ﻗﺼﻴﺪﺓ ﺟﺪﻳﺪﺓ ﻟﻤﺤﻤﺪ ﺍﻟﺤﺴﻦ ﺍﺑﻨﻌﻮﻑ
ﺭﺷﺤﻨﺎﻛﻦ ﺗﺒﻘﻮ ﺳﻨﺪﻧﺎ
ﻭﺗﺪﻭ ﺍﻟﺪﻭﻟﻪ
ﺇﻥ ﺟﻨﺤﺖ ﺭﺍﺳﻪ ...
ﻭﺗﺤﺎﺳﺒﻮﻫﺎ
ﺍﻥ ﺳﻮﺕ ﺷﻴﻨﻪ
ﺟﻨﻴﺎﺕ ﺿﻜﺮﻩ ﻭﻋﺰ ﻭﻓﺮﺍﺳﻪ ...
ﻭﺩﺍﻡ ﺣﻠﻠﺘﻮ ﺍﻟﺮﺑﺎ ﻳﺎ ﺳﺎﺩﻩ
ﻭﺷﺒﻌﺘﻮﻧﺎ ﺣﺮﺍﻡ
ﻭﻧﺠﺎﺳﻪ ...
ﺧﻮﻓﻰ ﺗﺤﻠﻠﻮ
( ﺷﻴﺘﺎ ﺗﺎﻧﻰ )
ﻭﻧﺒﻘﻰ ﻭﺭﺍﻛﻦ ﻧﺤﻨﺎ ﺧﻴﺎﺳﻪ ...
ﻣﻦ ﺍﻟﺮﻳﺲ
ﻭﻗﺒﻞ ﻧﺎﺯﻝ
ﺟﺖ ﺗﺠﺎﺭ ﻓﻰ ﺳﻮﻕ ﺍﻟﺴﺎﺳﻪ ...
ﺍﻟﺒﻨﻮﺕ ﺑﻌﺘﻮﻫﻦ ﺿﺤﻮﻯ
ﺻﺪﺭﺗﻮﻫﻦ
ﻳﺎ ﺩﻳﺎﺳﻪ ...
ﻏﺸﻴﺘﻮﻧﺎ ﺍﻟﺪﻳﻦ ﻭﺍﻟﺪﻭﻟﻪ
ﻭﺳﻮﻳﺘﻮﻟﻨﺎ ﺍﻟﺪﺍﺭﻩ ﻧﺨﺎﺳﻪ ...
ﺗﺸﺤﺪﻭﺑﻴﻨﺎ
ﺻﺒﺎﺡ ﻭﻋﺸﻴﻪ
ﻭﻛﻞ ﻣﺎ ﻳﻮﻡ ﺟﺎﻳﺎﻧﺎ ﺍﻏﺎﺛﻪ ...
ﻭﺍﺭﻳﺘﻬﺎ ﺍﻏﺎﺛﺘﻦ
ﻛﺎﻥ ﺑﻨﺸﻮﻓﻪ
ﺍﻭﻝ ﺣﺎﺟﻪ ﻧﺼﻴﺐ ﺍﻟﻮﺍﻟﻰ
ﻭﺍﻻﺻﺤﺎﺏ
ﻭﺑﻘﻴﺔ ﺍﻟﺸﻠﻪ
ﻭﺍﻟﺒﺎﻗﻴﻦ ﻟﻠﺪﻭﻟﻪ ﻏﺘﺎﺳﻪ ....
ﺍﻟﻐﺮﻗﺎﻥ
ﺟﺎﺑﻮﻟﻮ ﻣﺼﺎﺣﻒ
ﻭﺍﻟﺴﺮﺍﻕ
ﺍﻥ ﻭﺍﺣﺪ ﻓﻴﻬﻦ
ﺑﻴﻌﻮﺟﻮﻟﻮ ﺭﻗﺒﺔ ﺍﻟﺤﻖ
ﻭﻳﺘﻤﻮﻟﻮ ﺍﻟﺒﺎﻗﻰ ﺣﻨﺎﺳﻪ ...
ﻭﺍﻟﺘﻤﻜﻴﻦ
ﺑﻰ ﻓﻘﻪ ﺍﻟﺴﺘﺮﻩ
ﺍﻗﺪﻟﻮ ﺳﺎﻛﺖ
ﻳﺎﻫﺎ ﺑﻠﺪﻛﻦ
ﻭﺍﻟﻠﻪ ﻣﻌﺎﻛﻦ ﻭﻳﺎﻛﻦ ﻧﺎﺳﺎ ...
ﻭﻧﺤﻨﺎ ﺗﺮﺍﻧﺎ ﻧﺸﻮﻑ ﻭﺑﻨﺴﻜﺖ
ﺳﺠﻤﺎﻧﻴﻦ ﻭﺑﻮﺍﻗﻰ ﺗﻌﺎﺳﻪ ...
ﻻ ﺑﻨﺤﺘﺞ ﻭﻻ ﺑﻨﻈﺎﻫﺮ
ﻋﻮﺝ ﺍﻟﺪﻳﻦ ﺍﻟﺴﻴﺘﻮ ﻣﻈﺎﻫﺮ
ﻭﺍﻻﻓﺴﺎﺩ ﺍﻟﻔﻴﻜﻦ ﻇﺎﻫﺮ
ﻭﻧﺤﻨﺎ ﺗﺮﺍﻧﺎ ﻧﺸﻮﻑ ﻭﺑﻨﺴﻜﺖ
ﻧﺤﻨﺎ ﻭﺣﺎﺕ ﺍﺳﻢ ﺍﻟﻠﻪ ﺧﻴﺎﺳﻪ .
محمد الحسن ابنعوف