انور ابراهيم ... هلا بيك

كل الأنورين نور للمنتدى
مرحب بأنور أبراهيم ألف مرحب
المنتدى نور بك... فمرحبا بك وسط
أحبابك أهل المصنع
ولك كل الود

الاخوان ناصر وعايد وخالد وعبد الرحمن

لكم منى خالص الشكر والامتنان لقبولكم انضمامى اليكم وحسن استقبالكم لى

وارجو ان اكون حسن ظنكم وظن الجميع

متمنيا لكم النجاح والتوفيق فى معاكم

وانا انور ابراهيم حاج على

ناصر البهدير كتب:

غايتو ذكرتني عندي عمي مرة حايم جهة الرياض بالخرطوم وسمع ليهو فنان بغني .. قام سال قال دا منو البغني ..فرد ليه واحد قال ليهو مين كدي البقلد محمود عبد العزيز .. عمي ضحك وقال للزول هو منو محمود عبد العزيز ذاتو لما يقلدو واحد تاني... فدحين عمي ما بعرف محمود عبد العزيز وانا كمان طشيت بدري من البلد شوية وبقينا الجيل الورانا دا ما بنعرفو وصعب معرفتو .. فالمهم يوسف دا ما اظن اعرفو لكن قربت المسافة شوية بذكر الاسم كاملا وجبت سكنك بالبركس وافتكر دا كافي جدا ... وبعدين دفعتك يوسف اوشي جيبو لينا في المنتدى عشان نعرفو اكبر منك ولا اصغر منك .. ما تخاف ما ح نطلع ليك شهادة تسنين ...
وشكرا اخي انور على هذا الحضور البهي بين اخوانك واخواتك ابناء المصنع ... طالب ولا شغال يا انور؟ ما تزهج من اسئلتنا الكتيرة ..بس من حقنا نعرفك طالما من ابناء بلدنا المصنع ..

هههههههههه فى محمود

وبعدين انا طلعت بدرى من حلفا

واسكن ام د رمان حاليا وبعدين سايق اماجد

ماتخاف اسال وتلفت

بالى واسع زى مشروع حلفا