قصيده تحكى اشواقى لكل ما يسعد الانسان وتبحث عن كل الاشياء التى احلم بها سميتها ودرانه وماذا املك غير ان اطلق عليها ودرانه
صبحت صباحا بلا عشم
صلت وقشت للمقل
وقرت الخطاب الجاها من اخر البلد
لقت النفاق
لقت الدجل
وطرت الكلام الكان بدور بين الاهل
كبرت البت الرزينه
والبتكبر دايره بيت
فيه تتكوم وتحلم
تبقا زى ام النفر
تخدم وتفديه الوطن
ودرانه بتك يا بلد
حالفه بالنيل الجفل
تفديك وتحميك للقبر
تفديك وما دايره التمن
وودرانه غرقت فى الحلم
صحاها صوت ما صوت بشر
صحاها صوت الجوع رطن
قالت اشوف
امكن على الناس تحن
لكن حرام
ما الناس نست معنى الكرم
معنى العفاف لامن يقاوم
فى الفتن
وودرانه ضاعت
ودرانه تاهت فى المدن
فى غفلة الناس والبهم
فتشوها وكان خلاص حكم القدر
مرات تبيع للشاى تصر
ومرات تغازل فى الخرافات والحزن
ولف يازمن وعود لينا بالخبر السجم
ودرانه ماتت
زى الصفق وقعت فجر
ودرانه ماتت فى زمن
قال ليها موتى
موتى كان تلقى الخلاص
وكانت بتحلم انو العفاف البين ضلوعا
يلقا زول يديه معنى
معنى انو يعيش مجسم
ليهو واقع ولينا بلسم
ودرانه....ودرانه
