شقى الدنيا

موضوع: شقى الدنيا الأربعاء 21 مارس 2012, 10:40 pm

الشقي الفي الدنيا وخاتي الدنيا فيه
خلوه اليحنس روحه كان تقبل تجيه
***
... اليشوفو يحسبو زي الما .. عليه !
جوه جوفو باقي نار مطلوقه فيه
إن سكت خايف الخلوق ما يحسوا بيه
وان بسم شان يخفي حزنو الفوق وشيه
***
يجري ورا السعاده الليلي وينها سعادتو ليه
والأماني علي الرهاب دافقاه ميه
الزمن لا أداه لاقدر .... جريه
وكان حماه الجني قبلو آدم أبيه
***
الناس الفرح في عيونها لوح لي إديه
وده الهموم تابعاه ماشي علي مشيه
ساكت بي غناه طرابه في الكلمات يتيه
ما عارفنو بي أشعارو يكتب في نعيه
***
في غرايب الدنيا تضحك لو ..وتجيه
تونسو بي حديثها ..... البشتهيه
وكتين يأمنا ..... ويطرح وشيه
تحدثو بي حديث لاسمعو لا جابوه ليه
***
قدر من تاني يبني تهد بنيه
عاد تبكيه ..وتبكي الناس عليه
تفرقو في مصايبها .....تبتليه
التقول لا شافا لا شافت شبيه
***
شقيك يادنيا أوعك ترحميه
إنتي جوري .. وعذبيه وعذبيه
فرحك تاني شن بيسوي ليه ..؟!
ما دام جافاه أعز الناس لديه .
ــ

» فتن الدنيا
» أيه الدنيا غير.. لمة ناس في خير.. أو ساعة حزن
» حيازة الدنيا
» مناى فى الدنيا سترة وبيت
» الدنيا دولاب- ووين تخط ملابس