ناس السكر الفى الخرطوم اجمعوا هنا ضرورى

الفكرة من البوست هو مزيدا من تقوية اواصر العلاقات الاجتماعية بين اعضاء المنتدى حيث ان الزمن فرقهم وشتتهم وهاهو الاسفير يجمعهم مرة ثانية من هنا تمخضت فكرة البوست لللم الشمل والتقاء العضوية المتفرقة المتواجدة بالخرطوم اقترح على جميع من يهمه الامر تسجيل بياناته ووسيلة الاتصال حتى نتمكن من الترابط الاجتماعى وهنالك العديد من اجتماعيات السكر التى تكون بالخرطوم افراحا واتراحا فاللمزيد من الترابط اقترح ان تكون هناك لقاءت وجلسات اسرية تجمع اسرة السكر بالخرطوم والقادمين الينا سواءا ان كانوا من المهجر او من السكر الوطن الام وبذلك نكون قد وثقنا من اواصر العلاقة ونقلناها الى ارض الواقع بعد ان كانت عبر الفضاءات الاسفيرية ،،،،،،،،،،،،
اها ده اقتراحى ومستنية اسمع اراءكم حوله يلا مين يبتدى ؟؟؟؟؟

أم تساب تحياتي .. والله يديك العافية..
الفكرة جميلة بلا شك .. وهي تدعو لمزيد
من لم الشمل والترابط . لناس أجزم أن
نفوسهم تواقة لمثل هكذا تلاقي .. وهي
رابطة سوف تكون حلقة وصل بين المركز ( الخرطوم)
وبقية ( الأهل) وهم فعلآ أهل ..داخل وخارج السودان..
أقترح أن يكلف شخص أو أكثر من المقيمين بالعاصمة
للبحث عن هواتف الناس الموجودة في العاصمة وهم ليسوا
أعضاء بالمنتدي أوماعندهم فكرة عن وجود المنتدي
ليطرحوا لهم الفكرة وقد تعود علي المنتدي بإضافات
عضوية جديدة ..
الفكرة جميلة .. عضي عليها بالنواجز ..
لأن مستقبلها لو نفذت سيكون رائعآ..
لكل أهل المصنع كل الود..
بالجنبة: ياخ ما تغيري لينا اللون الأحمر دا Very Happy

انا اول زول يؤيد اقتراحك ده رغم انو ماساكن الخرطوم

لكن الظروف بتجيبنا ما عندى مانع الاقى اى زول فى اى مكان

يللا ادونا عناوينكم

فكرة في منتهى الروعة والجمال لعدة اسباب
أولاً تصب في مصلحة المنتدى وتلفت انتباه الذين لم يسمعوا به لمشاغل الدنيا الكتيرة
ثانياً سانحة للمغتربين بان تتاح لهم الفرصة في مقابلة بعض الاخوة والاصدقاء لانه في الغالب فترة الاجازة تكون قصيرة وربما مشاغلهم لا تمكنهم من السفر لارض الحبايب ( المصنع ) اقل شيئ يقابلوا الموجودين بالخرطوم وبكل تأكيد سوف يجدون اخبار البقية
ولو نجحت الفكرة ممكن تكون في مدن اخرى ,مدني .. كسلا وغيرها وتكون لنا قنصليات في كل المدن
وعملية التواصل والعناوين نرجو أن لا تقتصر على الموجودين بالخرطوم فكل من له عنوان يمكن ان يمد به البوست واعتقد انها فكرة هادفة
ولكم عنوان ناس بيتنا بالخرطوم الكلاكلة القبة 09122856979 والى الأمام
تخريمة:
احببت ان اغتنم هذه الفرصة وارحب بالاخ الفاضل عيسى الزم فلك منى الف تحية وسلام وشرفتنا يا أخي وكتر خيرك وحبابك في بيتك ومعانا

شكرا لكل الحضور الجميل وياها المحرية فيكم يا ناس المصنع
حقيقى نحن احوج ما نكون لهذا الترابط الاسرى الجميل والذى يعمق اكثر بين العلاقات ويطول امدها هذا الى جانب تعريف عدد كبير منهم بالمنتدى والفكرة منه
عليه فى انتظار باقى المقترحات ليكتمل المشوار الذى بدأ بخطوة وهى اسرة منتدانا ليعم كل من تربطه علاقه بسكرنا المشتهنو
شكرا زاهر
شكرا استاذنا عيسى
شكرا علاء الدين افوكاتو منتدانا على المبادرة الطيبة رغم بعدك عن الوطن
رد على تخريمة زاهر كدى حدد لى سلبيات اللون الاحمر عشان اغيره ولا شنو ؟؟؟؟؟

