هل تقبل بان تحضر زواج من احببت؟؟؟

نعم سوف احضر ومعي هدية وسوف الرقص وانطرب دة اذا كانت هية الذي باع واحمد اللة كثير علي انها تزوجت غيري

والله يااحاتم عن نفسي طبعا صعب جدااا اعملها وزي ماقال عائد دي قوة عين والله منك...بس احيك عليها

اول يا ناصر يا جرسة والاخ عائد بين بين من هنا ومن هناك والاخت نازك نعم سوف احضر كان قوة عين تكون قوية عين من من طلب الحضور ولا ما كدة يا نازك وبعدين لزومو شنو تتطلب او يطلب الحضور وكمان بجيب الفنان كان عجبكم يا ناصر وعائد ونازك اي اعتراض

الإبنة نازك: بديهى هى عوة زواج من كنت تحب
وسأحكى لكم حكاية واقعية ذهبنا إلى كسلا مجموعة من الزملاء
لمشاركة زميل زواجه ونحن مبتهجون فى الحفل.. حدثت مشكلة
بين واحد منا وأبناء الحى..والزمن داك نحن كنا فرتاكين حفلات
وجاهزين لأى مشاكل, المهم تلك الليلة تحولت من ليلة فرح الى
ليلة من الفوضى وتطايرت فيها الكراسى والأحزية وطرح البنات
والبنسات وأصبحت الساحة كأنها ساحة حرب فى الصباح,علمنا بعد
ذلك أن أحد شباب الحى كان يحب العروس وجاء مع أصدقائه ليخلقو
فوضى ويضربو العريس علقة ساخنة,إلا أنهم تفاجأوا بشرامة مع العريس
لم يحسبوا حسابهم, كما قالوا لاحقاً ,وعملنا صبحية اليوم الثانى إمتد حفلها
حتى العصر وكانت تتردد فيها {جينا جينا كيّة للمابينا-عريسنا زينة وعروسنا رتينة}
وغادرنا كسلا بعد أن أوصلنا عريسنا إلى الفندق وكان بص آدم موس ياناصر...
هذا نوع من الحضور فى الزمن الجميل....

الانكسار شنو يااناصر؟؟؟؟وياناس الليلة ديك

تحية المساء

لا اسمح لهذه الموقف الي ان يصل مرحلة من احب واحضر زواجه,بل احسمه وكل في طريقه آخذين في الاعتبار ان الزواج قسمة ونصيب

قد نحب ونعشق,,,لكن قد نتفرق بفعل مجري القدر والمكتوب.

مشكور ياعائد

تخريمه::خطيبي السابق زي الرئيس السابق مش كدا....؟؟؟؟؟

الامير عبدالرحمن وعائد

فتقت جرح دملتو سنين***نحرت في حشاي سكين
حبيب والله مشتاقين***وعفوا لو فرقنا البين
غلطان انت ولا انا***ولا اتنينا غلطانين
سبتك فت لي غيرك***قلبي وروحي ملهوفين
حضرت زفافي ياعمري***شفتك كنت بين حاضريت
تقشقش في الدموع سايلات***تفكر ليه فراقنا يحين؟
تصدق لسه بتمنى ***امثل بين ايديك الحين
انسى الدنيا بي ناسا ****وابث اشواقي ليك حنين
ننسى الكان فرقنا زمان***ونفضل ديمه متقاربين
وفجأة افوق من الغفله***زوجي وبتي منتظرين
ابلع عبرة الذكرى***واقول فاكراه؟حدو متين
بتمنى السعاده تجيك***وليك يزغردو الحلوين
زواجك مابحضرو انا***وعذرا مابسد الدين

سوف أحضر أخي ناصر . لكن لن يحضر معي قلبي ...

نعم ولكن ساردد رائعة العندليب الراحل زيدان ابراهيم
في الليلة ديك
والناس تشارك فرحتك
حسيت باني غريب هناك
وغريبة انتي في دنيتك
وساردد ايضا رائعة الراحل محمد احمد عوض
والله القسمه ما معروفة
لي وليك كانت خافية
يدوم سعدك مع غيري
وتملى شبابك العافية
ساذهب وكلي ايمان بفضاء الله وقدره
بعدين ما داعي للفضائح يا اخت نازك والناس تخلي المستور مستور
مع خالص شكري لك