اهلاً وسهلاً رمزي عبد القادر

رحبوا معي ( بأثر رجعي ) بحبيبي وصديقي رمزي عبد القادر
وطالما انه جاء في فترة غيابي فانا مصر وملح علي ان اقدم له ترحيبي حتي ولو كان باثر رجعي
وعارفكم يا احباب ما بتكونوا قصرتوا في الضيافة .. لكن واجبي انا برضوا اني ارحب بيهو في بوست
اسويهو براااااااااااااااي .. واي زول ما بيشارك بي ترحيب رمزي هنا تاني لا بيني لا بينو قطع نااااااشف

اهل ابو الرموز .. يا سليل الصبا .. اهلاً بك ايها الجميل جداً .. العزيز ابداً .. الغالي دوماً ..

شرفت المنتدي بمقدمك الجميل .. فاهلا بك .. وتدفق .. كما هو عهدك بالتدفق .. وما تبقي رقراق .. ابقي يا ضل .. يا شموس

ياودبخيت زعلك مابنقدر عليهو وبيني وبينك أبوالرموز
يستاهل الضبيحة فهو رمزا حقيقيا من رموز وطني
ينبوعا للأصالة والجمال ومنجما للصدق وحلو الخصال..
فليهنأ ولتهنأ به حواشي وربوع منتديات سكر حلفا

الى الانسان خالد :

لم اجد من الالقاب ما يتناسب معك .

فأنت اسمى من الاخوة وانبل من الصداقه

وارفع من كل درجات الحب من هيام وغرام وتتيم.

ويكفيك انك انسان مكتمل الانسانيه .. شكرا لك

وكل المصنعجيه رحبوا بى ترحاب اجمل من جميل

كيف لا وهم ابنا المصنع .. المجتمع الجميل المترابط

مجتمع التعايش والتراحم .. فالشكر الجزيل لكم

عائد سيد..

(يامتعود تملا ملامحى معاك بالدهشه ويومى تستف فينى زهول

يا متمازج فى انفاسى وراسم صورتك فى احساسى ومالك حتى مخارج القول ..

يا ما معقول ) ..

شكرا يا ابو الحيل

طبعا ما بنقدر زى ما قال الاخ عائد .. على زعل خالد واصلو واحد عندنا رغم انو خرق اللوائح والقوانين والاسس .. ما مشكلة طالما انت المحتفى به .. فللرجل اعذار ...
نجيك تاني ونرحب بيك وحبابك يا قامتنا السامقة .. أخي رمزي عبد القادر ...
يا رمزي حبابك كتير وكتير ولم اجد صراحة مع معزتي الشديدة للاخ خالد الا ان اهديك مشاركتي رقم (1000) هدية وقلادة ووسام على صدرك لكن بشرط تمسك الدفة وانت عليك الرك والامل انك تقود المنتدى لامنيات تسكننا جميعا ابناء المصنع ...
اتمنى واديك مسافة شهرين من الزمن المتقطع تصل للرقم دا وان كان لا يمثل مستوى طموحنا اخي رمزي لكن أملنا فيك أكبر من كدا مع رفيق دربك الجميل خالد وربنا يدوم المحبة بينكم وبين ناس المصنع جميعا ...

ناصر البهدير كتب:: طبعا ما بنقدر زى ما قال الاخ عائد .. على زعل خالد واصلو واحد عندنا رغم انو خرق اللوائح والقوانين والاسس .. ما مشكلة طالما انت المحتفى به .. فللرجل اعذار ...
نجيك تاني ونرحب بيك وحبابك يا قامتنا السامقة .. أخي رمزي عبد القادر ...
يا رمزي حبابك كتير وكتير ولم اجد صراحة مع معزتي الشديدة للاخ خالد الا ان اهديك مشاركتي رقم (1000) هدية وقلادة ووسام على صدرك لكن بشرط تمسك الدفة وانت عليك الرك والامل انك تقود المنتدى لامنيات تسكننا جميعا ابناء المصنع ...
اتمنى واديك مسافة شهرين من الزمن المتقطع تصل للرقم دا وان كان لا يمثل مستوى طموحنا اخي رمزي لكن أملنا فيك أكبر من كدا مع رفيق دربك الجميل خالد وربنا يدوم المحبة بينكم وبين ناس المصنع جميعا ...

