دعوات المحبين للكتابة

عندما يطفح الكيل بالشوق .. ولم يجد الحبيب ما يخفف عنه المه ,, يلجأ الي دعوة حبيبته

لتكتب اليه خطاباً .. لتخبره عن حالها .. وليقرأ هو حروفها .. ثم يكتب لها عن حاله

وتظل الزواجل ترحل بطاناً .. وتعود بطاناً .. حاملة اشواق الاحبة .. وهو نوع من التواصل

الروحي يترجم عبر الاوراق ..

كونوا معنا ..

دعوة .. اولي ..

أكتب لي

اكتب لي يا غالي الحروف

واحكي لي ياما الدنيا نورها وفرحتها

صارت بلاك غيمة شتاء

تمسك طيوف وتغيب طيوف والشوق جدار بيناتنا يحجب بهجتها

يا سكة الزول البعيد يا حليله لما اتوارى غاب

من ليله يمشي وفي العيون دمعات الم ودمعات عذاب

اتمنى وعده يكون حقيقة وعهده ما يبعد سراب

اتمنى في لهفة محب .....شال الصبر

لما الصبر في قلبه داب

يرحل قطار ....ويعود قطار

ويصبح الليل الغريب طلعة نهار

ويجيني منك انا بس خطاب

اكتب لي يا غالي الحروف

اكتبي لي خلي النار تموت والهم يفوت

انا غير حروفك بفقد الدنيا واضيع

ما اجملها واروعها وانضرها من مناشدة .. يقول في ختماها ان الضياع حليفه .. ولولا حروف الاحبة .. لاصبح الكثير في عداد الموتي ..

دعوة ثانية

أكتبي لي

أكتبي لي وطمنيني عليكي
قولي يا بنية
أكتب لي وطمنيني عليكي
أحكي يا بنية

لاخبر لا جواب
أيه حاصل ليه مالك
عاملة كيف والناس
في الغربة كيف حالك

قلبي زاد خوفه
بالهيام زايدي
حاني لوصالك
أكتبي لي ....

وشعور الناس
في الغربة كيف عاملة
كيف بمر اليوم والعيون آملة
زادن العوده ووحشة ألاوطان
عودي يا حالمة
أكتبي لي ....

كل زول بشتاق لبلده وأحبابه
عندو فيها حبيب راجي واصحابه
كل زول بشتاق لبلده وأحبابه
عندو فيها حبيب راجي أحبابه
كل ليل حاضن الوسادة الطيف
ينوم و يصحابو

أكتبي لي .....

جمال في التعبير ووله عن الاحوال .. ومزيد من الصبر .. ويا حبايب اكتبوا عليكم الله ما تقصروا ..

نقطة : 39726 تاريخ التسجيل : 01/01/1970

هذا عجين وانت تخبزه ونحن ناكله

نحن قد بدلنا اليراع بالسلاح

هيهات لنا من ان نمسك به تارة اخري

الشافتو عيونا ما يشوفهو ناس نينة

وليد سيد احمد كتب:: هذا عجين وانت تخبزه ونحن ناكله
نحن قد بدلنا اليراع بالسلاح
هيهات لنا من ان نمسك به تارة اخري
الشافتو عيونا ما يشوفهو ناس نينة

اخي وليد سيد احمد .

لا تحسبن حروفي لها ذات النكهة وذات الطعم

عندما كنا نجول انا وانت بين سراديب المصنع

وبين جنحات الليل والنهار ونختار من بنت عدنان

اجمل كلماتها وجملها ..

هي محكات الغربة التي تعتصرنا عصراً وتنجب منا ما قد نكتبه

عساها تخفيف عن النفس ورواح لها ..

وان لم تكن هناك يد تحمل السلاح لما كانت هناك يد تكتب ..

شكراً عميقاً اخي وليد علي المرور الرااااااائع

اضحكتني نينة وما ادراك ما نينه ..

دعوة ثالثة
حبيبي اكتب لي
حبيبى اكتب لى وانا اكتب ليك
بالحاصل بى والحاصل بيك
الحاصل بى انا شوق وحنين
واقيم الليل آهات وانين
فارقنى حبيب آلفنى سنين
ماليك امان يا دا الزمان
ياليالى زمان.. يا ليالى زمان
يا ليالى زمان الله عليك
*******
اذكر جلوسنا على الربى
نستعرض اسراب الظبى
نسمع لهمسات الصَبا
ونحنا فى فجر الِصبا
ابسم اليك تبسم معاى
تسمع غناى ..
على صوت الناى
انا يا مناى
انا طول حياتى بغنى ليك .

هذا آخر ايها الاحبة .. لم تعجبه تلك الرسالة القادمة من حبيبه ... لغرابة فيها .. وهو العتاب .. الذي يعكر دائماً صفو العلاقة بين الحبيب وحبيبته ..

