هترشة بايرات

هترشة بايرات

خديجة وليلى جارات فى حى واحد والاتنين فاتهم قطارالشوق اقصد قطار الزواج واصبحت نقتهم كتيره شديد وبرايات
وونستهم كلها عن ايام زمان ( شى بالكضب وشى صاح)) قاعدين فى ضل كده ويتونسن
خديجه: كيفك ياخديجة ياختى؟
انتى يابت أمى حكايتناشنو القطر ده سكيناهو لما نفسنا انقطع وبلافائده
احى واحى على فتح الرحمن الابيتو زمان هسه كان جانى راجع مالو ؟؟؟
ليلى : وانتى ياختى رفضتيهو ليه ؟
خديجه : من عوارتى وهبالتى قال شنو قال عشان نخرتو كبيره
ليلى : اجى اجى اتلومتى بت امى وفى الشوك اتكومتى نخرة شنو كمان البقيسوا بيها الراجل تستاهلى القطر يفوتك
خديجه : هوى انتى ياحاقدة تراكى قااعده لى هسع مااافى زول دق بابك الا سيداللبن
ليلى : هييييييييييى وتانى هيييييييييييى امانه ماجونى رجال يسدوا عين الشمس بس انا رفضتهم لانى كنت عايزة لى راجل طويل واصفرانى
والجونى كلهم قصار ولونهم اخضر
خديجه: غايتو جنس غايتو اها عاد لالميتى فى حمد ولاخوجلى
كر على من حالى وحالك
وانشالله يابت امى بعد ربنا يسهل وانا عن نفسى كان جانى راجل نخرتو قدر نخرة الفيل ما برفضو
ليلى : اسكتى سااااااااااااااى يا اختى وانا كان جانى بعيورضيييييييييياانه بيهو
والله ياخديجه ماتتصورى لما اشوف البنات الصغار الربيناهن نحن اتزوجن وشايلات عيالهن بندم على روحى كيفن
خديجه : اى والله غبيانات سااااى البنات البعزلن ديل يجى يقع عليهن الوقع علينا
وكر من حالنا وتااااااااااانى كر
ودعتك الله بت امى
وجعتى لى قلبى بى ونستك المأساويه دى تانى مابجيك
ليلى : اخييييييييييير تجينى انا الحال من بعضو يختى على الاقل انا مابشمت فيك
اها مع السلامه
وبكره بجى عليك انا

وانتظرونا لغاية بكره عشان نفضفض معاكم

وانتظرونا لغاية بكره عشان نفضفض معاكم
يااااناس السكر

ههههه .. شكراً زووووكة علي هذه المساحة الجميلة .. ولكن بحسب علمي لو استمر الوضع المعيشي كما هو .. ستظل خديجة وليلي علي هذا المنوال من بكاء الحظ .. و عض الانامل من الغيظ ..

ولكن هناك حل : لو سحمتم لنا يا معشر النساء بثني وثلاث ورباع .. فتكونون بذلك قد اكثرتم من القطارات .. ولن يفوت قطار علي واحدة منكن ..

مالك ياخالد داير تفتح لينا تانى
كليوات الدرب...والشربكة القديمة
إستنى خلى أم تساب تفضى ليك...
دا لو ما مفراكة الخليج لحقتك.. أنا بره...

هههههه والله صحى البوره شينه وهنا تحضرنى مقولة الشاويش اليمنى
فاتكم القطار فاتكم القطار
وكما قلتا اخى خالد فالوضع المعيشى جعل من البلد موطن للعانسات
او داخلية جامعة الخرطوم فالوضع لايبشر بالحل وعلينا ان نفكر بالتعدد والتكاتف
بس كمان النسوان ديل صعبات والعاقل من عرف ذلك وعلى قول الامير فى مفاريك وحاجات تانيه

مدخل:
(عدم العرس عرفناه لكن عدم الولادة من شنو)
هترشة عانس ومهبوشة

خالد: ما تتضارا وراء الدعوات ... لكن وين مع البلاطة الوقعت ليك في يدك يا دقندق!

نازك: بكره العرس ولا شنو؟ شريتي زِرعيتك دي ومشيتي يا أم العروس تكوسي لى عواسة الحلو مر والناس راجنك لى رقيص العروس ..

عبد الرحمن: هنا كمان خليها ساى المفاريك مفاريك كهرباء ويا ريتن زى حقاتن بتاعات العشر ديلك ..

عوض: طالما البنات لسه بغنن: (كبير يدلع ولا صغير يفلع) اكيد القطر محطاتو كتيرة وفي الوحدة والمشترك وقطر البضاعة والتروولي وسكه حديد تهز وترز ..

