مبــــــــــــــــــروك الملايـــات الجُداد ..

خالد حسن بخيت كتب:

يا ناس المصنع .. عاد لكين ملايتكن تعجب والله .. ملايات جدااااااااااااااااد مكويات ومطبقات من يوم ما اشتريتوهن ما فرشتوهن .. لكين والله حاجة حلوة خلاس .. بس اللون بتاعن دا نفرو شنو ؟؟ لا عرفتو اخدر ولا لبني .. تحت تحت قالوا خاتف لونين .. غايتو ضارباهو جنس سماحتن ..
لكن اصلو ناس المصنع ديل كدي .. !! بحبو يسموا الوان من راسن .. حتي انا في بياناتي كاتبين لي عضو برونزي ... هو دحين البرونز دا مو لون ؟؟ يعني اتخيلوا معاي زول لونو برونزي .. دا كان مشي في الشارع ساي .. كل الناس تعاين ليهو وتبلحق فيهو .. وتشبكو ليك يا برونزي يا برونزي .. لكن برضو اخير من ناس تانين .. ناس الوانن فضية وناس دهبية .. غايتو بس نصبر ساي نسو كيفين ...
ما يهمني هو ان اشكر القائمين علي الامر .. وبقول ليهم مبروك الملايات الجداد ( الاستايل ) ودمتم للجميع

انت بتجيب الكلام دة من وين ياسمح ؟؟ والله كل ما اتزكرك باخر شكل شفتك فيه ايام الثانوي ( لما كنت خريج وانحنا كنا برالمة ) واتخيلك بتقول في جنس الكلامات الزي دي بمسك بطني من الضحك يا نكتة انت يانكتة ,, ليك وحشة والله .

اقول ليكم كتر خيركم  على ما تبذلونه من اجل بيتنا الثاني (( منتدانا الغالي)) مصنع سكر حلفا فلكم ولجهودكم الرائعة  وما بذلتموه  التقدير

ملاياااااااااااااات السروووريايمة
بس ما عسل واللة ولا نجيب لون طوبى يا خالد

شكرا على الهدية الرمضانية الجميلة وع الذووووووق الجميل