شايقية

موضوع: شايقية الأحد 26 فبراير 2012, 12:35 am

تلاتة نكات وانا عارف بتجيب هوا لكن مامشكلة
الاولى : شايقي كتب في وصيتو أدفنوني جنب الجعلي ولمن سألوه الجماعة ليه قلت كدا قال عشان يوم القيامة الجعلي بيقول حرًم الحساب علي
التانية : ستة شوايقة غاطسين في البحر قالوا البيطلع أول واحد على سطح الموية الغداء عليهو
وحاتكم لي يومي ويومكم دا ما طلعو
التالتة : شايقية فتحت جواز سفر راجلها لقت مكتوب المهنة رجل اعمال قامت مسحت كلمة أعمال وكتبت بتول وبقت المهنة رجل بتول

موضوع: رد: شايقية الأحد 26 فبراير 2012, 7:40 pm

مرحبا بك اخى علاء الدين وبى عودتك مجددا
اها الباب الفتحته ده مش بيجيب هوا ده بيجيب كتاحة زى حقت السعودية امس
يلا استعد
123go
اها استعديت خلاص

رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟
--------------------------------------------------------------------
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسااااافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال ليه ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!
--------------------------------------------------------------------
شافعة رباطابية قاعدة تاكل مع أبوها في الصينية ، قالت ليهو: يابا أديني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
--------------------------------------------------------------------
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..
--------------------------------------------------------------------

موضوع: رد: شايقية الأحد 26 فبراير 2012, 11:57 pm

شكرا الاستاذة الرائعة أم تساب بالجد نكات من بيت الكلاوي وقوية شديد
يعني انتو لو ما سخنوكم كدا كان الابداع دا راح مع عجاج السعودية
اوكي يعني الان النتيجة 4 / 3 لصالح فريق ( وا شِريري ) طيب خدي دي
قالوا في واحد عاوز يشاغل ليه شايقية وقام قال ليها بريدك وقالت ليهو ص ب 444
وكدا النتيجة تعادل وما زلنا في الشوط الاول

موضوع: رد: شايقية الإثنين 27 فبراير 2012, 7:24 pm

طالما اننا تعادل
لابد لفريق واشريرى وكعادته دوما ان ينتصر لذلك حأديك واحدة خصيصا لك يا افوكاتو منتدانا
استعداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد
رباطابي ببيع لبن المهم عندو زبون
محامي مرتو غالطت الرباطابي في حق يومين بحجة انو كان في مطرة والرباطابي
مصر انو اداهم اللبن في اليوم البعدو جا زوجها المحامي وقال ليهو انحنا
ماممكن تغالطنا ابدا الرباطابي قال ليه اغالطك كيف وانت الغلاط فاتح ليه
مكتب

موضوع: رد: شايقية الثلاثاء 28 فبراير 2012, 12:10 am

تحياتي
دي قوية 2*1 ( محامي ورباطابي )؟؟؟؟؟
هاكي دي
شايقي لقوه بيمسح في صدره بي ورقة فئة 5 جنيهات , سألوه ليه بتمسح في صدرك بالقروش قال ليهم الدكتور قال لي اشتري زيت سمسم اشربو واتمسح بالباقي......
ولو ما لقيتي واحدة بسلفك دي:
شافع رباطابي قرصتو نملة وقاعد يحك فيها جمب امو, وامو ما اشتغلت بيه وبعد مسافة سالتو انت ياوليدي بي تتحكحك كدي قرصتك نملة ؟ قال ليها لا بحك لي في اسكراتش

موضوع: رد: شايقية الثلاثاء 28 فبراير 2012, 8:12 pm

افوكاتو منتدانا المباراة شكلها ماشة تسخن شديد ،،،،،،،،،،،بس الغريبة استادنا فاضى ما شايفة لى مشجعين ياربى كورتنا دى ما عاجباهم ولا شنو ؟؟؟؟؟؟؟؟؟؟؟؟؟
هسى عليكم الله ما اخير من دافورى الممتاز يلا ياناس عاوزين تشجيع

نقطة : 40098 تاريخ التسجيل : 01/01/1970

والله مافي كلام مديدة (ى)حااااااااااااااااااااااااااااارة المحامي بغالطوهو؟؟؟ في شايقية شاوروها في العرس ولا الحج قالت ليهم الكعبه طايرة

موضوع: رد: شايقية الأربعاء 29 فبراير 2012, 10:47 pm

هنيئا لنا يا أم تساب بهذا اللاعب المحترف وليد سيد احمد وبعد كدا استادنا جوه لعيبة اشاوس وسوف يكون النصر حليفنا ... بس ما تفرحي كتيييييييير دا مسجل معانا وحقنا مش تابع لفريق ( وا شريري)
طبعا المرة دي بالاحمر لبسنا شعار بطل افريقيا