الحريم ( دعايات )

الواقع ( المعاش ) يؤيد الراى القائل ( ان المداعا ) اسستها المراه ( يعنى الحريم دعايات )
فقد تتبادر دائماً فى اذهاننا ) ( بعض الالفاظ التى كانت تتداولها بعض الحريم فى ايام زمان وحتى الان )
ففى حاله أن أخطا احدى ( الاطفال ) . فى هذه الحاله قد تطلق الام او الخاله او العمه زخيرة من الالفاظ ( لشجب ماورد منه من خطاء ) فتاتى الكلمات منها بوزن وقافية
ضاربو ليه يضربك الضريب
كسرته الصحن ليه الله يكسر ضهرك يا المبدول ومسنوح .
روح تروح روحك دى منسله ( الموضوع للنقاش ) ....

مره فى مره دعاية فى احدى المناسبات فى البلد ..فى شافع قام ( جلد ليهو شافع مره دعايه ولسانه طويل ) لمن شافت ولده بيبكى جات من هناك جاريه طب طب طب طب طب وسالتو ( ياود الدقاك منو قال ليها ضربنى الود داك واشر بى اصبعوا على الولد الاداهو علقه كاربه ) قام عاينته لى الولد ( وكشرت وشيه ) ( زى اتقول ماصاله ليمونه وقاتلو ) .....

ضاربو ليه
يضربك الدبيب
شقاق العناقريب
الناس فى العيد
وانته فى المرض الشديد
الناس يشربو الشربات
وانته تشرب الدويات
الناس ياكلو الحلويات
وانته تبلع الكبسولات ..

يقرصك النمل السليماني

(دعوة بت لسه ما دخلت المدرسة)

على الرغم من انى من اشد المعارضين للدعاء او المداعاة لكنى لا أزال اذكر بعض المفردات التى تتداولها حواء الداعاية :

مالك : ملة التملك
ده شنو : شنينه ام قرينات
ياخاله : خلال السدر
انت : انت بالنينى التمشى وتنينى زى دقيق الفينى
سلام : سلميه وزقاق ضيق
ماتجى تجيك الطاويه حبالا
يبقى ليك اربعاء وعقاب شهر
اسكت سكت حسك
عميان العمى اليلايسك
اكل تاكل السم
مجنونه الجن الكلكى
يتكلمو بى كلامك
يقلقلك الحر

ناصر البهدير كتب:: يقرصك النمل السليماني

(دعوة بت لسه ما دخلت المدرسة)

ناصر صباااااحك زين
بالمناسبة أنا بعتقد انو اى مقولة من مقولات الحريم الدعايات عندها معنى ومدلول مثلا وعلى حسب ذكر النمل السليمانى ده احتمال يكون نوع من انواع النمل ذو اللسعة القوية
ههههه والله الحريم غايتو الله يهونلهن سكرات الموت عليكم الله شوفو الدعاء ده امشى تمشى فيك ان شاء الله رصاصة أتقد كبدتك يعنى فى المعنى وبالاخص إنو الدعاية إختارت الرصاصة ومن المعلوم سلفاً ان من تصيبه الرصاصة ( سوف يودع ويقول باااااى باى يادنيا ) زد على ذلك وفى مضمون الدعاء إنو الرصاصة القاتله دى تصيبك فى ( أهم منطقة فى جسمك ) اللى هى الكبد يعنى ده دعاء قاتل ومهلك غايتو الله ينجينا من لسنات الحريم .... هههههههههههه

نهاراتك طيبة اخي حاتم ..
طبعا دعوة البت جات من النمل الذي مر به جيش سيدنا سليمان وهذا ما جعلني استغرب كيف عرفت هذه البنت بذلك النمل ويبدو انها أحدى المقولات التي تستخدمها المرأة في دفاعها المستميت عن ضعفها وهوانها كما تظن هى ... طالما عندنا حريم قاهرات وقويات دخلن التاريخ وبقن شيوخ للحلة والبلد ...

