شعر {قرفان خالص}....

تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
امسك واحد اول بدء :
سرقتو وطن واسع ممـــــتد
فكفـكتوهــــو
وزعزهتوهو
وارهقتوهــو
وبشتنتوهــو
وهديـــــــتوهو هــــدا هــــد
******
: وهاك التاني امرا أد
حكمتو شعب كان زي الورد
افقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
آخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
: احسب رابع وتابع العد
وين تعليمنا ووين ترنـيمــنا؟
وين ادابنــا ووين كتــابنــــا؟
وين رياضتنا ووين ريادتنا ؟
مرمطوهـا
واخرتوها
وافشلتوها
وطيشتوها
وخلفـــتوها جهـــل عن قصد
******
: شوف الخامس اخذ ورد
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين اموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
وضيعتوهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيسا راقص رقصا شين
مسئول مزواج ركاب سرجين
وزارة تجارة وبياعين
ناسا عايشة ومبسوطين
جضوم منفوخة ملمعة زين
كروش ممدودة متر مترين
ايادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محمين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو ابو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
!! وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الافاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن افســد
نضال وارثـنو اب عـن جد
اكـتوبراولى لــنا بتشــــهد
وابريل التانية اعادت مجد
والتـالتة قريبة وما بتبــعد
خليك واثق واتأكــد
للاحلى حيكون الغد
للافضل راجنو الغد
للاجمل حنبني الغد
للاحلى حيكون الغد
للافضل راجنو الغد
للاجمل حنبني الغد

أخخخخخخخخخخخخخ
{نقلاً عن الراكوبة}

عمنا الامير ده والله ما شعر قرفان خالص بالعكس ده شعر زول مهموم شديد وواقعى جدا جدا جدا
ياخى ده مصور الحالة تصوير عجيييييييييييييييييييييييييييييييب وبليييييييييييييييييييييييييييييغ ورهيييييييييييييييييييييييييييييييييييييييب
سرقتو وطن واسع ممتد
بالله شوف التليخص ده جميل كيف مأساة كم وعشرين سنة لخص لينا فى ابيات من الشعر مباااااااااااااااااااااااااااالغة
حليلك بتسرق سفنجة وملاية
وفى واحد بيسرق خروف السماية
تصدق فى واحد بيسرق ولاية !!!!!!!!!!!!!!!!!
ياخى ديل يسرقوا بلد بى حالها مش ولاية
تحياتى لك ايها الامير

مبالغه ................قصيده دليل علي المعاناه والله تسلم اخي عبدالرحمن واختي ام تساب
في الحقيقه لا خلي زراعه لا خلي تعليم لا صناعه كل شي ء حتي وصف معاناة شعبو وحاكمو دا بكون راجي الانتخابات بفارق الصبر هههه
تحياتي

وليه ساكتين ؟
ولي متين ساكتين ؟!!!!!!!!!!!!!!!!!!!!!!!!!!!!!!!!!!!!!!
المصريين الخوافين
غيروا حكم السفاحسن
وإنتوا ما قادرين ؟؟؟؟!!!
ما تبقوا على ميدان السكر مارقين
شنوا منتظرين
ههههه التحية ليك عبد الرحمن

» أحزان المصنع
» الوطن والحكومة
» خالص الود والتحايا
» إنا لله ونا اليه راجعون
» الى الرفيق الاعلى جلال ابراهيم