هلا بالجميع .. من شكل مشاركات الرجال انو البوست دا ح يكون مسخن زي بوست اخونا علاء ..
وما استدعاء ابونا عبد الرحمن لام تساب ( التي نفتقدها ) الا دليل علي ( المديدة الحارة ) التي يحاول ابونا القيام بدورها وتسخين اللعب .. ووضع ( مفارك ) علي درجات السلم .. نسأل الله العافية ..

اما محاباة ووقوف صديقي عوض الي جانبي واسناده لي واثنائه علي اقتراحي بالتعدد فما هو الا دليل علي الاريحية التي يتمتع بها هذا النبيل ... ولو علم ما تفعله ( المفاركة ) لتركني في غيي سادر ووقف مع ابونا عبد الرحمن ..

اما خالنا فبدا انه في موقف مفسر الاحلام .. حتي لا يضع نفسه في موضع المشارك المباشر في الموضوع فيخرج في اقرب ( لفة ) ولكنه يريد ان يثبت انه جاء وشارك ..

فالكل رائع والاروع مننا جميعاً هو هروب صاحبة البوست .. او كما قال خالنا ناصر

يا سلااااااااااااااااااااااااااااااااااام بالله بوست زى ده يفوتنى !!!!!!!!!!!!!!!!!!!!
اها مفراكة البحرين جاااااااااااااااااااااااااااااااتكم ابقوا جاهزين
سجمى سجمى شمار جنس ده يفوتنى
غايتو كلام البايرات ده انا برة منه لكن بتضامن معاهن لانه والله بالجد بالجد اى كلام يمس حواء تجدنى منحازة اليها ولكنه انحياز بى فهم
بالعودة الى الموضوع حقيقى فهى لم تكن هترشة بل هى عكس للواقع الذى تعيشه حواء السودان يجبرها ان تصدر مثل تلك الهترشات ،،،،،،،،،،،،،،والعنوسة بجد ازمة لا تختلف كثيرا عن الازمة الاقتصادية او المالية التى نعيشها وتعيشها البلد بشكل عام ،،،،،،،،،،،
اما انت يا مدعى التعدد تعال بى جاى
هو فى السودان المرة الواحدة ما قادرين عليها كمان تنادوا بالتعدد
؟؟؟؟؟؟؟؟؟؟؟؟؟؟؟؟؟؟؟؟؟حالتكم ياآدمو صعبة عديييييييييييييييييييييييل كده غايتو ربك يهون
برجع ليكم بعدين ابقوا جاهزين ،،،،،،،،،،،،،

قيل أنّ في السودان كل رجل تقابله أربعة نساء ؟؟؟ يعني لو حريمنا ختن الرحمن في قلبهم وسمحن لينا بالتربيع ما ح يكون هنالك (بايركس)
.. اخوانا المتداخلين قالوا مفراكة وكنش !! انتوا من زمن المفراكة !!! حسع ظهرت ممارسات جديدة تودي الآخرة عديييييل ... والله الاّ تسوي زي بعض الأخوان وتدبل بالدس لكن لو عرفوك by - by يا دنياي
واحدة راجلها بيدخن بكثرة قلت لها أضغطي الراجل ده عشان يخلى شراب السجاير !! قالت لي (بري) بقوم يلم القروش ويعرس تاني أحسن يتحرق بالسجاير دي ..لذلك من فاتها القطر الاّ تمشي كداري !!

هييييييييييى اى واحده فاتها القطار ليها حق تخد يدها على قلبها لان الايام جاريه زى الصاروخ والعمر جارى رهوان .

اما ناس التربيع ديل بيضحكوا على مين عند التدبيل يدبلوا باصغر من العندهم ويولعوها .

والبيفكر بدل المفركه اصبحت الاكياس السوداء. Laughing

خديجة وليلى ما يبكوا بكرة بيجى صاحب النصيب بعدين شدوا الادان كان وين من بدرى.

العزيز باشمهندس كمال... الإسلامية بس بتكفي أربعة لكل راجل سيبك من النيلين والقرآن الكريم والأحفاد... و...و .. وهلم جرا علي قول الصادق المهدي.. والله نسوانا حالتن تحنن وتبكي.. وكمان بعد دا فصيحات وما قاعدات في الواطة.. أها نحن بنتزوج أجنبيات عشان حركاتن دي.. خلي قطرن مش يفوت يموت عديييل.. أخواتنا وإتزوجن نحمد الله..
سلامي

كمال دفع الله محمد كتب:: ..لذلك من فاتها القطر الاّ تمشي كداري !!

