..
ﺣﻮﺵ ﺍﻟﺮﺑﻴﻊ
___
ﺣﻤﻴﺪ
.
.
.
ﻳﺎ ﻣﺒﻴﺘﺎﻧﻰ ﺍﻟﻠﻴﻞ ﻗﻮﻱ...
ﺭﺟﻴﺎﻧﻲ ﺃﺟﻴﺐ ﻟﻴﻚ ﺍﻟﺸﻤﺶ...؟؟
ﻃﺎﻟﻘﻨﻰ ﻓﻴﻚ ﻋﻜﺲ ﺍﻟﻬﻮﻱ...
ﻭﺳﺎﺑﻘﺎﻧﻰ ﺑﻰ ﻓﺴﺮﺍﻉ ﻭﺃﻣﺶ...
ﻧﻘﺮﺷﺘﻰ ﻗﻠﺒﻰ ﻋﺸﺎﻥ ﻳﻜﻮﻥ...
ﻳﻮﻡ ﻣﻬﺮﺟﺎﻥ ﺳﻌﻔﻚ ﺑﺮﺵ...
ﻭﺃﻧﺎ ﻣﺎ ﻧﻘﺪ ﺣﺐ ﺍﻟﻌﻴﻮﻥ...
ﻻ ﻣﻦ ﻳﺤﺎﺣﻴﻨﻰ ﺍﻟﺮﻣِﺶ...
ﺳﺎﻋﺎﻟﻰ ﻧﺎﻣﻮﺱ ﺍﻟﺸﺠﻮﻥ...
ﻭﺣﺎﻣﺎﻧﻰ ﺑﻰ ﻏﻨﻮﺍﺗﻰ ﺃﻫﺶ...
ﻣﺎﺑﻴﻦ ﻣﺮﺍﻳﺎﺕ ﺍﻟﻈﻨﻮﻥ...
ﻓﻴﻚ ﻛﻞ ﻣﺮﺓ ﺑﻼﻗﻰ ﻭﺵ...
ﺑﻘﺒﻘﺘﻰ ﺑﻰ ﺭﻳﺢ ﺍﻟﺴﺮﺍﺏ...
ﻓﺎﻧﻮﺱ ﺭﺅﺍﻯ ﻭﺍﻟﺸﻮﻕ ﻋِﻄﺶ...
ﻭﺻﻘﻌﺎﻟﻰ ﻳﻰ ﺩﺍﻙ ﺍﻟﺴﺤﺎﺏ ﺑﺎﺭ ﺍﻟﺒﺮﻭﻕ...
ﺃﻭﻋﻚ ﺗﻄﺶ...
ﻻ ﻫﺴﺎ ﻳﺎ ﺑﻨﻴﺔ ﺍﻟﻐﻤﺎﻡ...
ﺍﻟﺮﺵ ﻭﺍﺩﻳﻚ ﻣﻨﺪﻫﺶ...
ﻟﻴﺶ ﻻ ﻗﺒﺾ ﺷﺘﻞ ﺍﻟﻐﺮﺍﻡ!؟؟
ﻻ ﻃﻴﺮﻭﺍ ﻓﻴﻚ ﺳﻮﺍﻟﻮ ﻋِﺶ!!؟؟
ﻧﻮﺑﺔ ﺍﻟﻤﺠﺎﺫﻳﺐ ﺇﺗﺮﺧﺖ...
ﻭﺩﺭﻭﻳﺸﻲ ﻳﻨﻘﺰ ﻣﻨﺪﺭﺵ...
ﻭأﻧﺎ ﺭﻭﺣﻰ ﺗُﻘﺎﺑﺔ ﺑﺨﺖ ﻟﻴﻬﺎ ﺍﻟﻠﻪ
ﻟﻰ ﺭﺏ ﺍﻟﻌﺮﺵ...