شكرا استاذى ناصر .. فقد احسنت فى المره الاولى وها انت تفعلها ثانية وتزيد عليها حبه

وجعلكم الله دوما فى قيادة الدفه وبلغكم ملايين المشاركات .

كلما دخلت المنتدى انتابنى احساس بالتقصير تجاه مجتمع المصنع .. فهو يستحق ان نبذل فى

سبيله كل غالى ونفيس . واحساس بالنقص كلما ازداد المنتدى جمالا وازدان بحضور المصنعجيه

لاننى لم اشارك الذين اقاموا عليه وسهروا لاجله وبذلوا له .. الذين فكروا وقدروا ثم نفذوا لا لشى الا لم شمل

ابنا هذا المكان الاستثنائي_ فكانوا فينا كبارا بما لاقوا من رهق .. وعلى علمى انك المعلم الاول والرائد فيه _

فلك الشكر وجزاك الله خير على كل لحظه اقتطعتها من وقتك فى سبيله

واليك ارفع قبعتى ..

أبشروا فرمزي سيكون باذن الله شبلا من ذاك الأسد (والده عليه الرحمة) وقريبا جدا نأمل أن يصبح هو أسدا لاليخيف أعضاء المنتدى بل ليعلمهم الاقدام على ولوج المنتدى بكل جديد ومفيد ـ سن قلمك يا رمزي وأتحفنا بما عندك ـ

ههههه .. افرحتموني ورسمتم علي شفاهي ابتسامة ملائكية .. ايها الجميلون والمملوؤون حباً وصبابة .. احييكم احبتي عائد وناصر وعمنا كمال .. فقد اوفيتم حق الضيافة .. ولم تقصروا .. ولكن اثقلتم كاهل صديقي المملوء قدراً من الجمال .. فقد وجب عليه اليوم ولاحقاً المجيئ هنا .. وتسجيل حضوره ليقدم لكم التحية .. ويقف معكم في بناء هذا الصرح الجميل .. فرمزي هو صديقي وهو يفوح كالزهور دوماً بالعطور .. ويعلوه دوماً ندي الاناقة والجمال .. وله جبهة عالية في مصنعه .. لا تحتاج الي تاج يزينها .. فقط نحتاج نحن اهل المصنع عموماً والمنتدي خصوصاً ان يكون رمزي عبد القادر عبد الله تاج يزين اروقة المنتدي ...

لكم التحية جميعاً .. ولحدي الآن الما رحب برمزي هنا في بوستيني دا .. ما عافي ليهو ذكراً كان او انثي ..

ولكم جميعاً مؤوووووووونة قرن من المحبة والاحترام

اخي خالد قرأت هذا البوست وكنت سعيدا ومنحازا لك وقلت في نفسي رمزي يستاهل ان يمنح قطعة ارض اخرى في هذا المنتدى ويكفينا فخرا ان هذا الرجل ينتمي لأسرتنا الجميلة ونقولها بكل صدق لمن لا يعرفه ان هذا الجميل يمتاز بدماثة خلق ورجاحة فكر وسعة بال وروح مرحة قل ان تجدها في اقرانه وله منا كل الود والتقدير
تخريمة
خالد لو ما رضيت فلدينا المزيد والمزيد حتى ينفد مدادنا فالحديث عن رمزي واصحابه له نكهته الخاصة

شكرا ايها الجميل الانيق المتالق علاء ..
ان الجمال عندما ياتي لا يبحث الا عن الجميلين ..
فانتم ورمزي تبحثون عن ابعاضكم .. لانك مصادر الجمال والمحبة ..
نحن فقط المحظوظون بكم .. تتهلل اساريرنا بوجودكم .. فهلا جعلتم الابتسامة لا تفارق شفاهنا ؟؟
اذاً هي دعوة الي الحب والمرح .. بحضوركم جميعا .. احتفاءً وترحيباً بهذا المتالق كما النجوم ..

شكرا علاء وللجميع .. ولكم مؤوووووووووووونة قرنين من المحبة والاحترام ايها المملوؤون حباً و صبابة ..

