عوض قشيش .. حبابك

هلا مرحب بيك يا ود قشيش سيد البلد ...
وقطر تشرف بالرجل الثالث منتدانا ... ولسه الباقي كتير ما جانا
كتر خيرك كتير طالما بقيت بينا .. وماك غريب على الديار ..
المسافات طالت والاجيال اتلاحقت ..
وابقى داخل ...

ازيك يا عوض ..
اخبارك واخبار الاهل
سعدت كثيراً بانضمامك ..
و يزداد الفرح يوماً بعد يوم .. و ها هي الحارة التانية ترميكم برجل حكيم آخر ..
والانباء تنتشر في كل الارجاء .. ويلئم الشمل شيئاً فشيئاً ..
عوض قشيش بشارة لانضمام كوكبة من الاصدقاء .. ندعوهم عبرك .. وفي مقدمتهم اخوك صلاح .. وشوف لينا ناس عبد العزيز ومحمو وصلاح اولاد عمك المرحوم حامد .. ثم ادلف الي ابناء السر الجزار .. واهتف لابو القاسم .. ثم ابناء عمك عليكو .. هاشم ميرغني .. و عبد الرحيم .. وكل اولاد جيرانك الحلوين .. وتعال بغادي لي ناس بدر الدين وعبد الرحمن وادريس سمائر .. وماتنسي الرائع جداً سيد احمد الامين .. وكل الاخوان والجيران .. شفت كيف .. وابقي داخل وعايزين نسمع منك ..

وشكراً جزيلاً للتواصل ..

يامرحبا يامرحبا الاخ عوض قشيش
جيدا جئت والديار ترحب بيك ياوريف....
اندهشت وانبهرت بذاكرة متقدة للاخ خالد وهو ينبش سيرة
شباب اصفياء واخوان اعزاء من ابناء الحارة الثانية امثال
ابوالقاسم السر وهاشم ميرغني وصلاح كاو وعبدالرحمن سماير والاخ الدفعة سيد احمد محمد الامين وبالمناسبة أين أراضي ذلك الرجل ياخالد؟

شكراً استاذ عائد ..
التحية لكل رفقاء العمر .. وكثيرون ممن لم نذكرهم ولكن محبتهم والشوق اليهم والي لقياهم لا يعلم به الا الله .

اما الصديق المتفرد الشهم الذكي اللبق والمثقف سيد احمد محمد الامين فلا والله لا اعرف مكانه .. ولكنني قد رايته مرات عديدة بالتلفزيون .. مرة رايته وهو يحضر محاضرة دينية وقد ركز عليه صاحب الكاميرا .. وكانه ييقول لي ( بل شوقك ) ومرة اخري ايضاً عبر الفضائية رايته مدير لمعرض داخل معرض الخرطوم الدولي .. .. وقد كان ظاهراً بائناً كأنه القمر .. في وسط لاجميع .. وهتفت برغم من اني وحيد ( سيد احمد الامين ) ثم ضحت وحوقلت وسبحت .. واشتغل شريط الذكريات ..

سلااام ومراحب

اخونا عوض قشيش الحاره التانيه المنتدي يرحب بيك اهلا وسهلا

اهلا وسهلا ناس حارتنا
ها هي أفواج الحارة الثانية تترى علينا *** فأهلاً بكم ونرحب بكم جميعاً ترحيبا يليق بالمقامات السامية
مرحبتين يا عوض شرفتنا واسعدتنا بانضمامك وفي انتظار ابداعاتك يامبدع
ويا ناس المنتدى بعد دا أمسكو الخشب فأبطال الحارة التانية قادمون لا محالة وأنا عارف في فريق كامل قاعد يسخن وسيكون حتما اضافة معتبرة للمنتدى ونقول للمدير العام امش نوم ساااااااااااكت نوم العافية , ولو في حاجة صعبة بي نصحيك ليها

أهلا بالفنان عوض

أطللت علينا وأطل الندى

لك التحية وكل الود

موضوع: شكر وتقدير الإثنين 17 أكتوبر 2011, 9:45 am

تعثر الكلامات بل وينطفى بريقها فى حضرتكم ايه الرايعون دوما كيف لا وانتم خيار من خيار ما انجبته تلك المدينة العامره باهلها لابشواهق الابنيه ولا المناظرا لخداعه ولكنم ستظلون تاج على رؤوسنا مادمتم على هذا النهج والطريق الصحيح واشيد بكل من كانت له بصمه فى انجاذ هذا العمل الرائع والجميل والغريب فى الامر لاحظت اخوة كراما لنا بعدت بينهم ظرووف الحياة والعمل وتركو المنطقة ولكن بقلبهم دوما معنا وانا شخصيا سابذل جهدى من دمج اكبر عدد ممكن من اخوانى بمصنع السكر ؛؛؛؛ وفقكم الله وسدد خطاكم

اخوكم / عوض قشيش

هلا بيك عوض .. راجين منك الكتير .. وفرحتنا بيك ما بقول انها ما اكتملت لكن بتكون بلغت ذروتها لمن تجيب لينا كل الناس الحلوة بتاعين الحارة الثانية

» عامر الجابري .. حبابك حبابك
» جنابو الرضي ... حبابك حبابك
» حمزة سعيد عبد الواحد .. حبابك حبابك
» عبير فرغلي .. حبابك حبابك
» سيف الدين دكين .. حبابك حبابك