فى بعض الاحيان يصيبك الجنون وانت تبحث عن تلك الطرق التى تجمعك مع من تحب ومهما طال الانتظار ستصل وانت تقطع الف الاميال لتقول له رحلتا ليك
رحلتا ليك
مشحون محنه وحس غريب
رحلتا عابر كم ديار
والعيون
حاضنه رسم الكان محال
والدواخل ما شكت
ما انت ساكن من زمن
رحلتا للمصلوب حقيقه
وزول مقطر فى القصيده
وعمرو مكتوب للحبيبه
الساكنه فى الدار البعيده
فى المدينه الما بتتوه
فى الجنائن والجروف
رحلتا ماسك فى الامانى
والحزن جوايا بعاين
ولما شفتك يا حليوه
قلتا بت النيل اصيله
بت تقابلك زى مواءنى
بت تسالمك بالمعانى
وباقا زى وهجى النضالى
شامخه نخله
وضاحكه طفله
رحلتا ليك
سايقنى ريد
وحلم بعيد
حلم الرواكيب المدينه
والفضاءات السجينه
ما انتى فردوس العشم
فردوس بقاوم وما سكن
رحلتا ليك
@@@@@