كدى اول شى نرحب بى رمزى ترحيب حار وكميااااااااااااااااااااااااااااااااااات ورغم اننى لا اعرف عنه شيئا الا اننى قرأت كثيرا من ملامحه من خلال الكلمات المنتقاه والتى سبقنى اليها الاخوة جميعا
ده شى والشى التانى الخلانى امسك بالكى بورد هو مؤن الاحترام والمحبة التى يدلقها علينا مبدع منتدانا فحتى لا افقد حصتى سارعت بالمشاركة
اما ثالثا وهو الاهم تهديد مراقبنا العام بالقطع الناشف
لاجل كل ذلك ولاجل المصنع مبتغانا ارتأيت المشاركة فى هذا البوست الرائع بروعة اهلى الكرام
تحياتى

أهلاً بيهو الهلال هلا...
مرحباً بقدوم الفارس الهمام إبن الحلة الحالي وإبن البركس السابق وإبن المصنع في كل الأحوال الذي ظل وفياً لكل تقاليده ما بقي..
نتمني أن ننهل من معينه أخونا رمزي عبد القادر وألف مرحباً بين أهلك وناسك وأبقي داخل وهات ما عندك ولا فض فوك.

شكرا عمنا كمال .. وان كنت غير مقتنع بحكاية عمنا دى

لانك تشع جمالا" وشبابا" .. فلك وافر الحب والاحترام

ولوالدنا الرحمه والمغفره.

اخوى علاء : لك من الشكر والحب ما يكفى لهلاكى .. وشقيش

ما نقبل نشوفك ضؤ.

ام تساب : شكرا على حرارة الترحاب .. والحمدلله المنتدى حقق

الاهداف من تعارف وتواصل .. ولكى من مؤنة خالد مقدار الف الف

بعير ونمله .

ممدوح يا جبل الضرا شكرا كتييييييييييييييييييييييييييييييييييييييير

خالد يا اخوى كفايه وروره وحمرة عين .. فالتقلع بمن حضر .. وابدأ

قطعك .. وكعهدنا بك قطعا" جميل يا جميل

هلا وغلا بالغالين والحلوين .. المرحبين والرمحب بهم .. شكراً ام تساب .. ومؤوووونات المحبة والاحترام هي صنعكم وهي بضاعتكم وواجبنا ردها اليكم .. لانكم انتم من صنعتم هذا الجمال .. فشكراً لك مراراً وتكراراً .. فانت اهل للروعة والجمال ..
اما اخونا وصديقنا .. اللملوء قدراً عالياً من الحكمة والاحترام ممدوح فانت يا اخي قد اوفيت وكفيت حتي من قبل ان تاتي لتشارك .. لان مرور عينيك لقراءة هذا البوست هو شرف لي .. فحقاً اشكر لك جميل حرفك يا جميل ..

اما المحتفي به فما زلنا ننتظر بقية الاعضاء ليرحبوا به .. وما زلت عند موقفي .. الما رحب بي رمزي هنا لا بيني لا بينو .. قطع نااااااااشف ... يا ابو الرموز خلي الناس تنداح معاك يا جميل .. ولا شنو .. ذكرتني قصة النملة الحلمت جاها عريس مغترب .. التمبلووووولا ..

نقطة : 40098 تاريخ التسجيل : 01/01/1970

ياسلام عليكم اولاً عوداً حميداً للاخ خالد واشواق................. مرحباً بالاخ رمزي وتاني مرحب

دى فاتتنى كيف ماعارف ياخالد...
يظهر إنو مارس نايم معانا ... فلت مننا بوست جميل بجمال حروفكم
لعلها الإجازة بت الكلب الإجازة... أرحب بأبننا رمزى على طول...
وأقوليكم الشغل ماتمام فى تكاسل شديد..وزى ماقالى مندوكروال منتدى بقى صيوان عزاء.. ندخل نلقى خبر وفاة نشيل الفاتحة ونمرق... فى ناس كباية الموية مايشربوها خليك من الشاهى...
{معقولة بس}

حبابك عشره بلا كشره خيرا جا نا وجاكم
سعيدين بمقدمك الميمون في ركاب المبدع خالد وناصر...ونهدي لك باقات من

اهلاً وسهلاً رمزي عبد القادر Fjia8k

وننتظر ابداعاتك ومشاركات قلمك الرائع واتحفنا بفنونك..

» وين العضوء رمزي عبد القادر
» تهنئة للاخ رمزي عبد القادر
» رمزي عبد القادر .. صباحك رباح
» Alrayh Mohammed
» هل من رحب