هههه .. دعوني لاخفف حرارة البوست ان اشيد بمداخلة عمنا كمال .. فقد آلمتني مصاريني من شدة الضحك لمشاركتك الجميلة هذه .. التي اخرجتنا من دوامة ما نحن فيه من غم .. شكراً عمنا كمال .. ويا ام تساب اضحكي معنا ودعكِ من هم المفارك والمضارب و ما الي ذلك .. وان كنت تظنين ان وقوفك بجانب المرأة سيخفف عليها ويحد من العنوسة فلعمر ابيك انكِ في توهان .. فالمشكلة كما اوضحها عمنا كمال .. انها في التعداد وليس في الامكانيات فقط .. والعجب العجيب ان معشر النساء يضعن اللوم علي آدم في حالة التعدد .. ويعتبرونه هضم لحقوق المرأة .. من ناحية ما وزاوية ما .. ولكن وبنفس الدرجة يمكن ان تحاول مساعدة صديقة لها او قريبة لها عانس وفاتها القطار .. وترشح لها ان فلان المتزوج بفلانة يرغب في ( الدبل ) وقد يكون من نصيبك ورغم فقره ( وزيته الطالع ) ولكن يا اختي ( ضل راجل ولا ضل حيطة ) ولا ادري ما الحكمة التي تقف وراءها حواء في كلا الحالتين ..

مع التحية

نواصل

خديجه : ليلى هوووووووووى سلام
ليلى : اهلا خديجه
خديجه : كيفك بت أمى
ليلى : شديدة ولضيضه عندى شنو عاد ياختى لاعندى فاطمة ولاعندى محمد
خديجه : اى والله لاهدوم عيد ولا لخمة
ليلى : احـــــــــــــــــــــى علينا ياخديجه اريتنا بهدوم العيد واريتنا بى فاطمة ومحمد
خديجه :كان شفتى ياليلى بت جيرانا حالتو عاقدين عليها عقد ساى لسه العرس ماتم (العريس) قام من الصباح الليله جاب ليها هدية العيد ( خروف يبعبع ) حالى وحالك قولى امييين
ليلى : هاهاهاها تلقى هسع بعبعتو دى فى قلبك
خديجة : بينى وبينك وجعتنى الشافعه البجيبوليها خروف لكن انا ماحاسده زيك
ليلى : امشى والله تلقى اتحرقتى عليها حرقه شديده
خديجه : اها انا زاتى ماشه منك قلت اجى اتونس معاك شويه واديك الشمار ده لكن مابنفع فيك بووووووره ومساخه ليك
ليلى : هاهاهاها الحال من بعضو حبيبتى
خديجة : ودعتك الله
ليلي : انشالله السنه الجايه خروفك فى بيتك
خديجه : اميييييييييييييييييييييييييييييييييييييييييييييييييييين Very Happy

بعتزر علي تاخير باقي الهترشه يااشباب....يااخالد والله مااهروب بس كنته مشغوله مع شر زريعتي وعواسة الحلو المر....طبعا كل زول عندو كرتونه

والله يااكمال دفع الله ويااخالد ويااناصر وكل المشاركين هترشة بايرات Jxi43177

يااااااااااااااناس منتديات المصنع هترشة بايرات Jxi43177

اللهم امييييييييييييييييييين اخى خالد
اهن جنس البنات ديل الخلن الرجل يطفشوا من العرس
وهن بعداك يقعدن يندبن حظهن
الله يكتر الكنجالات ساااااااااااى هترشة بايرات 01114

خالص ودى

]أم قيردون يا الحاجة
أحمد عريس يا الحاجة
فركة وقميص يا الحاجة

(الاديب والكاتب القصصي طارق جبريل)

دا لى خديجة
وليلى بنغني ليها يا ليلى ليلك جنا

واحده متزوجه ليها واحد الدنيا كلها عندو ...
يجى خاشى البيت بعد مايفتح الباب بالشلوت
لأنو يدينو شايلات ...
أهن الدنيا زاغت منو ...
أول يوم بعد الزوغه وطبعاً اليدين فاضيات دخل البيت ...
المسكينه عاينت ليهو وقالت : سجمى إنتا أعور !!!
ختمه
اللهم أهدى أماتنا
....اللهم فك بورة بناتنا ....اللهم كتر كنجالات والله يااناصر ماقصرته مع ليلي وخديجه ....

وبرضو يا نازك بنمشي ونجي نقول
ضل راجل ولا ضل حيطة ..

Razz

غناء واحد فلسان من ناس زماااااااااان

يا رب ترخص الحريم
السمحه بى قرشين
والشينة بى مليم

ياخالد شايفه ضل راجل ولا ضل حيطه عاجباك شديد؟؟؟بس مااتتكيف برضو في عنوسه الرجال

عنوسة الرجال !!

