جنابو الرضي ... حبابك حبابك

صبرك لحظة واحدة
يا ضابط السجن
ازود بنظرة وارجع انحرم

طيب نقول ليك بالواضح: صبرك لحظة واحدة يجيك صلاح حسن وعبد الرحمن موسى وكمال دفع الله وهشام سيد احمد ومصطفي الحلبي وكل الناس الشاهدة على ايامك السمحة .. والله ما ميزتك دبورة ولا كاكي ولا بوت .. بينا مشيت وقعدت في واطة الله وحد ما تمشي نحن وانت سوا .. دا المصنع يالرضي عمي واخوي وضرا المصنع وقت كنت هناك ولسه كمان ورجلك لسه ما انقطعت ولا ح تنقطع من بيوتنا ولا من شوارعنا ولا كبارينا ولا جداولنا ولا ترعتنا العفنة .. يا الله عليك جيتنا هنا وتتفقدنا وما قفت كتير في منو والمافي منو وجيت داخل طوالي زى بيتك وبيت اي انسان لطيف وظريف بالمصنع .. نحمد الله انك في وما فتنا الا بعافية وخير ... دخلت زى النسمة والبشارة بيوت كل المصنع بدون طرف وبقيت في خشيم كل زول يندهلك بالصحة والعمر المديد وراحة البال ... الرضي وقت يجيبو سيرتك تجي سيرة المصنع حاضرة زى نشيد لي قطة صغيرة سميتها سميرة وقت تغنيها ليك فطومة بت عفاف ... والزمن داك عبد الرحمن يحاول يكون نفسو بى تربيزة يجي عوض عمر يكسره ليهو .. تضج الدنيا وتقوم ويقول والله العرس دا خليتو طالما قدر ما احاول اكون نفسي تجو انتو تخربو اي حاجة .. يقوم الحسين ود نوري يضحك شديد رغم انو ما بالساهل يضحك .. دنيا يا الله وقت تلقي الحسين ماسك جبادتو في الترعة ويقبض في السمك وماسك ليهو كمية شعيرية من الصارقيل التقول عندو مزرعة ..عصام ود الصول يقول لى نباري درب الحسين عشان نعرف محل الصارقيل وين؟ وكمان نقعد جنبو لانو بعرف محل السمك وين كتير .. وبعد دا نقبض لينا تامبيرة ولا قرموض ... شفت كيف البلد سمحة ورائقة كانت وان شاء الله تكون رائقة كمان اسه لى ناس فطومة وموسى والطاهر ومعزة وكل الزينين القاعدين هناك ...
ومع دا ما عرفناك سجان يا كلك ذوق وادب وعشرة ومودة .. دخلت ومرقت ولسه قاعد ولسه حكاويك تملأ البلد ام خير .. كتر خيرك كتير وعارفنك ما بتقصر والمصنع بلدك زى ما بلد كل الناس .. انت وعلى كيك وهاشم قوني وعلى المصري وفاروق جبران وهاشم سكسكانية وعم الجابري وبازوكة واوكير وود فكي وعوض شئ وعم كاروري ومحمد عثمان المغواري وعمي عبادي وعثمان مدني وشاويش والصادق الزين ويوسف كتايب وووووو.......
شفناك مالي البلد محبة زى عمي المرحوم طه الصول ... مع انك ما سجنت زول من البلد .. لانك سجنت الناس بى اخلاقك وخلقك ومروتك يا زول يا جميل .. ابقى داخل طعم منتدياتنا بنقرشة طنبورك الحنين ..

انتبــــــــــــاه :
اخوتي لماذا شعب المصنع حباه الله بهذه المحبة التي تجمع ما بين الخفير والمدير وما بين الصغير والكبير ؟ الى حين الوصول للإجابة وما بعدها فالنشكر الله على هذه النعمة
صفــــــــــــــــــــــــا واسترح :
دعونا نرحب بقدوم الرجل الشهم والقائد الفذ الاخ الرضي فيا مرحباً بك وانت بيننا فذكراك وجميل صنيعك محفور في دواخل كل من يعرفك فالسعادة التى نشعر بها لم تأت من فراغ فمسيرتك السمحة معروفة للقاصي قبل الداني فكنت فينا الكبير بتواضعك والقائد بمسيرتك العطرة وانت تسهر الليالي لينام الكل في امان . فترحيبنا الزهيد لا يليق بمقامك ولكن تقبله منا كما جاء .
فأهلا وسهلا وتـُشرفنا طلتك البهية