قوم تقوم قيامتك
اقعد قعدت فيك حيطة
تعال تجيك الشايلة ضنبها يلولى
است سكت حسك قرش نصك
غايتو بس الله يهون
وفى النهاية بنقول الداعى مدعى والله ما كدى
تشكرات كمية على فكرة الحريم الدعايات
تخريمة
بالمناسبة برضو فى رجال دعايين ياريت تتكرموا لينا بى نماذج قبال ما ارشكم رش تقيل
يترش فيكم جبل قروش يغتيكم من راسكم لى كرعينكم

ازيك يا اخي حاتم .. اخبارك ؟؟

شكراً لروعة هذه المادة الدسمة .. ووالله كانت لنا جارة .. نموووت من الضحك عندما تتكلم .. فهي كانت لا تعرف غير ان تداغي::

هاك ديل :

حقات رجال لكن :

الزوجة مخاطبة زوجها .. يا هنااااي تعال .. الزوج جايي جايي .. وفي سره .. تجيك اللباتشي شحدت ربي وماني خاتي عليك

الزوجة مسرعة نحو الشارع

والزوج متأهب لدخول المنزل وعندما يري سرعة هرولة زوجته يقول في سره : الغزالة التقد نعالك ويناديها هوي يا مرة هوي تعالي تجيك الطاوية حبلها

وهي تردد ماشة المستشفي وهو يقول لها تمشي بطنك وهي تردد فطورك جاهز وملاح الروب في الكورية جمب الطبق اللليل الكسرة وهو يردد ملاح الروب اليكسر رقبتك التمبوووووولا

ام تساب كتب:: قوم تقوم قيامتك
اقعد قعدت فيك حيطة
تعال تجيك الشايلة ضنبها يلولى
است سكت حسك قرش نصك
غايتو بس الله يهون
وفى النهاية بنقول الداعى مدعى والله ما كدى
تشكرات كمية على فكرة الحريم الدعايات
تخريمة
بالمناسبة برضو فى رجال دعايين ياريت تتكرموا لينا بى نماذج قبال ما ارشكم رش تقيل
يترش فيكم جبل قروش يغتيكم من راسكم لى كرعينكم

ام تساب
مشكورة على المرور الرائع الذى اعطى هذا البوست دعاش معطر فاح من عطر حروفك المرتبة ومشكورة كتير على الدعوة الاخيرة خايفين جبل القروش ده يغتينا ونودع الزايلة ياقول جدى جعفر ودعمر عليه رحمه الله .فالواقع المعاش يا ام تساب يتهم المراةو يؤيد الراى القائل ان المداعا اسستها المراه اى حواء يعنى الحريم دعايات واحتمال الكلام ده انا قتو فى بداية البوست برضو زى ماقتى فى رجال عندهم نفس الصفة بس بتكون بنسبة ضئيلة جداً انا عايزك يا ام تساب تقوم تفسرى لينا معانى مضمون تلك الادعية مثلا قرش حسك ويقرش كانكوجك ههههه وغيرها . نحنا بدورنا بنساعدك شويه لاننا ترباية حبوبات ههههه

في مدرسة حلفا الاكاديمية والتي لا اعرف مسماها الان في ظل ثقافة المشروع الحضاري بالولع بالاسماء الاسلامية كنوع من الوجاهة واقناع الشعب بان هذا المشروع لوجه لله للجاه ولا للسلطة. لا علينا فالمهم كان صول المدرسة رجلا اشيبا وقصيرا من رجالات الجيش القدماء وكان لطيف معنا ...
وكالعادة كنا في بالنا دائما فكرة الذوقة لا تفارقنا خاصة بعد الحصة الثانية او الثالثة في الغالب الأعم ...
مرة كان معى هاشم البشاري وصالح محمد صالح فقيري وعمر ابو قصيصة ومعتز الطيب حسن الشيخ .. واخرين لا أذكرهم جيدا .. هربنا عبر نفاج صغير يفتح جنوب المدرسة على الداخليات واثناء عبورنا بالجزء الغربي من المدرسة بالخارج إذ به نسمع صوت عم الصول سليمان يصيح مناديا لنا بالرجوع فما كان مننا الا المزيد من الهرولة باتجاه ميدان الكرة والذي يقبع بالجزء الشرقي من المدرسة ومنها الى السوق ملاذنا.. لحظتها سمعناها يقول لنا بصوت عالي:
قطر عجيب يودي ما يجيب