ام تساب كتب:: شكرا لكل الحضور الجميل وياها المحرية فيكم يا ناس المصنع
حقيقى نحن احوج ما نكون لهذا الترابط الاسرى الجميل والذى يعمق اكثر بين العلاقات ويطول امدها هذا الى جانب تعريف عدد كبير منهم بالمنتدى والفكرة منه
عليه فى انتظار باقى المقترحات ليكتمل المشوار الذى بدأ بخطوة وهى اسرة منتدانا ليعم كل من تربطه علاقه بسكرنا المشتهنو
شكرا زاهر
شكرا استاذنا عيسى
شكرا علاء الدين افوكاتو منتدانا على المبادرة الطيبة رغم بعدك عن الوطن
رد على تخريمة زاهر كدى حدد لى سلبيات اللون الاحمر عشان اغيره ولا شنو ؟؟؟؟؟

الأحمر وصيف سيد البلد Very Happy

شكرا علاء الدين

تخريماتك الزى تخريمات سادومبا دى قمه فى الروعه

وقول لام تساب اللون الاحمر ده ما حق الجنس اللطيف

ده لون مجارمه

[b]اجمل بوست عندي ياام تساب بالجد يقوي الاواصر بين الناس(المنتدي -المصنع - الخرطوم)
ياربي التنفيذ ياخذ زمن؟ هههههه Rolling Eyes

عشان نتعامل ونتكاتف مع بعض ضمنيا في الواقع لا في الاسفير فقط
ياريت الناس تتضامن من اجل المنفعه
التحيه ليكم جميعا
الاسم :- اقبال ابكر ادم
السكن حاليا في الخرطوم:- يثرب حي العامريه -(مجمع الشروق والثريا) مع اختي
التلفون:- 0917120693

مرحب باسرة السكر فى بوست السكر
اقبال المسألة ما بتأخد اى زمن وكل الموضوع انه الناس تتفاكر فى وسيلة للتواصل عشان نلم الشمل وممكن تساهمى باى اقتراح واى زول عنده اقتراح يقدمه لينا ومبدئيا عايزين نحشد اكبر عدد من ناس المصتع المتواجدين بالخرطوم حتى وان لم تكن لهم علاقة بالمنتدى يعنى انتى بى مجهودك وعلاقاتك ممكن تشوفى لينا اى زول ليه علاقة بالسكر وبى كده بنكون ضمنا جمع اكبر عدد وبيكون ساهل انه نتواصل معاهم
استاذنا عيسى انت برضو شريك مع زاهر فى قصة اللون الاحمر دى ؟؟؟؟
زاهر الكبير كبير والزعيم زعيم ولا شنو ؟؟؟؟؟؟؟؟؟؟؟؟؟؟

أنا برضو بضم صوتي لصوت العزيزة أم تساب وهي تتحفنا بفكرة غاية في الروعة وكم تكلمنا عنها كثيراً وآخرها في زواج محمد أحمد مكين الجمعة الماضية حيث ضم الفرح عدداً مقدراً من أبناء المصنع قدامي وجدد...
للتواصل:
ممدوح عبد الله أحمد
أمدرمان، الثورة الحارة 17 المكتب الخرطوم، عمارة نخلة جوار مسجد فاروق الطابق الأول مكتب رقم 8
تلفونات:0917708363، 0114186880

شكـــــــــرا جميلا إخوتي
وحتما ولابد من هكذا تواصل,,, كما أنتهز تلك السانحة
في تهنئة العزيز محمد مكين .... وكم هو جمـــــــيل أن
نتلاقى ونبل الشوق في مثل هذه المناسبات الفرايحية ..
تجدر الاشارة الى انه قبل سنين ليست بالبعيدة , كانت هنالك
جلسات أسرية لاهل المصنع بالخرطوم تقام شهريا بحدائق الاستاد
وأذكر على سبيل المثال نفر ممن يزينون تلك الاماسي آنذاك كالاخ
آدم دبالو والاخ عبدالعظيم محمد خير ودالمحسية والاخوان علاء
ومحمد عيسى والاخوة مصطفى سيد وبرعي والفنان عاصم ختام
والاخ ايهاب صالح وعماد احمد الامام وغيرهم ......
أرجو ان نعيد الكرَة من جديد لاسيما وهنالك جيل من الشباب الطامح ننتظر منه
الكثير في لم الشمل وربط أهل المصنع , وإياك أعني اخي العزيز
ممدوح ,, سيروا على بركة الله والله وليَ التوفيق
تخريمة:
عذرا سيد البلد في السكة موج أزرق هدر تاريخ ندر ,,,
عشانك ياسيدا & يابشَة وكاريكا... وعشانك يابلــــــــــد ,,, الاحمر شعارنا

اخشى ان يموت هذا البوست مع انه كل من دخل معلقا رحب بالفكرة
علينا البدء بخطوات عملية جادة وياريت ياريت كل من لديه مقترح لكيفية الالتقاء او ضربة البداية يمدنى به ولا ننسى رصد كل الاعضاء المتواجدين وعلى اقل تقدير رصد ارقام الهواتف لنتمكن من التواصل عبر اى وسيلة
مرة تانية وتالتة ناس السكر اجمعوا ضرورى ضرورى

» البهدير في السودان
» إحتفالية بالطلاب والطالبات المتفوقون بالمصنع..
» مجموعة قطاع الخرطوم
» الاغانى الفى الصميم
» الفى ايده القلم ما بيكتب نفسه شقى