العنوسة" تعني ارتفاع سن الزواج . وهي لم تعد تشمل الإناث فقط بل الذكور ايضا، لكن ثقافة مجتمعنا تركز على عنوسة الاناث كمشكلة كبيرة ومؤثرة اكثر مما تركز على عنوسة الرجال وعزوبيتهم باعتبارها خيارا حرا للذكر بينما الأنثى لا تتمتع بمثل هذا الخيار ولا ترغب فيه .
بالأمس القريب تزوج شاب في خريف العمر ، بفتاةٍ في ربيع العمر !
في حلقة بثتها إحدى فضائياتنا ، لاحظت فارق العمر الكبير بين زوجٍ وزوجته ! ( ضل راجل ) ولا ضل حيطة !؟
أني أستحي لأؤلائك الذين يتزوجون بزوجات ( يُفترض ) أن يكن بناتهن لو .. تزوجوا في سن الزواج !؟
برأيكم ما الأسباب الظاهرة و الخفية وراء ( عنوسة ) الرجال ؟ موضوع للنقاش ....اها يااخالد رايك شنو؟؟؟؟

ناصر البهدير كتب:: غناء واحد فلسان من ناس زماااااااااان

يا رب ترخص الحريم
السمحه بى قرشين
والشينة بى مليم

يا بهية وشباب الزمن جنية وعرس مافي يااااناصر....مشكور للاغنيه الجميلة

تصل الى بريد المكتب مقالات ورسائل من هذا الكاتب وهذه واحدة وصلت اليوم ولم تخرج من نص (هترشة بايرات) حيث يتضامن فيها الكاتب مع احلام البايرات بصورة حتما سوف تزعج النساء المتزوجات شئنا ام ابئنا .. لذا وددت ان اضيفها الى هذه المادة اثراءً للنقاش والجدل ...

تزوج أربعة وتوكل على الله!
عامر العظم
روح معذبة ملت وسادتها من رطوبة دموعها... وملت الصمت من استغراقها في تأملاتها! هل نعقد قرانها على المخدة اللعينة! تتحدث مع فتيات وسيدات كثيرات من مختلف التخصصات والخلفيات والدرجات العلمية.. عندما يثقن بك ويتحدثن إليك عن همومهن تراهن لا يعترضن على الزواج من رجل متزوج.
يقدر عدد العازبات والمطلقات والأرامل في الوطن العربي بعشرات الملايين ويشكلن قوة اجتماعية واقتصادية معطلة، الأمر الذي يشكل دمارا اجتماعيا واقتصاديا شاملا للأمة إن كنا نستوعب مفهوم ومستقبل الأمة! هل نتركهن يذبن ببطء ويمتن بقهر وصمت لنرضي غرورنا أو "صافيناز هانم"!
ها نحن نلاحظ انتشار المتعة والمسيار والزواج العرفي وغيرها انتشار النار في الهشيم وبأشكال لا يرضى عنها الشرع.
وها هي الثورات العربية وقبلها الحرب على العراق وفلسطين خلفت وتخلف لنا آلاف الشهداء والأرامل، هل نقف مكتوفي الأيدي نُنظّر لما تُفمفمه جمعيات حقوق المرأة وزوجتنا الاحتكارية المستبدة!
قانون الزوجة الواحدة قانون احتكاري أيتها المرأة العربية.. الزوج ليس وكالة حصرية أو تركة عائلية! لا يجب على المرأة المتزوجة أن تفكر بطريقة احتكارية للزوج أو على أنه ممتلكات حصرية خاصة بها..ما الأفضل لك أن يتزوج زوجك ثانية، أم يواصل نكده عليك وبصبصته هنا وهناك! ما الأفضل لك أن يرتكب زوجك الزنا ويلاحق النساء من حارة إلى حارة ويجلب لك ولأبنائك السمعة السيئة، أم يتزوج بالحلال! أفيدينا رعاك الله!
لنرسل جميعا رسالة للمرأة الغربية والعربية وكل مؤسسات حقوق الإنسان ودعاة حقوق المرأة أنه لا أروع ولا أفضل للمرأة من الاحتماء بحضن رجل تشعر معه بالأمان والاستغناء عن الناس والاكتفاء العاطفي والعفاف...وأن المرأة مهما علا شأنها ومراتبها العلمية والفكرية.... فهي حقا مسكينة إن لم يكن لها زوج. لنجعل حياتنا أبسط وأرحم وأكثر بركة وتعاونا.. لا تعتريها الأمراض النفسية والاكتئاب.
إننا بحاجة لثورة في العادات والتقاليد، ثورة فكرية وثقافية ونفسية تواكب ثوراتنا العربية الحالية..إننا نغتنم هذه الفرصة التاريخية لندعو الإسلاميين الذين يتقدمون الصفوف الآن نحو مقاليد الحكم في البلدان العربية لمعالجة هذه القضايا والمشاكل الاجتماعية الملحة سريعا ونحن معهم في الخندق الأول! أما منظمات حقوق المرأة التي تعارض طرحنا، فلتذهب إلى الجحيم وبئس المصير!
10 ديسمبر، 2011