اهديها للحبيب : عبدالرحمن موسي
دا نص قلت اسيبو مجهول فالتعمدونه انتم
راح يسالونك عني
،قولي التعرفيهو
قولي بريدو
لي وطنو ادي القسم
في شعبو بنظم قصيدو
راح يسالونك
وين اسع بكون ؟
عن علاقتك بالوطن
وانتماءك لي ضميرك
مدي حبك للكتابة وعن يقينك
اتماسكي
واعلمي انو الدرب شائك
لا تتقهقري
قولي انك من هالشعب
ولي هالشعب
ياحبيبة
هناك لا احد
في ضفة الوطن
هناك يهابون الكلمة والشعر
راح يسالوك عنك
وعن ضميرك
واني عارفك يا حبيبة
ما بتساومي بي
شرف الكلام
ما بتنحني
ولا الريح تقدر تهزك
وهم بي عفنهم بنكسرو عندك
وبتوقفو
يتاملوو يقرو تاريخك
وعن مهيرة والتاية البي ملامحك
والعازة وفاطنة زاتا بتشبهك
لكن صحيح بقرو ؟
ما ظني
ما ظنيت يا حبيبة بيقرو
واكتر من فرق
بينك وبينهم
اولا انك بتراهني
علي الزمن البعيد الجاي
وهم علي اللحطة
وقوت يومهم
يكتبون سرك مفبركا
يقولون التقت فلانا
وهو عميلا لل......
وضد الشريعة
اما انا فيقولون لك
انه منحل
شهواني كافرا فاجر
سيحرضونك ضدي