ناصر البهدير كتب:: هاشم البشاري :

فالندعو الله تعالى ان يرحم ويتغمد عمنا البشارى ويرحمه ويغفر ويحسن اليه لاذلت اخى ناصر اذكره وهو باسم ونوارة فمه فى سنه الدهبية والتى تعطى شكلا ناصع البياض مع الطاقية الحمراء له المغفرة ومن خلالك ابعث التحية لاسرة المرحوم البشارى حسن البشارى ومصطفى البشارى وضياء الدين الصغير علمت انه تزوج قبل فتره بسيطة شكراً ناصر لاسترجاعك لزاكرتنا

اللهم تغمدهم وارحمهم بواسع غفرانك ...
ابونا العارف بالله المرحوم عبد القادر مختار ابو قصيصة والمرحوم عثمان عبد القادر مختار ابو قصيصة ..
وابونا المرحوم الفكي البشاري ..
والمرحوم عاطف حاج حامد والمرحوم مدثر عمر البشير (عوض شبابهم الجنة) ...

ناصر البهدير كتب:: اللهم تغمدهم وارحمهم بواسع غفرانك ...
ابونا العارف بالله المرحوم عبد القادر مختار ابو قصيصة والمرحوم عثمان عبد القادر مختار ابو قصيصة ..
وابونا المرحوم الفكي البشاري ..
والمرحوم عاطف حاج حامد والمرحوم مدثر عمر البشير (عوض شبابهم الجنة) ...

أضف الى هؤلاء المجموعة المرحوم حسن عثمان حسن فور والد عمر والصادق ولؤى ووائل واخواتهم ...اللهم اغفر لحينا وميتنا وصغيرنا وكبيرنا وذكرنا وأنثانا وشاهدنا وغائبنا ..
اللهم من أحييته منا فأحييه على الإسلام ومن توفيته منا فتوفه على الإيمان .اللهم و اغفر لجميع موتى المسلمين الذين شهدوا لك بالوحدانية ولنبيك بالرسالة وماتوا
على ذالك اللهم اغفر لهم وارحمهم وعافهم واعف عنهم وأكرم نزلهم ووسع مدخلهم واغسلهم
بالماء والثلج والبرد،ونقهم من الذنوب والخطايا كما ينقى الثوب الأبيض من الدنس..
اللهمو وأنزل على قبورهم الضياء والنور والفسحة والسرور وجازهم بالحسنات إحسانا وبالسيئات
عفواً وغفراناً حتى يكونوا في بطون الإلحاد مطمئنين وعند قيام الأشهاد من الآمنين وبجودك ورضوانك
واثقين وإلى أعلى علو درجاتك سابقين برحمتك يا ارحم الراحمين..
اللهم انقلهم جميعاً من ضيق اللحود ومراتع الدود إلى جنات الخلود في سدر مخضود وطلع منضود وظل ممدود وماء مسكوب..
اللهم لاتفتنا بعدهم واغفر لنا ولهم ..

