الكمسااااااااااااري

تلك الشخصية الرائعه :
شخصية كمسارى (المساعد) البص او الحافلة
امتع شخصية سودانية فهى شخصية ذات ابعاد وطنية
خالصة لى اهميته فى المجتمع فالمساعد غير وظيفة
تحصيل القروش من راكب البص او الحافلة له عدة وظائف
1.تعكير جوك الصباحى اذا كنت متوجه صوب العمل
او الجامعة او المدرسة وهم شريحة الطلاب التى
تمثل اكبر هاجس لى ذالك الكمسارى
2.خلق مناخ من المشاكل ويتسب ف ذلك من خلال
خلق مشكلة مع بعض الفتيات(يابت لمى فستانك عشان
الناس تمر لى ورا. الفتاة انت مالك ومال فستانى ما تشوف
شغلك مساعد قليل ادب المساعد انا قليل ادب انت ما مربية
انتى لو مربية البطلعك ذى المواعيد دى شنو ؟
(وتنتهى باحد اقسام البوليس الذى دائما يقيف مع البت
عشان الكمسارى فى نظرو واحد شماسى ساى )
الرجوع لى عنوانى وهو كمسارى البص
أما سبب تقلب مزاج هذة الشخصية فى خلال اليوم
على حسب نوع (الفردة) حمولة العربة
فاذا الحافلة قادمة من صوب اتجاه جامعة الاحفاد وبرغم
انهم طلبة تكون متعة المتعة نسبة لى سندوتشات البيرقر
الزيادة التى تهب له من بعض الاخوات الحنينات اما اذا
جاية الفردة من الكلاكلات فالذهج الشديد
وسب اليوم ونعل اليوم الشغلو فيهو الشقلانة دى ...
**والحـــــــــــــــــــــــــــــــرية نازل....
(تكون المحطة ابو حمامة) وينزل الراكب الداقس
والتحية لكل كماسرة بلادي ؟؟ **كسره....أخر محطه منتدي مصنع حلفا وختاما بامصنع الجنيد في زول نااااااااازل؟؟؟ الكمسااااااااااااري 01114

نازك يوسف سلام

موضوع ظريف ودمو خفيف جدآ

أنا نازل قرية الجنيد

بس ما تدقسيني وتنزليني ود السيد Very Happy

مندكورو كتب:: نازك يوسف سلام

موضوع ظريف ودمو خفيف جدآ

أنا نازل قرية الجنيد

بس ما تدقسيني وتنزليني ود السيد

ههههههههههههههههههه العزيبه كيف تنفع؟؟؟؟ولا نواصل رفاعه؟؟؟ Very Happy

ههههههههههههههههههه العزيبه كيف تنفع؟؟؟؟ولا نواصل رفاعه؟؟؟ Very Happy

[/quote]

نازك يوسف

تاني سلام

أنا فعلآ من الجنيد والعزيبة أهل أبوي يرحمه الله

لكن إنتي أكيد بتعرفي المنطقة جيد طالما عرفتي العزيبة

لك مودتي

هههه شكراً نازك
الكمساري فعلاً نظرة الناس ليهو دونية ما عارف لييييه
بالمناسبة كان مهنتي ومتعتي اني اعمل مشكلة مع الكمساري واذا ما شاكلتو اكون مستعجل او ما عندي ليهو زمن