تحية المساء نرسلها للقامة ابو عركى البخيت

يا ايها الفرح العائد لك منا اجمل تحية وانت تحمل هم الوطن وتغنى له فى احلك الظروف ،،،،،

يا صاحب الكلمة واللحن والصوت والفن الاصيل اليك منا اجمل سلام فيكفى انه من تغنى بى واحشنى وهاكم نص الاغنية

واحشنى يا الخليت ملامحك ..

فى حياتى ،

واحشنى يا الرسيت مراسيك ..

جوة ذاتى ،

الا باكر لما ترجع ،

أنا بحكى ليك عن الحصل ،

وعن بعد المسافة وقربها

ولمن يفارق زول عيون

غاليات عليهو كتير خلاص وبحبها

والله أحكام يا قدر

والله أحكام يا مسافة ويا سفر

***

وانت لما بتسيبنى وتسافر

خت فى إعتبارك ،

انو دنياى فى مدارك

وجد- لفافات الصبر دخنتها

وكل المقاطع فى غناى طوعتها

وغريبة غنت ،

فرحة ... لا ... لا

غربة ..لا....لا

تقصد شنو ما عرفتها

وأهى تجربة .....

خطيرة – جد – وأجتزتها

ولسة واحشنى

الم اقل لكم انه قامة يستحق ان نرفع له القبعات !!!!!!!!!!!!!!!!!!!1

تقصدي شنو ياام تساب,,, ماعرفتك بتقصدي شنو؟؟
بس ممكن اقول:
عاوزة تنبشي فينا الحنين والشوق لهذا الهرم العملاق والذي اعتبره شخصيا فناني المفضل لانه انسان بمعنى الكلمة وقد كانت لنا معه
ومضات وذكريات وعلاقات خاصة ايام الجامعة وكأننا حرسه الشخصي لانغيب عن حفله اطلاقا وكانت حفلاته قليلة ونادرة نسبة لملاحقته ومضايقته من قبل افراد أمن النظام حينها,,,
احد الاصدقاء ورفقاء الدرب مولع ومهووس باابوعركي وهو مصطفى مولى واذكر في احدى حفلات التخريج قام منفعلا ومحرضا للجمهور باعلى صوت: قوموا فوق,,ابوعركي يغني وانتو قاعدين والاغنية كانت (اضحكي) وفجأة ضج المكان وتتدخلت قوات
الامن وتفركش الحفل وصاحبي وقع مغمي عليه ليتم نقله الى الحوادث امدرمان وهناك في غرفة العمليات نادى الطبيب صائحا في طلبة الامتيازليقفوا ويتعلموا ويستثمروا الفرصة,,,فاذا بصاحبي ينهض وينفعل مع الطبيب (يتعلموا يادكتور,,,انا حقل تجارب هنا) وطرد الجميع من حوله وكانوا غالبيتهم من الانسات اللاتي اعجبن من قوته ورباطة جأشه برغم غزارة الدم المنهمر من رأسه لكنه يقف ويحاجج ويقاتل...
تحية في هذه الامسية الرائعة للفنان القدير عركي وعذرا للاطالة وربما الشطحة واهدي لكم اسرة المنتدى هذه المقاطع من الوجع الخرافي للشاعر هاشم صديق:
*****
عيونك صايمة
ورَقرَق فيها
الزمن المافى
أحزانك صاحية
ودَجّت فيها
حَوافر الذكرى
النصْلها حافى
معزور الفرح
اللمْلم نفْسو
وقبَّـل وشو
واصبح جافى
لمتين يرجانا
ونحنا نكابر
وليلنا مشاتِر
ووجعو خراااااااافي!!!!!

شكرا عائد على تلك الكلمات الجميلة فى حق الرائع دوما والخالد فى نفوسنا ابو عركى البخيت فهو بجد انسان نادر فى زمن الوجود حاضر والناس غياب اقل ما يمكن ان يقال عنه انه قامة فنية يستحق منا كل اجلال وتقدير

عذرا ان كنت قد قلبت عليك المواجع فالوجع ساكن فينا اينما حيينا ]

تحية المساء نرسلها للرائع ابو عركى

نقطة : 35652 تاريخ التسجيل : 01/01/1970

مشكورة الأخت الفاضلة ام تساب

شكرا لك انت اخى وليد على المرور فهذا اقل ما يمكن ان نقدمه للقامة عركى
وتعالوا جميعا نغنى غنى الايام