لنري ردة فعل الحبيب عندما قرأ الرسالة : ماذا قال :

من طرف الحبيب جات أغرب رسائل

يحكي عتابه فيها وقال ناسينه قايل

ياما قال حكاوي ما خطرت ببالي

قال في كلمة إني جفيت وسالي

لو في كل لحظة لو تعلم بحالي

ما ناسيك والله ذكراك شاغلة بالي

لو انساك إنت اكون غدار وخنته

أسال عني غيري واحكم في مصيري

ياما تشوف دلايل

ياما قال كلام ما لي دخل بيه

إني بروح لغيره بهوا وبصتفيه

إن شاء الله حياتي تفنى لو فكرت فيه

لا لا والف لا لا ده حبك عشت بيه

بدل أشواق ومحنة ترسل لي مظنة

كلام يجرح شعوري وما يريح ضميري

من زول عنو سائل

من طرف الحبيب جات أغرب رسائل

يحكي عتابه فيها وقال ناسينه قايل

لقد تالم جد تالم وهو يندد ويستنكر ما قاله حبيبه ضده .. ولكنه ايضاً يري ان حبيبه مازال يحبه بحيث امره ان يسكشف الامر من غيره ( اسال عني غيري واحكم في مصيري ) وهو يترك له كامل التصرف بالاستمرار او القطيعة . ثم يرد هو علي قوله ويقول ( ياما تشوف دلائل ) علي بقاءه في حبه وعدم تغيره او نسيان حبيبه ...

وعودة اكيدة قادمة ..

عاد يعمل شنو مع توزيع سوء الظن المجاني دا ..

يا سلام على صاحب الرسالة المرهف ..

أكتب لي يا غالي الحروف ...
قمة الرقة والعذوبة ..
والله اختيار موفق ومزيداً من الإبداع يا أبو الخلد

شكراً احبتي ضياء والبهدير ..

ومزيد من مناكفات الاحباب تجعلنا نجالس بعضنا في تواد ..

قال أحدهم : -
شِــلْــتَ الـكـلام الـقـلـتـو فــيــك
ووقـفــتَ قِـــدَّام الـجـمــيــع
تـانـي الـكـلام أهـديـتـو لـيـك
جــاهــرتَ بـالـحــب الـبـديــع
****
يـا قـِـمَّــة الـريـد الـمـثــالـي
ومــدخــل الــــذوق الـرفـيــع
خـلِّـيـنـي جـنـبَـك يـا عـظـيـم
أكـسـب رضــاك لـو اسـتـطـيـع
يـا حُـبـي لـو جــار الـزمـــن
تـلـقـانـي بـخـلـِـص لـيـك واطـيـع
مـا بـســاوم بـي غـرامَــك
ومـــا بـجــامــل لـو أضـيــع
****
يـا واحــة طـلَّـت مـن سـراب
رويـانـة بـالـشـوق والـحـنـيـن
يـا نـبـتـة فـي الـدرب الـيـبـاب
يـا فـرحــة الـلـيـل الـحـزيـن
أدِّيـنـي مــن روحَـك أمـــان
أسـقـيـنـي مـن نـبـعَـك يـقـيـن
أحـمـيـنـي مـن جــور الـزمـان
ضــمِّــد جـراحــات الـســنـيـن
****
كـتـبـت لـيــك الأغـنـيــات
ونــظـمـت فـيـك احـلـى الـكـلام
قـبـل الـشـجـن والأمـنـيـات
قــدَّمـــت لــيـــك الإحـتـــرام
لا طالـب أكــبـر مـن رضـاك
لا دايـر أكــتـر مــن ســلام
وافـضـل أحـبَّـك مـن بـعــيـد
اتـبــاهـى بـالـريـد والـغــرام

حلوة الدفاتر القديمة يا جميل
وشكرا لتعبك وللعتالة

شكراً يا خال علي مرورك الرائع ..
بعض البوستات امر عبرها واحس انها اجمل من اول .. فلا استطيع ان امر مرور الكرام
خاصة هذا البوست .. وكلمات المحبين ..الرائعة ..

شكراً مرورك اسعدني يا وريف

التحيه للزول الجميل خالد
وما اجمل الكتابه من او الى الحبيب هذا عندما كانت الحبيبه هى بنت البلد المثقفه التى
تجبرك على الكتابه من اعماق الاعماق
تجبرك على النزول والتنقيب فى مناجم جميل الكلام
تجبرك على عدم العيش بدون حروفها وهذا ما قاله احد الرائعين الذين ذكرتهم
انا غير حروفك افقد الدنيا واتوه
هذا فى زمن الجمال السودانى قبل ان تنزل علينا جيوش الجهل التى هدمت كل شئ لك
التحيه الرائع الشقيق خالد