علوية..انتي بالعـلعـول

ما زلت اراوح مكاني (بالله رايكم شنو في اراوح مكاني دي؟ بتاعة مثقفين )....يعني امشي واجي وانا في محلي...زي الزول المسوين ليهو عمل يحوص في بكان وااااحد ما يزح منو يصل خشم الباب بس ويجي راجع....ما زلت اراوح مكاني وانا انضم عن الاسماء..وفي حلقة سابقة تخدثت عن اسماء البنات ومدلولاتها الما سمحة...للاسماء وظائف كتيرة غير تعريف الشخص بيها... ويكون معرف لدى الجهات الرسمية والشعبية..هناك اسماء كوراكية...يعني في الكواريك تكون ذات نبرة واضحة..يعني اسم زي اللمين لايصلح للكواريك كدي كل واحد يقعد يكورك للمين.. ح يلقى انو عصر على حرف الياء اكتر من باقي الحروف... اما لو داير تكورك لي بله مثلا تلقى بله اسم كوراكي من الدرجة الاولى كل الحروف تمرق مع بعض في مستوى واحد...كدي كل واحد فيكم يكورك لي بله... ويجرب. وعلى ذلك قس.. نجد ان الاب ذو النزعة الكوراكية يجنح الي الاسماء الكوراكية..ممكن يسمي الولد بله..وممكن يختار للبت اسم كوراكي زي اسم حنان..واسم حنان يصلح للكواريك وللنهيّر...ونجد ايضا للاسماء استعمال في الدعاء والمداعاة. فتُخذ بعض حروف الاسم وترفق بالدعى لمفردة لها اثرها ومكانتها المرموقة في الدعوة..نجد اسم زي عماد... لو زهجان منو وداير تداعيهو تقول ليهو (يا عماد..انت بالعمى اليلاسيك...) او زي عمار( ياعمار ..عمى كباسة) واسم زي ابراهيم برضو اسم يمكن استعداله للدعاء( ابراهيم... انت بالابرة التقد ود عينك) اما حمد وحماد وحمادة فالدعوة البتعتبر استاندر هي( حمادة ..انت بالحمو البيشقك..او اليفقعك).... الفقع معاهو صوت..اما الشق فهو في صمت... او ( حماد..انت بالحمى اليتبنوها بالعود)..ودي معناها حمى شديدة جدا لدرجة انو الزول ما بيقدر يخت ايدو فوق راس المحموم عشان كدا بيجيب عود وبلمس الزول المحموم من بعيد "دعوة زي دي الله يكفينا ويكفيكم شرها".....وسعد وسعيد فالدعوة المناسبة هي( سعيد ات بالسعال الديكي)..او( سعد ..اريتك بي سوعال نكير).اما كمال وكامل فالدعوة المناسبة هي( كمال.. يكملّن ايامك) يعني تموت بالواضح كدا......اما البنات ايضا نجد من اسماءهن ما يمكن سمكرته واعادة تصنيعو في دعوة معتبرة ترتجف لها فرائص المداعية... اسم زي سعاد( سعاد سعاد .. السعلوة التبلعك)..والسعلوة هي من فصيلة السحاحير... قيل انها تبلع جب احيانا واحيانا تاكل بعد ما تنجض الزول في الساج......او اسم زي نفيسة تكون الدعوة( نفيسة ... تنفسي اليهويهو)...تنفسي يعني تلدي... واليهويهو يعني الكلب.... يعني يا نفيسة انشاء الله تلدي وتجيبي كلب..لا حول الله مرا تقعد حامل تسعة شهور وتسعة يوم وفي النهاية تلقى نفسها خاته ليها جريو في سدرها وترضع فيهو........واسم زي عفاف تكون دعوته المناسبة(عفاف..العفنة التجرك)..... يعني تعفني لحدي ما العفنة براها تجرك..وتوديكي البحر....واسم علوية( علوية انتي بالعلعول) والعلعول هو عرف الديك التحتاني.. يعني يقوم ليها علعول في حلقها... وربما تعوعي(علوية انتي بالعوعاي)...

(الاستاذ عادل الصادق المكي)

كمان يا حاتم فى نوع تانى ممكن ندرجو تحت بند الحريم الخصامات او العراضات
يعنى مثلا مشيت صادفت وجبة عن ناس واكلت معاهم وشبعت اكيد وقمت تعال اسمع ده
النبى فيك ان ما اكلتى
يقطع حشاك
ويكتر جفاك مع امك الوالداك
يختك حتتين بين الترعتين

اتخيل انه دى مرة دايرة تعزم ضيفتها عشان تاكل ؟؟؟؟؟؟!!!!!!!!!!!!!!

هل من مزيد ؟؟
هل من مزيد ؟؟

وهو كدى بمناسبه انه خالد مرق البوست ده عندى سؤال سيدو وين ؟؟؟؟الهو مختفى من سنين ما طل ولا تاوق ؟؟؟

تجيك ام كلعلع

لكن ترجعك لينا ياحاتم ود الحاج حامد
غيابك طال!
عساك ما صادك شر يا ود بربر!

» كل شي يهون عند الحريم إلا دي