات المصنع.. غنا ودلوكة ورقيص وهجيج شديد..
