ألو .... منو
ده أنا أبوك ما عرفتني
واللا شنو
لا يا أبوي بس صوتك كان قوي
مكرفون شنو ساوند شنو ده كان زي الدوي
صوتي يا وليدي بحّ من كُتر الرقاد
من نقة المفتش والغفير والصمّاد
من جفاف الترعة المنتظرة الخريف يجيها صاد
من زراعة يا وليدي ماتت قبل الحصاد
من ناس زكاة يقلعوا حقهم قبل الميعاد
................
مغصة يا وليد لوت اللسان وكممت الحلقوم
غصة سدت الحلق وماشة علي البلعوم
سكر بلا طعم وضغط بلا شحم
وملاريا شلّت خلايا الدم
وبرضو منتظر يوما أفارق فيهو السجم
أقعد وسط وليداتي ونعيش لو بالعدم
..........
ده الوقت العايزين تكونو فيهو معانا
نشم ريحتكم
ندغدغ وليداتكم
نشوفكم كل صباح بعد داك ما همانا
نموت برضاكم وتعيشو برضانا