بسم الله الرحمن الرحيم
الاعزا الاخوان الابنا الاحباب اعضا منتديات المصنع الابنا ناصر ورفاقه الكرام
لكم التحيه والتجله والتقدير
انا والله العظيم اقولها بكل صدق وامانه انني لم اشعر بمثل السعاده التي شعرت بها اليوم وانا انضم لمنتديات المصنع واجد فيها اصدقا اعتز بصداقتهم واجد ابناءهم وابنائي في هذا المنتدي والذي سوف يمكنني من التواصل معهم من جديد بالرغم من ان علاقتي باهل المصنع لم ولن تنقطع باذن الواحد الاحد وستظل هي العلاقه الاجتماعيه التي اعتز بها دوما وافاخر بها في كل المواقع لانني حين اتيت للمصنع لاول مره لم يشعرني اهلي في المصنع انني غريب عنهم بل شعرت اني وسط اهلي وهذا شعور يلازمني ماحييت
وبالامس حينما وجدت الاخ عبدالرحمن موسي ودعاني للانضمام لمنتديات المصنع قبل ان يكمل حديثه كنت اكمل تسجيلي بالمنتدي واسال الله ان يدوم الوصل بيننا وابنائي الذين ولدوا في المصنع هم محمد ويدرس هندسه اتصلات بجامعه التقانه وريان تدرس ادارة منظمات بجامعة الرباط الوطني وريم سوف تجلس لامتحان الشهاده السودانيه هذا العام وسوف ادعوهم للانضمام لاهلهم واخوانهم في منتديات المصنع
وختاما شكري لابنائي ناصر وعلاء الدين وبقية العقد الفريد واتمني لهم التوفيق والسداد

موضوع: رد جنابو الرضى الأحد 09 أكتوبر 2011, 9:50 pm

الحبيب ناصر

حقا تجلت حروفك اناقة وتدفقت موسيقى عزبة احتفاءا بالحبيب الرضى وما تركت لى فضاءا أعبر من خلاله بفرحى بقدوم هذا الانسان

أوفيت الترحاب . الحبيب الرضى على عمر من الأسماء التى خلدت زكراها فى مصنع السكر بجليل الأعمال وحب الناس فى الله لارياءا

ولانفاقا , هنالك بعض الناس تسرقهم الوظيفة وتحبسهم داخل قالب ليس لهم .هذا الحبيب واحد منهم فهو فنان بطبعه وطبيعته

خرج من بيئة غارقة فى الجمال وعبق التاريخ فى شمال السودان وفى قرية جزورها ضاربة فى أعماق التاريخ اسمها الكرو

لم تتاح لى رؤيتها لكننى عشتها من خلال هذا الحبيب ومزاياه الفريدة وروحه المهومة فى عوالم الجمال وتفرده فى كل شيئ

فهو بحق اضافة حقيقية لمنتدانا من حقنا أن نفرح باطلالته علينا فهو من الدرر النفيسة والأشخاص الأستثنائين الذين من الصعب أن يتكرروا

فألف مرحب بقدومه الميمون وطمبوره الحنون وصوته الشجى

ومكنوناته الدفينة

ولعل حضوره الباهى يكون مقدمة لحضور آخرين من عقد الزمن الجميل فى مصنع سكر حلفا

عوض الصول-زاهر صديق-طارق/فاطمة/رضا سيد عبده بدر-محمد عطا- سيف طه- ياسر محمد الحسن وكل الأحباب الذين لم يسقطوا من الذاكرة

ولكن ضيق المجال

ودمتم....

الأحباب المشرف العام/المشرف الفنى

بدأ الأبداع يتدفق عبر ثنايا صفحات المنتدي وأكاد أتنسم شذى الورود

وكما قالوا الجديد حديد

وفقكم الله ومزيدا من الأبداع والتفرد

أرى أننا مقبلون على أيام زاهيات

لكم كل التقدير

جاء الفرح يمشي بين ظهرانيكم ممثلا في جنابو الرضي
وكم غمرتنا الدهشة ولم يسعنا المكان من الفرحة بهذا القدوم
الميمون ,,, ويكفيك فخرا ماسطره قلم الاخ ناصر بكل اطنابه
وسرده للذكريات وعبقها ثم تلاه ترحيب السادة علاء وعبدالرحمن
وهذا معناه تمكنك وتربعك على أفئدة ووجدان الشعب المصنعي
مررررررحبا ولك خالص الود,,,,,,,,,

» سيف الدين دكين .. حبابك حبابك
» عامر الجابري .. حبابك حبابك
» م ابوبكر .. حبابك حبابك
» حمزة سعيد عبد الواحد .. حبابك حبابك
» عبير فرغلي .. حبابك حبابك