تاني قام واحد جميل في بلدنا مات
كان بغني للمساكين والمسولتين والحفاة
وكان بغني للمنافي والعصافير والرعاة
وكان بغني لي بلد في الحلم شايل أغنيات
وكان بتنطبر...وكان بدوبي للحياة
************
تاني قام واحد ملك روح وفات
كان ملك في الريد وانسان في الصفات
وكان مهاجر في دموع كل البكاة
وكان وتر مشدود..ومسكون دندنات
وكان _عليه سلام _تقول ما زول حياة
************
يــــــــــــــــا مصطفــــــــى
طاري الجماعة الكانو ساكننك دوام
من منفى لي منفى ومن عود لي سفر
طاري العصافير المسافرات دون جواز
طاري اللي داجين في المــــــــطر
عبد الرحيم وهلم جـــــــــــر
طاري القطر
طاري الحراز
الليلة كانو جميع هناك
قسمـــــــــــــا يمين
كان الجميع باكين عليك
كان المطار والطائرات فارشين عليك
كان الجميع مشتاق اليك
يــــــــا ســــــلام عليك
لمن تكون زولا عزيز
عن ناس عزاز
يـــــــا سلام عليك
**********
يعني كان لازم تفوت
والحزن مشرور في البيوت
والدنيا ما زال فيها حوت
وفيها لسه عنكبوت
يعني كان لازم تفوت
وتخلي اوتارك سكوت
ولسه عندنا ريد جديد
ولسه عندنا ليك قصيد
يعني كان لازم تفوت
وتخلي هذا الحب يموت
*******
يـــــــــا سلام عليك
لمان تكون زولا عزيز
عند ناس عزاز
يـــــــــا سلام عليك
*******
