تخيل معى وضع نفسك فى مكانى تخيل انك بحثت فى كل الدروب وانت تبحث عن ذلك المفقود وعندما تعرف اين يكون تاتيك الاجابه بانه ما زال مفقود
بتذكر عيونك انتى زى رحال
كائس للدروب الليك
عشان يعرف مجاهلك ويجيك
ويسجل بالحروف انك
مدينه جديده فى ها الكون
ويصنع من محاسنك فال
يخليه الغرام انسان
انتى وين من نارى قولى
قولى قبال الرحيل
قولى لى ما تسكتى
شلتا متاعى ليك هجيت
طفتا وفى البلاد طشيت
وفى كل الدروب ما لقيت
حاجه توقف الساسيق
ولمن جاءتنى صورتك
جيت
ولقيتك فى الرهاب سارحه
مسكتك من طرف توبك
وناديتك
منو العلم عيونك وفات
تنكر للحبيب
لوعاد
وتجحد للجميل لو زاد
بريدك ما فياقة قول
ولا احساس يداهم الزول
ويرجع زى تقول مدفور
وكنتى عنيفه فى ردك
فاكره كلامى ليك
ما جد
وانا جيت راجع البلد عشمان
اصور طرفك النعسان
اشوفك من بعيد يا بت
ويقرب دمعى يتفجر
ويدى تخالف القانون
لكن فى الصباح الشوم
لقيت الدمعه فينى تحوم
سافر زولى ما معقول
واقابلو متين ده ما معلوم
وانا الشائل دموع فى العين
مسافر تانى للمنفى
معاى صوتوا
معاى صورتو
وكت يلقانى بالترحاب
وايه الخلا قلبى هناك
وخلاءنى بقيت مصلوب
ما نبض السكه من عنده
ولو ينكر
بحبو
والقبر قلبو......
