طقوس حواء السودانية

طقوس حواء السودانية  من اجمل واحسن الطقوس السهله المريحة جدا ذات الارياح الطيبه من خمرة ودلكه وبخور بكل الانواع
والمسميات تسلمى يا ام تساب

اهلا ومرحبا بأختنا وحبيبتنا ام تساب ميزاب عساك طيبة انتى والاولاد ما منعنا من المشاركة الا ظروف السفر اخدنا لينا خفسة صغيرة كدا الى اهل شيخ زايد عيدنا معاهم رغم انه لم اجد اى ملامح للعيد هناك سوى عند السودانييين فقط ما علينا ( ذهبت مع اختى الى منزل احد المواطنات للمعايدة وكان معنا لبنانية ومصريتان وانا واختى سألتنى اجمل الامارات ولا السودان قلت ليها  الامارات جميلة لكن اى زول بيشوف وطنه الاجمل طبعا الاجابة دى ريحة باقى الجماعة واكدوا عليها  طبعا سودانا جميل بناسه ولا انا غلطانة ؟ نرجع لموضوعنا الشيق طقوس حواء طبعا هى كتييييرة لا تعد ولا تحصى انت ذكرت اهمها وما قصرتى بس فى نقطة صغيرة احب اوضحها فى موضوع الدلكة وهى تستعمل لاازالتها خمرة الزيت اما الكركار فهو للشعر فقط واذيدكم قليلا من طقوس حواء السودانية 1) الحنة ودى برنامج عايز بوست لوحدة وبالمناسبة دى انا حننو لى فى الامارات ايدينى فقط بخمسين درهم يعنى ما يعادل مائة جنية سودانى والله الخمسين درهم واجعانى لى هس 2) الشلوخ والحمد لله ما حضرنا الزمن داك 3) الختان الفرعونى وهذا من اسوا ما اخترعته حواء وهذة العادة حسب ما قرأت اتت الينا من مصر وتركيا فهم تركوها ونحن نعض عليها بالنواجذ 5)الوشم ويسمى النقرابى وهو نحت بعض الحروف الانجليزية على الخد واحيانا على اليد (A H S ) لا ادرى ما سر هذه الحروف ولكنها ظلت باقية ومن الماكولات عندنا الكسرة والعصيدة والابرى وكذلك عندنا من المشروبات المميزة اتحرج عن ذكرها ارجع لمداخلة ود ابوى عائد ودالسيد واقول ليه اجابة البنات صحيحة مائ بالمائة وهذه هى حواء  وان شاء الله فى رد اخر نتطرق للمزيد من طقوسنا السمحة وجاهزين للرد عن اى استفسار للصغار والكبار

موضوع تتم مشاهدته قرابة الالفين وعدد المشاركات لا يتجاوز اصابع اليد الواحدة ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!
اين انتم ياحواءات وهل نضب معين طقوس حواء السودانيه ؟؟؟؟؟؟؟؟؟؟؟؟
برأى انها مازالت تحمل الكثير من الابداع ولكن بخل حواءات منتدانا هو السبب ,,,,,,,,,,,,,,لكن لي كده ؟؟؟؟؟؟؟                     

عيود مساكى وردي 
فعلا كرتونة الابرى من المعالم السودانية والتى لا تقل في قيمتها وعظمتها عن التوب السودانى 
احمد الله اننى في هذا العام حظيت بالكرتونة بذات مواصفاتها القديمه بس بدل ما كانت مربطه بي البلاستيك حل محله التغليف ولكن الفكره ياها زاتا 
السودانيون اينما كانوا يتميزون بتراثهم الذي بدا فى التلاشي الا ان البعض ما زال متمسك به 
عادات تذهب وطقوس تتجدد ويبقي السودان بتفاصيله السمحه 
 اها اتحفينا بالمزيد عن حواء السودانيه فهى بلا شك لا ينضب معينها الزاخر 
كل سنه وانتى وكل الحواءات بالف خير