ﻓﻰ ﺍﻟﻈُﻠﻤﺔ ﻟﺴﻪ ﺑﻨﺎﺕ ﻧﻌﺶ...
ﻳﺎﺑﻨﻴﺔ ﺑﺎﺭﻯ ﺍﻟﻌﻨﻘﺮﻳﺐ...
ﺿﺎﺭﺏ ﺍﻟﻌﺮﻳﺠﻲ ﺣﺠﺮ ﺩﻏﺶ...
ﻓﻰ ﺳﻜﺔ ﺍﻟﺸﻮﻕ ﺍﻟﺨﺒﻴﺐ ﺇﻧﺪﻫﺪﻫﺖ...
ﺭﺍﺟﻰ ﺍﻟﻬﻮﺍﺀ ﻭﻋﻮﺩ ﺍﻟﺘﺒﺎﺷﻴﺮ ﻳﻤﻸ ﻃﻴﺐ...
ﻳﻨﻔﺦ ﻣﺰﺍﻣﻴﺮ ﺍﻟﻬﻮﻯ...
ﻭﻋﻠﻰ ﻧﻘﺮﺓ ﺍﻟﻌﺸﻖ ﺍﻟﺮﻫﻴﺐ...
ﺗﺼﺪﺡ ﻣﻌﺎﻧﻴﻨﺎ ﺍﻟﺴﻮﻱ...
ﻭﺗﺴﻜﺖ ﺯﻧﺎﺯﻳﻦ ﺍﻟﻮﺟﻴﺐ...
ﻭﺃﻧﺎ ﺑﻴﻜﻰ ﺑﺒﻘﻰ ﺍﻟﻜﻮﻥ ﻧﺪﻯ...
ﻛﻞ ﺍﻟﻤﻮﺍﺳﻢ ﻫﻤﺒﺮﻳﺐ...
ﻻ ﺭﻳﺪﺓ ﺗﺘﺤﺘﺮﺏ ﺻﺪﺍ...
ﻻ ﻇﻦ ﺣﺒﻴﺐ ﻓﻰ ﺣﺒﻴﺐ ﻳﺨﻴﺐ...
ﺍﻟﻌﻤﺮ ﺑﺎﻟﺒﺴﻤﺔ ﺇﺑﺘﺪﺃ...
ﻭﺍﻟﺼﺮﺧﺔ ﻣﺎ ﺻﺮﺧﺔ ﻧﺤﻴﺐ...
ﺻﺮﺧﺔ ﺍﺭﻳﺤﻴﺔ ﻭﺭﺿﺎ....
ﻭﺃﻧﺎ ﺭﺍﺿﻰ ﺑﻲ ﺫﻛﺮﺍﻙ ﻧﺼﻴﺐ...
ﻳﺎ ﺑﻨﻴﺔ ﻣﺎ ﺃﻛﺘﺮ ﻣﻦ ﺑﺸﺮ...
ﻓﻰ ﺧﻴﺮ ﻭﺷﺮ ﻳﺨﺘﻰ ﻭﻳﺼﻴﺐ...
ﻳﺴﻌﺪﻧﻰ ﺃﻛﻮﻧﻚ ﻣﻦ ﻣﻄﺮ...
ﻣﺎ ﺷﺮﻁ ﻃﻴﻨﻚ ﻳﺴﺘﺠﻴﺐ...
ﺍﻟﻤﻬﺪﻯ ﻭﻳﻦ ﺍﻟﻤﻨﺘﻈﺮ؟
ﻋﺰ ﺍﻟﻜﺪﺭ ﻏﻴﺮ ﻓﻰ ﺍﻟﺤﺒﻴﺐ...
ﺩﻱ ﺍﻟﻜﺘﻤﺔ ﻟﻮﻛﺸﺮ ﺍﻟﻤﻄﺮ...
ﺣﻮﺵ ﺍﻟﺮﺑﻴﻊ ﺍﻟﻬﻤﺒﺮﻳﺐ...!!
